இட்லி ஏன் கொளகொளன்னு இருக்கும்மா?’

by **ayyasamy ram** Sat Jan 09, 2016 4:54 am

-
* ஒரு நாளில் ஒரு வீட்டில் சேரும் குப்பைகளின் அளவு தெரியப்படுத்தும்
அவ்வீட்டின் வேலைகளின் அளவை.
-
* அப்பாவுக்கும் அம்மாவுக்கும் ரசனைகள் ஒத்துப் போகாததில்
குழந்தைகளுக்கு ஆச்சரியம். அதுதான் டிசைன் என்பது புரியும் காலம்
வரும்.
-
* ‘இட்லி இன்னைக்கு ரொம்ப சாஃப்டா இருந்ததும்மா’ என்று
சொன்னால், பிள்ளைகள்.
‘இட்லி ஏன் கொளகொளன்னு இருக்கும்மா?’ என்று கேட்டால்,
மாமியார்!
-
* ‘போதும், முத்தமே வேண்டாம்’ என்று தள்ளி விடும் அளவுக்கு
முத்தம் தரும் குழந்தைகள்!
-
* திகில், காதல், பயம், பக்தி எல்லா வற்றையுமே மூளை கனவில் வெளிப்
படுத்துகிறது. எடிட்டிங்தான் சொதப்புகிறது.
கனவு காட்சிகள் கோர்வையாகவே இல்லை.
-
* வண்ணத்துப்பூச்சி பறக்க முடியாமல் தத்தளிப்பதற்கு ஃபேனில்
அடிபட்டதே காரணம் எனக்கு.
மகளுக்கோ ஃபேனை போட்ட நாம்தான் காரணம்.
-
----------------------------
நன்றி- குங்குமம் தோழி -1-10-15

by shobana sahas Sat Jan 09, 2016 4:57 am

// வண்ணத்துப்பூச்சி பறக்க முடியாமல் தத்தளிப்பதற்கு ஃபேனில்
அடிபட்டதே காரணம் எனக்கு.
மகளுக்கோ ஃபேனை போட்ட நாம்தான் காரணம்.
//
அருமை . அனைத்தும் அருமை அய்யா .

by **ayyasamy ram** Sat Jan 09, 2016 5:17 am

by **M.Jagadeesan** Sat Jan 09, 2016 12:56 pm

இட்டலி கொழகொழன்னு இருப்பதேன் கண்ணம்மா ?
...இருக்கின்ற உளுந்தெல்லாம் கொட்டியது காரணமோ ?
பட்டுப்போல் இட்டலிக்கு வழியொன்று சொல்லம்மா ?
...பார்ப்பதற்கு தும்பைபோல் வெண்ணிறம் வேண்டுமம்மா !
தட்டுநிறை பலகாரம் எத்தனைதான் இருந்தாலும்
...தரணியிலே இட்டலிக்கு இணையான உணவுண்டோ ?
எட்டுகின்ற விலையினிலே எளிதாகக் கிடைத்திடுமே
...ஏழைகளின் உணவான இட்டலியைச் சாப்பிடுவோம் !

by **krishnaamma** Sat Jan 09, 2016 1:25 pm

அப்பாவுக்கும் அம்மாவுக்கும் ரசனைகள் ஒத்துப் போகாததில்
குழந்தைகளுக்கு ஆச்சரியம். அதுதான் டிசைன் என்பது புரியும் காலம்
வரும்

அடப்பாவிகளா....................ஹா..ஹா..ஹா........சூப்பர் ! ............... சிப்பு வருது

by **krishnaamma** Sat Jan 09, 2016 1:26 pm

ஒரு நாளில் ஒரு வீட்டில் சேரும் குப்பைகளின் அளவு தெரியப்படுத்தும்
அவ்வீட்டின் வேலைகளின் அளவை.

குப்பை ஒரு வீட்டின் வேலை இன் அளவை மட்டும் சொல்லது, அவர்களின் தரத்தையும் சொல்லிவிடும் புன்னகை

..........அது தான் அந்த காலத்தில் சொல்வா, " நீ என்ன குப்பைகொட்டறேன்னு நான் பார்க்கத்தானே போறேன்" என்று புன்னகை