அறியாயோ.... அஞ்சுகமே .....

K.Senthil kumar · K.Senthil kumar Fri Jan 08, 2016 1:54 pm

First topic message reminder :

அறியாயோ.... அஞ்சுகமே .....

மருதாணி பறிச்சுவந்து
ஆட்டுரலில் அரச்சுவந்து
என் விரலில் உருட்டி உருட்டி –உன்
உள்ளங்கையில ஒட்டிவச்சா
உச்சந்தல குளுரடிச்சு
கூச்சத்துல சிலுத்துக்குவ
சின்ன பொண்ணே தெரியாதா..??

உன் மூக்குகீழ தூசு அத
ஒனக்கு நான் தொடச்சிவிட
காலையில நீ வந்து
கண்ணாடி பாக்கையில
செவந்த மீச கொஞ்சம்
செரப்பத்தான் மொளச்சிருக்கும்
ஊரே குலுங்கி அத
ஒக்காந்து சிரிச்ச கத
ஒனக்குந்தான் தெரியாதா..???

பாண்டி வெளையாட்ட
பக்குவமா நீயாட
நொண்டி வெளையாட்ட –நீ
நொனசொல்லி நானாட
உப்புமூட்ட ஒன்ன தூக்கி
ஒருவீதி சுத்திவந்து
எறங்க சொல்லி நான் கேக்க
எறங்காம நீ இருக்க –நான்
இடுச்சி விட்டதால –நீ
இடுப்போடிஞ்சி போனகத
எலஞ்சியமே தெரியாதா ...??

ஆளுக்கொரு பிடிச்ச
அரிசியத்தான் எடுத்துவந்து
கரிசமர வெறகு கொல்லி
கணக்கத்தான் பொருக்கிவந்து
ஆத்துகோயில் பக்கத்துல
அடுப்பத்தான் பத்தவச்சு
கூட்டாஞ்சோறு ஆக்கிதின்னு
கொண்டாடி குளுந்தோமே
கொஞ்சங்கூட தெரியாதா...??

கரடோரம் மாடுமேய்க்க
கயிர்புடிச்சி நடக்கையில
ஓமாடு முன்ன போக
ஏமாடு பின்ன வர
கோமியத்த ஓமாடு
கொடங்கோடமா அடிச்சிவிட
பாவாட நனைஞ்சதால
பசங்க கண்ணு பட்டுடாம –நீ
பதுங்கி பதுங்கி நடந்த கத
பச்சமண்ணே தெரியாதா..??

ஒங்க ஊட்டு வாசலுல
பொங்கலுக்கு கோலம்போட
நீ கொஞ்சம் கோடிழுக்க
நான் கொஞ்சம் கலரடிக்க
ஒரு நாள் முழுக்க அத
ஒக்காந்து ரசிப்போமே
ஒனக்கு அது தெரியாதா..??

வாழதோப்பு ஓரத்துல
வரப்போரம் நடக்கையில
வாழக்கா நான் பறிக்க
வாஞ்சையோட நீ கடிக்க
வரிபல்லு கரையாள –நீ
அர கெழவியான கத –என்
அஞ்சுகமே தெரியாதா...??

வயசுக்கு நீ வந்த பின்ன
வெளையாட வாரத்துக்கு
ஓஊட்டுல தடவிழுகவிழ
ஏமனசுல இடிவிழுகவிழ
இடிஞ்ச மனசோட
இத்தன நாள் இருக்கேனே
இந்த கத ஒனக்குந்தான்
இப்பவரைக்கும் தெரியாதா..??

கே.செந்தில்குமார்

K.Senthil kumar · K.Senthil kumar Sun Jan 10, 2016 6:58 am

கார்த்திக் செயராம் wrote:கடல் தாண்டி போனவங்க கஸ்டத்த கேட்டேன்டி.
கடல் தாண்டி போயித்தான் காசு பணம் பாக்கனுமா.
கழனியில் பாடுபட்டா காசு பணம் சேத்திடலாம்.
காலையில எழுந்திடுவேன் காளை ரெண்டு பூட்டிகிவேன்.
காட்டை நல்லா உழுதுடுவேன் கரை வச்சி பூசிடுவேன்.
கஞ்சியத்தான் குடிச்சிபுட்டு கஸ்டப்பட்டு உழைச்சிடுவேன்.
கண்மணியே உனை நானும் ராணி போல பாத்துகுவேன்.

மேற்கோள் செய்த பதிவு: 1186760

ஒன் பேச்சு இத்தனநாள் ஒதவாம போச்சுதைய்யா
நான் நெனச்ச கனவெல்லாம் கானல்நீரா ஆச்சுதைய்யா
காடு கழனியெல்லாம் கருவேலம் மொலச்சுதைய்யா
காலைல ஒனக்கு கள்ளுக்கட கெடச்சுதைய்யா
கஷ்டம் தெரியாத ஒன்கிட்ட வாக்கபட்டா
காது கம்மலோட வருங்காலத்தயும் தொலச்சிருவேன்

**ராஜா** · **ராஜா** Sun Jan 10, 2016 7:12 am

K.Senthil kumar wrote:நன்றி பானு அக்கா ...

வட்டார வழக்கை பயன்படுத்தி எழுதிவிட்டோமே, சுவைக்காமல் போய்விடுமோ என்று சிறிது தடுமாறித்தான் போனேன்.
நீங்கள் அதுபோன்ற வார்த்தைகளை அறிந்திருப்பதால் நான் இனி கவலை கொள்ள தேவையில்லை .

மேற்கோள் செய்த பதிவு: 1186665

தடுமாற தேவையில்லை செந்தில் , உங்ககிட்டேயும் கார்த்திக் கிட்டேயும் பிடித்ததே இந்த எளிமையான தமிழ் வடிவம் தான். தொடருங்கள் புன்னகை

**கார்த்திக் செயராம்** · 29/10/2015

ஊரெல்லாம் மழைபெஞ்சி வெள்ளகாடா போனதடி.
நாடெல்லாம் மழைபெஞ்சி நாசமா போனதடி .
நம்ம ஊரு கரட்டு பக்கம் ஒரு துளி பெயிலடி .
ஈசானி மூலையதான் தினம் தினம் பாத்து நின்னேன் .
வடக்கால மூலையில வெண் மேகம் கருத்திருக்கு .
காஞ்சிபோன என் மனசும் வெள்ள பூவா மலர்ந்திருக்கு .

தெருவோரம் கிழக்கால காலி மனை ஒன்னுஇருக்கு .
கடகன்னி வச்சிடலாமுனு எண்ணம் ஒன்னு வந்திருக்கு .
கடல் தாண்டி போகவேண்டாம் இங்கேயே பொழசிடலாம்.
காடு கழனி பாத்துக்கலாம் சொந்த தொழில் செய்திடலாம் .
கண்மணியே உன்னை நானும் பிறிந்திட மாட்டேனே ..

K.Senthil kumar · K.Senthil kumar Sun Jan 10, 2016 7:38 am

நன்றி ராஜா அண்ணா ..

நீங்கள் கொடுக்கின்ற ஊக்க மொழிகளில் தான் நாங்கள் கொஞ்சம் கொஞ்சமாக உருவாகிகொண்டு இருக்கிறோம் ....

யினியவன் · யினியவன் Sun Jan 10, 2016 7:42 am

இருவரும் பாரதிராஜா பாணியில் கிராமத்தை படம் பிடிக்கிறீர்கள் அழகாக.
கிராமீய வாழ்க்கையின் அழகை நமக்கு பிடித்து எப்போது
நிம்மதியாக வாழ போகிறோமோ தெரியல.

**கார்த்திக் செயராம்** · 29/10/2015

யினியவன் wrote:இருவரும் பாரதிராஜா பாணியில் கிராமத்தை படம் பிடிக்கிறீர்கள் அழகாக.
கிராமீய வாழ்க்கையின் அழகை நமக்கு பிடித்து எப்போது
நிம்மதியாக வாழ போகிறோமோ தெரியல.

மேற்கோள் செய்த பதிவு: 1186781

இன்று கிராமிய வாழ்க்கை கூட நகரத்து சாயலால் திரிந்து போய் வருகிறது ..கொஞ்ச நாட்களில் எல்லாமே மாறிவிடும் .

K.Senthil kumar · K.Senthil kumar Sun Jan 10, 2016 8:30 am

கார்த்திக் செயராம் wrote:ஊரெல்லாம் மழைபெஞ்சி வெள்ளகாடா போனதடி.
நாடெல்லாம் மழைபெஞ்சி நாசமா போனதடி .
நம்ம ஊரு கரட்டு பக்கம் ஒரு துளி பெயிலடி .
ஈசானி மூலையதான் தினம் தினம் பாத்து நின்னேன் .
வடக்கால மூலையில வெண் மேகம் கருத்திருக்கு .
காஞ்சிபோன என் மனசும் வெள்ள பூவா மலர்ந்திருக்கு .

தெருவோரம் கிழக்கால காலி மனை ஒன்னுஇருக்கு .
கடகன்னி வச்சிடலாமுனு எண்ணம் ஒன்னு வந்திருக்கு .
கடல் தாண்டி போகவேண்டாம் இங்கேயே பொழசிடலாம்.
காடு கழனி பாத்துக்கலாம் சொந்த தொழில் செய்திடலாம் .
கண்மணியே உன்னை நானும் பிறிந்திட மாட்டேனே ..

மேற்கோள் செய்த பதிவு: 1186779

அழவாத்தான் பேசுறியே அறிவு கெட்ட மச்சானே
ஆலக்கெனறு தோண்ட காசு கொஞ்சம் வேணுமே
கடன்கோடுத்தே காலியாவும் கடகன்னி வெச்சாவே –பின்ன
கஞ்சி குடிக்கத்தான் அஞ்சூடு போவணுமே

பவுண கொஞ்சம் கலட்டி தாரேன்
டவுனுக்கு நீ போகவேணும் –நல்லா
காசு பணம் சேத்து வந்து –என்ன
கண்ணாலம் பண்ண வேணும்
இருக்கிற காலம் மட்டும்
இன்பமா வாழ்ந்துக்கணும் -இனியாச்சும்
இல்லேங்கற வார்த்தைய
சொல்லாம இருந்துக்கனும் ......
போயிவா... மச்சானே ..போயிவா.... மச்சானே
பொழப்புக்கு புறப்பட்டு போயிவா.... மச்சானே

இதோட முடிங்க கார்த்திக்... அதிகமாக நீட்டினால் படிக்கிறவங்களுக்கு களைப்பு வந்துவிடும்

யினியவன் · யினியவன் Sun Jan 10, 2016 10:33 am

போயிட்டு வா மச்சானே போயிட்டு வா மச்சானே
டவுனுக்கு போயி காசு பணம் பண்ணி சேத்து வர
போயிட்டு வா மச்சானே போயிட்டு வா மச்சானே ன்னு
பாட்டு நீயும் சொல்லி போட்ட
டவுனுல காசு பணம் சேத்து வர செத்து வர வேணுமடி
செத்து வரும் வேளையிலே கிராமீயமும் செத்து தான் போகுமடி
உன்னை கண்ணாலம் பண்ண வருவேனோ இல்ல
நீயும் கருமாதி தான் எனக்கு பண்ண வருவேனோ
வார சுகம்/சோகம் வேணாமடி
உள்ள சுகத்த உன்னோடயே
உசிரு உள்ள வரை இங்கேயே
வாழ்ந்துபுட்டு போறேனடி

K.Senthil kumar · K.Senthil kumar Sun Jan 10, 2016 10:49 am

யினியவன் wrote:போயிட்டு வா மச்சானே போயிட்டு வா மச்சானே
டவுனுக்கு போயி காசு பணம் பண்ணி சேத்து வர
போயிட்டு வா மச்சானே போயிட்டு வா மச்சானே ன்னு
பாட்டு நீயும் சொல்லி போட்ட
டவுனுல காசு பணம் சேத்து வர செத்து வர வேணுமடி
செத்து வரும் வேளையிலே கிராமீயமும் செத்து தான் போகுமடி
உன்னை கண்ணாலம் பண்ண வருவேனோ இல்ல
நீயும் கருமாதி தான் எனக்கு பண்ண வருவேனோ
வார சுகம்/சோகம் வேணாமடி
உள்ள சுகத்த உன்னோடயே
உசிரு உள்ள வரை இங்கேயே
வாழ்ந்துபுட்டு போறேனடி

மேற்கோள் செய்த பதிவு: 1186791
அண்னே .....இனியவன் அண்ணே....
இங்க இருந்து உசுர வாங்க வேனாமேனுதான் ஆள டவுனுக்கு அனுப்பறோம் ஜாலி

யினியவன் · யினியவன் Sun Jan 10, 2016 11:08 am

K.Senthil kumar wrote:
அண்னே .....இனியவன் அண்ணே....
இங்க இருந்து உசுர வாங்க வேனாமேனுதான் ஆள டவுனுக்கு அனுப்பறோம்

வஞ்சகமே இது வஞ்சகமே
அறிந்தேனே வஞ்சகமே புன்னகை

Sponsored content · Sponsored content

அறியாயோ.... அஞ்சுகமே .....

அறியாயோ.... அஞ்சுகமே .....

Re: அறியாயோ.... அஞ்சுகமே .....

Re: அறியாயோ.... அஞ்சுகமே .....

Re: அறியாயோ.... அஞ்சுகமே .....

Re: அறியாயோ.... அஞ்சுகமே .....

Re: அறியாயோ.... அஞ்சுகமே .....

Re: அறியாயோ.... அஞ்சுகமே .....

Re: அறியாயோ.... அஞ்சுகமே .....

Re: அறியாயோ.... அஞ்சுகமே .....

Re: அறியாயோ.... அஞ்சுகமே .....

Re: அறியாயோ.... அஞ்சுகமே .....

Re: அறியாயோ.... அஞ்சுகமே .....

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக