பெண்கள் மானபங்கம்: 4 இளைஞர்கள் தெருவை சுத்தம் செய்ய உத்தரவு

by **ayyasamy ram** Thu Jan 07, 2016 7:11 pm

திருவிழாவில் பெண்களை மானபங்கம் செய்த வழக்கை விசாரித்த மும்பை உயர் நீதிமன்றம் நான்கு இளைஞர்கள் தெருவை சுத்தம் செய்யுமாறு உத்தரவிட்டது.

வழக்கு விவரம்:

மும்பை தானே பகுதியைச் சேர்ந்தவர்கள் அன்கீத் ஜத்வ், சுகாஷ் தாக்குர், மில்லிந்த் மோர், அமீத் அத்காலே ஆகிய நான்கு இளைஞர்கள் கடந்த ஆண்டு அக்டோபர் மாதம் நடைபெற்ற தசரா திருவிழாவின் போது பெண்கள் சிலரை மானபங்கம் படுத்த முயன்றனர். மேலும், அதை தடுத்த முயன்ற ஒருவரையும் கத்தியால் குத்தினர்.

இதையடுத்து அந்த நால்வர் மீதும் பெண்களை மானபங்கபடுத்துதல், கொலை முயற்சி உள்ளிட்ட பிரிவுகளின் கீழ், தானே போலீஸார் வழக்குப் பதிந்தனர்.

இந்நிலையில் மும்பை உயர் நீதிமன்றத்தை அணுகிய இளைஞர்கள், எதிர் தரப்பினர் மீது சமரசமாகிவிட்டதால், தங்கள் மீதான வழக்கை ரத்து செய்யுமாறு கோரிக்கை விடுத்தனர்.

வழக்கை விசாரித்த நீதிபதிகள் ஆர்.வி.மோர், வி.எல்.ஆச்சில்யா ஆகியோர் இளைஞர்கள் மீதான வழக்கை தள்ளுபடி செய்ய சம்மதித்தனர். எனினும், அந்த இளைஞர்கள் தானே நகரின் வீதிகளை ஞாயிற்றுக்கிழமை தோறும் 8 மணி நேரம் வீதம் ஆறு மாதத்திற்கு சுத்தம் செய்வதற்கு உத்தரவிட்டனர். இதை நாவுபடா போலீஸ் நிலையத்தைச் சேர்ந்த காவலர் ஒருவர் கண்காணிக்கவும் உத்தரவிட்டனர்.
-
தினமணி

by shobana sahas Fri Jan 08, 2016 5:01 am

// அந்த இளைஞர்கள் தானே நகரின் வீதிகளை ஞாயிற்றுக்கிழமை தோறும் 8 மணி நேரம் வீதம் ஆறு மாதத்திற்கு சுத்தம் செய்வதற்கு உத்தரவிட்டனர். இதை நாவுபடா போலீஸ் நிலையத்தைச் சேர்ந்த காவலர் ஒருவர் கண்காணிக்கவும் உத்தரவிட்டனர்.//
பத்தாது ஆயுளுக்கும் செய்ய வேண்டும் என்று இருக்க வேண்டும் . மண்டையில் அடி