என் சமையலறையில்…

**ayyasamy ram** · **ayyasamy ram** Sat Jan 09, 2016 3:07 pm

* கிறிஸ்துமஸ், நியூ இயர் கேக்கில் முட்டை சேர்க்க
விரும்பாதவர்கள் கால் கிலோ பால் பவுடருடன் ஒரு டீஸ்பூன்
சமையல் சோடா சேர்த்து மாவில் கலந்து செய்யலாம்.

முட்டை சேர்த்து செய்வதைப் போலவே மிருதுவாகவும்
சுவையாகவும் இருக்கும்.

– எஸ்.விஜயா சீனிவாசன், திருச்சி.
–
———————————————–

* மழைக்காலங்களில் தொண்டை வலி, கமறல், இருமல்
போன்றவற்றுக்கு வெறும் மிளகை சாப்பிட்டால் காரமாக இருக்கும்.
ஒரு கரண்டியில் சிறிது நெய் விட்டு காய்ந்ததும், சிறு கட்டி
வெல்லத்தைப் போட்டு பொங்கி வரும்போது, 1/2 டீஸ்பூன் மிளகு
போட்டு ஆறியதும், வாயில் போட்டுக்கொண்டால் இருமல் மட்டுப்
படுவதோடு இதமாகவும் இருக்கும்.
–
– ப்ரியா கிஷோர், மந்தைவெளிப்பாக்கம், சென்னை-28.
–
———————————————-
–

* ஒரு மாறுதலுக்கு பாசிப்பருப்பு மாவில் உப்பு, காரப்பொடி,
சீரகப்பொடி சேர்த்து பஜ்ஜி மாவு பதத்திற்கு கரைத்து பஜ்ஜி போட
ருசியாக இருக்கும்.
–
– ஆர்.அஜிதா, கம்பம்.
–
————————————————
–

**ayyasamy ram** · **ayyasamy ram** Sat Jan 09, 2016 3:08 pm

–

* ரவா தோசைக்கு தேவையான அளவு அரிசி மாவு இல்லையெனில்,
கையளவு சாதத்தை மிக்ஸியில் போட்டு குழைய அடித்து ரவையில்
கலந்து தோசை செய்து பாருங்கள். முறுகலாக வரும்.
–
– ஜே.சி.ஜெரினாகாந்த், ஆலந்தூர், சென்னை-88.
–
———————————————–
–

* சப்பாத்திக்கு மாவு பிசையும்போது சிறிதளவு ஏலக்காய் தூளும்,
சிறிதளவு சுக்குத் தூளும் கலந்தால், சுவை அதிகரிக்கும். எளிதில்
ஜீரணமும் ஆகும்.
–
– கே.பிரபாவதி, மேலகிருஷ்ணன்புதூர்.
–
——————————————–
–
* பட்டாணி சூப் செய்யும் போது ஒரு டீஸ்பூன் அவலை வறுத்து
மிக்ஸியில் பொடி செய்து அதில் சேர்த்து கொதிக்க விட்டால்
கெட்டியான சூப் கிடைக்கும்.
–
– ஆர்.ஜெயலட்சுமி, திருநெல்வேலி.
–
————————————————-

**ayyasamy ram** · **ayyasamy ram** Sat Jan 09, 2016 3:08 pm

மழைக்காலத்தில் ஈக்கள் அதிகமாக இருக்கும்.
புதினா இலைகளைக் கசக்கி சமையலறை, சாப்பாட்டு மேஜை
போன்ற இடங்களில் போட்டு வைத்தால் ஈக்கள் நெருங்காது.
–
– கே.ராகவி, வந்தவாசி.-
–
—————————————–
–
* ஒரு கப் கோதுமை மாவை கடாயில் எண்ணெய் இல்லாமல் வறுத்து,
அரை கப் பொடித்த சர்க்கரை, 1 சிட்டிகை சுக்குத்தூள் சேர்த்து கலந்து
ஒரு பாட்டிலில் வைத்துக் கொண்டால், தேவைப்படும்போது
இரண்டு டீஸ்பூன் மாவை ஒரு கப் சூடான பாலில் கலந்து குடித்தால்
சுவையாக இருக்கும். ஆரோக்கியத்துக்கும் நல்லது.
–
– எஸ்.வளர்மதி, கன்னியாகுமரி.
–
———————————————–
–
* இட்லி, தோசைப் பொடி செய்யும்போது மிளகாய் வற்றலுக்குப்
பதில் மிளகு சேர்த்துப் பொடி செய்யலாம். வயிற்றுப்புண்
உள்ளவர்களும் இதைப் பயன்படுத்த முடியும்.
–
– எச்.ராஜேஸ்வரி, மாங்காடு.
–
—————————————————-

* இட்லி மாவு பொங்காமலும் புளிக்காமலும் இருக்க மாவில்
சிறிது வாழை இலையையோ, காம்பு கிள்ளாத வெற்றிலைகளையோ
போட்டு வைத்தால் மாவு 2 நாட்கள் ஆனாலும் புளிக்காது… பொங்காது.
–
– ஆர்.அம்மணி, வடுகப்பட்டி, தேனி.
–
———————————————
நன்றி- குங்குமம் தோழி

**krishnaamma** · **krishnaamma** Sat Jan 09, 2016 3:34 pm

//கிறிஸ்துமஸ், நியூ இயர் கேக்கில் முட்டை சேர்க்க
விரும்பாதவர்கள் கால் கிலோ பால் பவுடருடன் ஒரு டீஸ்பூன்
சமையல் சோடா சேர்த்து மாவில் கலந்து செய்யலாம்.//

கால்கிலோவுக்கு 1 டீ ஸ்பூனா?.........வாய் வெந்துடாது?????

**ஜாஹீதாபானு** · **ஜாஹீதாபானு** Sat Jan 09, 2016 3:47 pm

அனைத்து குறிப்புகளும் அருமை

**மாணிக்கம் நடேசன்** · 14/12/2009

நல்ல குட்டி குட்டி குறிப்புகள். நன்றி ஐயா.

இந்த பதிவைத் துவங்கியவர் நன்றி கூறியுள்ளார் மாணிக்கம் நடேசன்

Sponsored content · Sponsored content

என் சமையலறையில்…

என் சமையலறையில்…

Re: என் சமையலறையில்…

Re: என் சமையலறையில்…

Re: என் சமையலறையில்…

Re: என் சமையலறையில்…

Re: என் சமையலறையில்…

Re: என் சமையலறையில்…

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக