அறியாயோ.... அஞ்சுகமே .....

by K.Senthil kumar Fri Jan 08, 2016 7:24 pm

First topic message reminder :

அறியாயோ.... அஞ்சுகமே .....

மருதாணி பறிச்சுவந்து
ஆட்டுரலில் அரச்சுவந்து
என் விரலில் உருட்டி உருட்டி –உன்
உள்ளங்கையில ஒட்டிவச்சா
உச்சந்தல குளுரடிச்சு
கூச்சத்துல சிலுத்துக்குவ
சின்ன பொண்ணே தெரியாதா..??

உன் மூக்குகீழ தூசு அத
ஒனக்கு நான் தொடச்சிவிட
காலையில நீ வந்து
கண்ணாடி பாக்கையில
செவந்த மீச கொஞ்சம்
செரப்பத்தான் மொளச்சிருக்கும்
ஊரே குலுங்கி அத
ஒக்காந்து சிரிச்ச கத
ஒனக்குந்தான் தெரியாதா..???

பாண்டி வெளையாட்ட
பக்குவமா நீயாட
நொண்டி வெளையாட்ட –நீ
நொனசொல்லி நானாட
உப்புமூட்ட ஒன்ன தூக்கி
ஒருவீதி சுத்திவந்து
எறங்க சொல்லி நான் கேக்க
எறங்காம நீ இருக்க –நான்
இடுச்சி விட்டதால –நீ
இடுப்போடிஞ்சி போனகத
எலஞ்சியமே தெரியாதா ...??

ஆளுக்கொரு பிடிச்ச
அரிசியத்தான் எடுத்துவந்து
கரிசமர வெறகு கொல்லி
கணக்கத்தான் பொருக்கிவந்து
ஆத்துகோயில் பக்கத்துல
அடுப்பத்தான் பத்தவச்சு
கூட்டாஞ்சோறு ஆக்கிதின்னு
கொண்டாடி குளுந்தோமே
கொஞ்சங்கூட தெரியாதா...??

கரடோரம் மாடுமேய்க்க
கயிர்புடிச்சி நடக்கையில
ஓமாடு முன்ன போக
ஏமாடு பின்ன வர
கோமியத்த ஓமாடு
கொடங்கோடமா அடிச்சிவிட
பாவாட நனைஞ்சதால
பசங்க கண்ணு பட்டுடாம –நீ
பதுங்கி பதுங்கி நடந்த கத
பச்சமண்ணே தெரியாதா..??

ஒங்க ஊட்டு வாசலுல
பொங்கலுக்கு கோலம்போட
நீ கொஞ்சம் கோடிழுக்க
நான் கொஞ்சம் கலரடிக்க
ஒரு நாள் முழுக்க அத
ஒக்காந்து ரசிப்போமே
ஒனக்கு அது தெரியாதா..??

வாழதோப்பு ஓரத்துல
வரப்போரம் நடக்கையில
வாழக்கா நான் பறிக்க
வாஞ்சையோட நீ கடிக்க
வரிபல்லு கரையாள –நீ
அர கெழவியான கத –என்
அஞ்சுகமே தெரியாதா...??

வயசுக்கு நீ வந்த பின்ன
வெளையாட வாரத்துக்கு
ஓஊட்டுல தடவிழுகவிழ
ஏமனசுல இடிவிழுகவிழ
இடிஞ்ச மனசோட
இத்தன நாள் இருக்கேனே
இந்த கத ஒனக்குந்தான்
இப்பவரைக்கும் தெரியாதா..??

கே.செந்தில்குமார்

by **T.N.Balasubramanian** Sun Jan 10, 2016 4:54 pm

யினியவன் wrote:போயிட்டு வா மச்சானே போயிட்டு வா மச்சானே
டவுனுக்கு போயி காசு பணம் பண்ணி சேத்து வர
போயிட்டு வா மச்சானே போயிட்டு வா மச்சானே ன்னு
பாட்டு நீயும் சொல்லி போட்ட
டவுனுல காசு பணம் சேத்து வர செத்து வர வேணுமடி
செத்து வரும் வேளையிலே கிராமீயமும் செத்து தான் போகுமடி
உன்னை கண்ணாலம் பண்ண வருவேனோ இல்ல
நீயும் கருமாதி தான் எனக்கு பண்ண வருவேனோ
வார சுகம்/சோகம் வேணாமடி
உள்ள சுகத்த உன்னோடயே
உசிரு உள்ள வரை இங்கேயே
வாழ்ந்துபுட்டு போறேனடி

மேற்கோள் செய்த பதிவு: 1186791

மும்முனைப் போட்டியோ !
ஜமாயுங்க .

ரமணியன்

டவுனு பக்கம் வேனாம புள்ள.(வாழ்க்க)
டவுனாகி போகும் புள்ள.
மோட்டாரு வாழ்க்கை புள்ள.
மோசமான வாழ்வு புள்ள.

ஓடி ஓடி பொழச்சாலும்
ஒன்னுமே ஒட்டாது.
பகட்டான வாழ்க்கை புள்ள
பாசமில்லா வாழ்க்கை புள்ள.

கஸ்டபட்டு வாழ்ந்தாலும் கலகலப்பு உண்டு இங்கு
காடு கழனி பாத்தாலும் கரும்பான இனிப்பு இங்கு.
களத்து மேடும் வாய்கா காடும் அழகான வாழ்க்கை இங்கு.
கண்மணியே உன்னை காணும் பாக்கியம்தான் கிடைத்திடுமே.

by K.Senthil kumar Sun Jan 10, 2016 6:20 pm

டவுனு பக்கம் போனாலும் தடம் மாறக்கூடாது
பகட்டான வாழ்க்கை வந்தும் பாசம் மாறக்கூடாது
களத்து மேடும் வாய்க்கா காடும் வருமானம் தராது
எத்தனத்தான் சொன்னாலும் ஒனக்கு ஏறவே ஏறாது –கொஞ்சம்
இடுச்சித்தான் சொன்னாலும் ஒனக்கு ஏறவே ஏறாது
மாமன்காரன் வந்துருவான் பரிசத்த போட்டுருவான்
கழுத்த நானும் நீட்டிருவேன் காணாம போயிருவேன்
பாத்துக்கோ.......... நீ.......... பாத்துக்கோ................

மாமன்காரன் வந்தால் என்ன மச்சான்டாரு வந்தாலென்ன.
மாயில காளை நானிருக்க மயிலே நான் விடமாட்டேன்.
பரிசம் போட நான் வருவேன் பாசத்தோடு நான் இருப்பேன்.
பாக்கு தட்டை கொடுத்திடுவேன் பந்தல் கூட போட்டுடுரேன்.
தை பொறந்தா வழிபிறக்கும் தங்கமே நீ காத்திரு.

by யினியவன் Sun Jan 10, 2016 7:12 pm

தை பொறந்தா வழி பொறக்கும்ன்னு சொன்னியளே மாமா
மயிலக் காள உம்ம சல்லிக் கட்டுக்கு ஓட்டிட்டு போயிட்டாவளே
மாட்ட அடக்கி வீரத்த காட்டிபுட்டு எங் கழுத்துல மஞ்சக் கயித்த
கட்டிபுட வந்துடு மாமோய் உன்ன நான் அடக்கி காட்டிடுதேன் மாமோய்

by K.Senthil kumar Sun Jan 10, 2016 7:33 pm

வீரா வசனமெல்லாம் வெவரமாத்தான் பேசிரு
பணம் காசு பாக்காம ஊட்டுலையே படுத்துரு
கண்ணாலம் பண்ணுவேன்னு கனவுலேயே காத்திரு
கனவான வாழ்க்கையில காலத்த ஒட்டிரு

ஒருநேர சோத்துக்கு ஒன்பொழப்போ தாறுமாறு -அப்ப
ஒன்ன என்கூட சேத்து இப்ப வப்பதாறு –அதனால
உசிர வச்ச மச்சானே ஒதாவக்கர வெளக்கமாறே
ஒழுங்கா நீ பொழப்புக்கு ஓயாம போயிரே

வாடி வாசல் காளைகளை வகையோடு அடக்கிடுவேன்.
வாய்கால் வரப்போடு வகையோடு செதுக்கிடுவேன்.
வயகாட்டில் கிணறு ஒன்னு வம்சத்துக்கே வெட்டிடுவேன்.
மஞ்ச தண்ணீர் ஊத்தி புட்டா மத்ததெல்லாம் மாறிபோகும்.
உதவாகரனு நெனச்ச என்ன ஊர் மெச்ச வாழ்ந்திடுவேன்.

by K.Senthil kumar Sun Jan 10, 2016 8:04 pm

யினியவன் wrote:தை பொறந்தா வழி பொறக்கும்ன்னு சொன்னியளே மாமா
மயிலக் காள உம்ம சல்லிக் கட்டுக்கு ஓட்டிட்டு போயிட்டாவளே
மாட்ட அடக்கி வீரத்த காட்டிபுட்டு எங் கழுத்துல மஞ்சக் கயித்த
கட்டிபுட வந்துடு மாமோய் உன்ன நான் அடக்கி காட்டிடுதேன் மாமோய்

மேற்கோள் செய்த பதிவு: 1186814

ஜல்லிகட்டு மல்லுகட்ட என் மாமன் போவாண்டி
என் மாமன் பேச்சு இப்ப ஒனக்கு எதுக்கு வேனுண்டி
என் மாமன் மனசுக்குள் நான் மட்டும் இருப்பேண்டி –தாலிய
என் கழுத்துல மட்டுந்தான் என் மாமன் கட்டுவாண்டி
........... ஜாலி

...........

by K.Senthil kumar Mon Jan 11, 2016 5:06 am

வாடி வாசலெல்லாம் ஒனக்கு வணங்கித்தான் நிக்குமுங்க –திமிலு
வகுடெடுத்த காளையெல்லாம் கொஞ்சம் கலங்கித்தான் இருக்குமுங்க
ஒன் வீரத்த ஊர் மெச்சும் அது எனக்கு தெரியாதா –போட்டில
வெண்டு வாக சூடிருவ அது எனக்கு தெரியாதா
வெகுமதிய வாங்கி வரும் வெள்ளந்தி ராசாவே – பொழைக்கும்
தகுதியத்தான் வளத்துக்கணும் தங்கமான ராசாவே....

பொழைக்கிற தகுதியெல்லாம் மிச்சமாவே எனக்கிருக்கு.
பட்டாளத்திற்கு ஆள் தேடி செய்தி ஒன்று வந்திருக்கு.
பாவி மக உன்னால பட்டாளத்துக்கு போரேன்டி.
எல்லையில காவல் காக்க வாய்ப்பு ஒன்னு காத்திருக்கு.
என் சாவு வந்தாலும் கண்ணே நீ களங்காதே.
எதிரிகளை கொன்னுபுட்டு வீரனாக வந்துடுவேன்.