காற்றால் இயங்கும் வாகனத்தை கண்டுபிடித்த பேருந்து ஓட்டுநர்

by **ayyasamy ram** Wed Jan 06, 2016 5:36 am

-
காற்றால் இயங்கும் வாகனத்தை ஆந்திர மாநில சாலைப்
போக்குவரத்துக் கழக பேருந்து ஓட்டுநர் கண்டறிந்துள்ளார்.
–
ஆந்திர மாநிலம் விஜயவாடாவைச் சேர்ந்தவர் டேவிட்ராஜா.
இவர் ஆந்திர மாநில சாலைப் போக்குவரத்துக் கழகத்தில்
ஓட்டுநராகப் பணிபுரிகிறார்.
–
இவர் வாகனங்களின் பழைய உதிரி பாகங்களை வெல்டிங்
மூலம் இணைத்து அதில் 2 காற்றுக் கலன்கள் (டேங்கர்), ஒரு
அழுத்தக்கலன் (கம்ப்ரஷர்), ஒரு கியர் பாக்ஸ் ஆகியவற்றைப்
பொருத்தி, காற்றால் இயங்கும் ஒரு வாகனத்தை கண்டு
பிடித்துள்ளார்.
–
சுமார் ரூ. 9 லட்சம் செலவில் உருவான இந்த வாகனத்தை
உருவாக்க அவருக்கு 40 நாட்களாயின.
–
கம்ப்ரஷர் மூலம் காற்று டேங்கருக்குள் செல்கிறது.
அதனால் வாகனம் நகர்கிறது. வாகனம் நகரத் தொடங்கியவுடன்
மீண்டும் காற்று வெளிவந்து விடுகிறது.
–
மேலும் கம்ப்ரஷர் மூலம் காற்று உள்ளே சுழல்கிறது.
வேகத்தை முடுக்கியவுடன் (எக்ஸலேட்டர்) வண்டி தானாக
நகர்கிறது என்று தனது வாகனத்தின் செயல்பாட்டை அவர்
விவரித்தார்.
–
கடந்த 4 மாதங்களுக்கு முன் காற்றால் இயங்கும்
மின்னுற்பத்திக் கருவியை (ஏர் பவர் ஜெனரேட்டர்) இவர்
உருவாக்கினார்.
–
அது வெற்றி பெற்றதால் இந்த வாகனத்தைத் தயாரிக்கும்
எண்ணம் தனக்கு உருவானதாக டேவிட்ராஜா கூறினார்.
மாநில அரசு உதவினால் இதை மேலும் சிறப்பாக மேம்
படுத்த முடியும் என்று அவர் தெரிவித்தார்.
டேவிட் ஐந்தாம் வகுப்பு மட்டுமே படித்தவர் என்பது
குறிப்பிடத்தக்கது
–
——————————————-
தினமணி