தவறான திசையில் தேடாதீர்கள் - குட்டிக் கதை!

by **ayyasamy ram** Thu Jan 07, 2016 2:11 pm

ஒரு ஊரில் ஒரு பிச்சைக்காரர்,
தினசரி ஒரு மரத்தடியில் அமர்ந்து பிச்சை எடுத்துக்கொண்டிருப்பார்.
மக்களும் அவர் மேல் பரிதாபப்பட்டு சில்லறைகளை வீசுவார்கள்.

ஒவ்வொரு நாளும் வானத்தை அண்ணாந்து பாத்து, "கடவுளே, என்னை
ஏன் ஒரு பிச்சைக்காரனாக வைத்திருக்கிறாய்? என்னை ஒரு
கோடீஸ்வரனாக படைத்திருந்தால் நன்றாக இருந்திருக்குமே?
என்று புலம்பிக் கொண்டே பிரார்த்திப்பார்.

காலம் சென்றது. அவருக்கும் வயதானது. ஒரு நாள் திடீரென இறந்து
விட்டார்.
அவருடைய உடலைச் சுமந்து சென்று ஈமக்கிரியைகளை யாரும் செய்ய
விரும்பவில்லை. அதனால் அந்த மரத்தடியிலேயே புதைத்துவிட
அங்கேயே ஒரு சவக்குழியை தோண்ட ஆரம்பித்தனர்.

சில அடிகள் தோண்டியவுடன் மிகப்பெரிய ஒரு வைரப் புதையலை
கண்டெடுத்தனர். இந்த பிச்சைக்காரர் வாழ் நாள் முழுவதும் அந்தப்
புதையலின் மேலே உட்கார்ந்திருந்தாலும், அவர் தவறான திசையை
அண்ணாந்து பார்த்துக் கொண்டிருந்தார்,

கொஞ்சம் கீழே தோண்டிப் பார்த்திருந்தால், என்னவெல்லாம் வேண்டும்
என்று அவர் ஆசைப்பட்டாரோ அதையல்லாம் அவர் அடைந்திருப்பார்.

அதிர்ஷ்டம் என்பது தொலைவில் இருக்கும் ஒரு காட்சிப் பொருளல்ல
மாறாக நம்முடனே இருக்கும் ஒரு விடயம் தான், நமது தேடலின்
அளவிற்கேற்ப அதனது காட்சியும், பிரதி பலனும் அதிகரிக்கும்
-
-------------------------------------------------
படித்ததில் பிடித்தது

by **krishnaamma** Thu Jan 07, 2016 2:26 pm

நல்லா இருக்கு, என்றாலும் கடவுளை எல்லோரும் வானத்தை நோக்கித்தானே கை காட்டி வழிபடுவார்கள் புன்னகை

by யினியவன் Thu Jan 07, 2016 3:24 pm

நமக்கு யாராவது கீழ பள்ளம் தோண்டுராங்களான்னு பாக்கனும்மா புன்னகை

by **ராஜா** Thu Jan 07, 2016 3:35 pm

அடுத்தமுறை இந்தியா போனதும் முதல் வேலை வீட்டை தொண்டுறது தான் ...

(ஆஹா ...
தவறான திசையில் தேடாதீர்கள் - குட்டிக் கதை! 8142-vaddi

நாம இருக்குறது அப்பார்ட்மெண்ட் ஆச்சே , தோண்டுனா கீழ்வீட்டுக்காரன் சண்டைக்கு வருவானே , என்ன பண்ணுறது... )

by யினியவன் Thu Jan 07, 2016 3:37 pm

கீழ் வீட்டை வாங்கினது அவர் தப்பு, நீங்க தோண்டுங்க ராஜா புன்னகை

உழைப்பை நம்பாமல் அதிர்ஷ்டத்தையும் கடவுளையும் நம்பினால் இறுதிவரை பிச்சைக்காரனாய் தான் வாழ்க்கை முடியும் என்பதற்கு சிறந்த உதாரண கதை.

----- காலுக்கு கீழே வைரக்கற்கள் என்பது உழைப்பின் குறியீடு -----

by **krishnaamma** Thu Jan 07, 2016 5:39 pm

யினியவன் wrote:நமக்கு யாராவது கீழ பள்ளம் தோண்டுராங்களான்னு பாக்கனும்மா

ம்ம்...சரிதான், ஜாக்கிரதையாக இருக்கணும், முழித்துக்கொண்டு இருக்கும்போதே, முழியைத் திருடும் உலகம் இது புன்னகை

by **krishnaamma** Thu Jan 07, 2016 5:40 pm

ராஜா wrote:அடுத்தமுறை இந்தியா போனதும் முதல் வேலை வீட்டை தொண்டுறது தான் ...

(ஆஹா ...

நாம இருக்குறது அப்பார்ட்மெண்ட் ஆச்சே , தோண்டுனா கீழ்வீட்டுக்காரன் சண்டைக்கு வருவானே , என்ன பண்ணுறது... )

மேற்கோள் செய்த பதிவு: 1185986

சிப்பு வருது

by **krishnaamma** Thu Jan 07, 2016 5:41 pm

சத்தியமூர்த்தி சுப்ரமணியம wrote:உழைப்பை நம்பாமல் அதிர்ஷ்டத்தையும் கடவுளையும் நம்பினால் இறுதிவரை பிச்சைக்காரனாய் தான் வாழ்க்கை முடியும் என்பதற்கு சிறந்த உதாரண கதை.

----- காலுக்கு கீழே வைரக்கற்கள் என்பது உழைப்பின் குறியீடு -----

மேற்கோள் செய்த பதிவு: 1185990

நீங்கள் சொல்வது உண்மை சத்திய மூர்த்தி புன்னகை

................... அன்பு மலர்