ஹிரோஷிமாவை அழித்த அணுகுண்டை விட 1000 மடங்கு சக்தி வாய்ந்த ஹைட்ரஜன் குண்டு: நிபுணர்கள் தகவல்

அணுகுண்டை விட சக்தி வாய்ந்தது ஹைட்ரஜன் குண்டு. இரண்டாம் உலகப்போரின் இறுதிக் கட்டத்தில் ஜப்பான் மீது வீசப்பட்ட அணுகுண்டை விட ஹைட்ரஜன் வெடிகுண்டு ஆயிரம் மடங்கு சக்திவாய்ந்தது என்கின்றனர் நிபுணர்கள்.

அணுகுண்டைவிட மிகவும் சக்தி வாய்ந்த 'சூப்பர் வெடிகுண்டு' என்று கருதப்படும் ஹைட்ரஜன் வெடிகுண்டை வெற்றிகரமாக சோதித்ததாக வட கொரியா அறிவித்துள்ளதையடுத்து உலக நாடுகள் வடகொரியாவுக்கு கடும் கண்டனங்களை தெரிவித்து வருகிறது.

2006-ம் ஆண்டு முதல் 2013-ம் ஆண்டு வரை வடகொரியா சோதனை செய்த அணுகுண்டு வகையறாக்கள் சுமார் 2 லட்சம் உயிர்களைப் பலிவாங்கிய ஹிரோஷிமா, நாகசாகி மீது வீசப்பட்ட அணுகுண்டை ஒத்ததே. இந்நிலையில் புதனன்று வடகொரியா ஆயிரம் மடங்கு சக்தி வாய்ந்த ஹைட்ரஜன் வெடிகுண்டை வெடித்துச் சோதனை மேற்கொண்டுள்ளது ஆரம்பகட்ட நிலநடுக்க அலைகள் தரவுகளால் உறுதி செய்யப்பட்டுள்ளது. ஆனால் இதைத்தவிர இதனை உறுதி செய்யும் தரவுகள் எதுவும் இல்லை என்பதும் குறிப்பிடத்தக்கது.

அணுகுண்டுகள் அணுப்பிளவை நம்பியிருக்கும் ஒன்று. அதாவது அணுமின் நிலையங்களில் செயல்படுவது போன்றது. இந்நிலையில் தெர்மோ நியூக்கிளியர் வெடிகுண்டு என்றும் அழைக்கப்படும் ஹைட்ரஜன் குண்டு அணுப்பிளவு என்பதற்குப் பதிலாக ‘ஃபியூஷன்’ என்பதை அடிப்படையில் இயங்குவது. அதாவது அணு க்கருக்கள் ஒன்று சேர்ந்து கடும் ஆற்றலை வெளிப்படுத்துவதாகும்.

இது குறித்து டோக்கியோ பல்கலைக் கழக பேராசிரியர் டகாவ் டகஹரா கூறும்போது, “சூரியனுக்குள் என்ன நடக்கிறது என்பதை சிந்தித்துப் பாருங்கள். கோட்பாட்டு அளவில் இதன் நடவடைக்கைகள் எல்லைகளற்றது, வரம்பு நிர்ணயங்களுக்குட்படாதது. வெளிப்படும் ஆற்றல் மிகப்பெரியது, அதாவது எவ்வளவு பெரியது என்பதை விவரிக்கும் பொருத்தமான வார்த்தை இல்லை” என்றார்.

இதன் இன்னொரு பெரிய அச்சுறுத்தல் என்னவெனில் கண்டம் விட்டு தாக்கும் ஏவுகணையிலும் வைத்து தாக்கக்கூடிய அளவுக்கு மிகப்பெரிய ஆற்றலை உள்ளடக்கிய மிகச்சிறிய வடிவிலும் ஹைட்ரஜன் குண்டுகளை தயாரித்து விட முடியும் என்பதே என்கிறார் டகஹரா.

ஆனால் ஹைட்ரஜன் குண்டுகளை கட்டுப்பாடுடன் இயக்க, துல்லியமாக இயக்க கூடுதல் தொழில்நுட்பம் தேவை. ஏனெனில் மிகப்பெரிய அளவில் ஆற்றல் தேக்கிவைக்கப்பட்டு வெடிக்கச் செய்யப்படுவதால் கட்டுப்பாட்டுத்தொழில் நுட்பம் மிகப்பெரிய அளவில் தேவைப்படுவதாகும்.

அதாவது அமெரிக்கா, ரஷ்யா, பிரான்ஸ், பிரிட்டன், மற்றும் சீனா ஆகிய நாடுகளே இத்தகைய பெரிய அணுத்திறப்பாடுகளைக் கொண்டது. பிற நாடுகள் இதனை உற்பத்தி செய்யும் முயற்சிகளில் ஈடுபட்டிருக்கலாம் ஆனால் அதற்கான சான்றுகள் இல்லை. இந்நிலையில் வடகொரியா தற்போது ஹைட்ரஜன் குண்டை சோதித்ததாகக் கூறியுள்ளது கலவையான எதிர்வினைகளுக்குக் காரணமாகியுள்ளது.

இதுவரை ஹைட்ரஜன் குண்டுகள் எந்த இலக்கையும் நோக்கி வீசப்பட்டதில்லை. 1950களில் அமெரிக்கா முதன்முறையாக ’மைக் அண்ட் பிராவோ’ என்ற ஹைட்ரஜன் குண்டை பரிசோதித்தது, உடனடியாக ரஷ்யாவும் இதே ரக குண்டை சோதித்தது.

இதில் பிராவோ ஹைட்ரஜன் குண்டு சோதனை செய்யப்பட்ட போது அப்பகுதியின் அருகில் சென்ற ஜப்பான் மீன்பிடிப் படகு கதிர்வீச்சால் பீடிக்கப்பட்டது குறிப்பிடத்தக்கது.

இந்நிலையில் உலக அமைதிக்காக போராடி வருபவர்கள், நாடுகள், தலைவர்கள் ஆகியோர் வடகொரியாவின் இத்தகைய செய்கையினால் கடும் வருத்தமும் ஆத்திரமும் அடைந்துள்ளனர்.

நன்றி தி கிந்து

வல்லரசு நாடுகள் பட்டியலில் வட கொரியாவை
சேர்த்து விடலாம்...!!
-

ஒன்று வடகொரியாவை அழிக்கவேண்டும் அல்லது அந்த பைத்தியகார கோமாளியை கொல்லவேண்டும் இல்லையென்றால் கண்டிப்பாக உலக அழிவு நிச்சயம்

ராஜா wrote:ஒன்று வடகொரியாவை அழிக்கவேண்டும் அல்லது அந்த பைத்தியகார கோமாளியை கொல்லவேண்டும் இல்லையென்றால் கண்டிப்பாக உலக அழிவு நிச்சயம்

மேற்கோள் செய்த பதிவு: 1185876

உண்மை உண்மை அண்ணா.
கண்டிப்பாக மூன்றாம் உலக போர் உருவாக காரணமாக வட கொரிய வழிவகைகளை செய்து வருகிறது.