கணவன் மனைவி இப்படி இருந்தால் வீடே சொர்க்கம் தான்

mbalasaravanan · mbalasaravanan Wed Dec 30, 2015 5:29 pm

1. எண்ணங்கள் வெவ்வேறாக இருந்தாலும், ஒருவர் எண்ணத்திற்கு ஒருவர் மதிப்பு தந்து சொல்வதை காதில் வாங்க வேண்டும்.

2. கணவன் மட்டுமே வேலைக்கு செல்லும் வீட்டில், தன்னால் தான் குடும்ப பொருளாதாரம் இயங்குகிறது என்பதை எப்போதும் கணவன் வார்த்தைகளில் வெளிப்படுத்தக் கூடாது.

3. மனைவியும் வேலைக்கு செல்லும் வீட்டில், நானும் தான் வேலைக்கு போறேன் என்ற வார்த்தையை மனைவி அடிக்கடி சொல்லக் கூடாது.

4. இவரிடம்/இவளிடம் இதைச் சொன்னால் பெரிய பூகம்பமே வெடிக்குமோ என்ற பயத்தை ஒரு போதும் மனைவிக்கு கணவனும், கணவனுக்கு மனைவியும் தரக்கூடாது. பொய்யின் ஆரம்பமே பயம் தான்.

5. எவ்வளவு பெரிய சண்டை என்றாலும் உங்கள் இருவர் பற்றி மட்டும் தான் பேச வேண்டும். கணவன் குடும்பத்தாரை பற்றி மனைவியும், மனைவியின் குடும்பத்தாரை பற்றி கணவனும் பேசவே கூடாது.தவறுகளில் மிகப்பெரிய தவறு இது.

6. மனைவியை தன்னில் ஒரு பாதியாக பார்க்காவிட்டாலும் வேலைக்காரியாய் பார்க்காமல் இருப்பது கணவனுக்கு அழகு.

7. மனைவியை ஏற்றது போல் அவள் குடும்பத்தையும் முழுமனதாய் கணவன் ஏற்க வேண்டும்.கணவனை ஏற்றது போல் அவன் குடும்பத்தையும் முழுமனதாய் மனைவி ஏற்க வேண்டும். (இப்படி வாழ்ந்தால் முதியோர் இல்லங்கள் நிச்சயம் குறையும்)

8. கணவன் நண்பர்களுடன் ஊர் சுற்றி விட்டு நேரம் கழித்து வீடு வருவது. மனைவியை மட்டும் வீட்டுக்குள்ளே ஆயுள் கைதி ஆக்குவது, அவளை வெளியுலகம் அறியவிடாமல் செய்வது தவறு. படிப்பறிவில்லா பெண்களை சில ஆண்கள் இப்படித்தான் நடத்துகின்றனர்.

9. கணவனும் மனைவியும் தனித் தனியே வெளியில் சென்றால் நேரமாய் வீடு திரும்ப வேண்டும். அப்படி நியாயமான காரணத்திற்காக தாமதம் ஏற்பட்டால் ஒருவர் சொல்லும் காரணத்தை ஒருவர் நம்பி ஏற்றுக் கொள்ளவேண்டும்.

10. அம்மாவின் சமையல் பக்குவத்தை எதிர்பார்த்து மனைவியின் சமையலை சாப்பிட்டு, ஏமாற்றம் என்றதும் அவளை திட்டக் கூடாது. அப்படி திட்டுவேன் தான் என்றால் அதற்கு முன் ஒன்றை யோசியுங்கள். திருமணம் ஆன புதிதில் உங்க அம்மாவும் இப்படித்தான் உங்க அப்பாவிடம் திட்டு வாங்கி இருப்பார்கள் சமையலுக்காக. பக்குவம் பார்த்ததும் வந்து விடக்கூடியதல்ல. பல வருட அனுபவத்தில் வருவது.

**ராஜா** · **ராஜா** Wed Dec 30, 2015 6:16 pm

உங்க வீடு சொர்க்கமாக இருக்க வாழ்த்துக்கள்

இந்த பதிவைத் துவங்கியவர் நன்றி கூறியுள்ளார் ராஜா

**ஜாஹீதாபானு** · **ஜாஹீதாபானு** Wed Dec 30, 2015 6:31 pm

கணவன் மனைவி இப்படி இருந்தால் வீடே சொர்க்கம் தான் 3838410834

**T.N.Balasubramanian** · **T.N.Balasubramanian** Wed Dec 30, 2015 6:32 pm

கல்யாண மாப்பிள்ளை , நீங்கள் கடைப் பிடிக்கவேண்டிய கொள்கைகளை ,
அழகாக பதிவு செய்துள்ளீர் .
வாழ்த்துகள் இன்பமான இல்வாழ்விற்கு .

ரமணியன்

**பழ.முத்துராமலிங்கம்** · 27/09/2015

mbalasaravanan wrote:
7. மனைவியை ஏற்றது போல் அவள் குடும்பத்தையும் முழுமனதாய் கணவன் ஏற்க வேண்டும்.கணவனை ஏற்றது போல் அவன் குடும்பத்தையும் முழுமனதாய் மனைவி ஏற்க வேண்டும். (இப்படி வாழ்ந்தால் முதியோர் இல்லங்கள் நிச்சயம் குறையும்)
.

மேற்கோள் செய்த பதிவு: 1184077
அருமை பாலசரவணன்,நன்றி.

மதன் · மதன் Thu Dec 31, 2015 10:53 am

இருந்தால் என 'க்' வைத்து விட்டீர்கள் சிரி

, இருங்கனு சொல்லல இருந்தா நல்லா இருக்கும்னு சொல்லி இருக்கேன். இன்னைக்கு சாப்பாடு கிடைக்குமோ , என்னவோ..

பதிவு அருமை,,நன்றி அண்ணே..

mbalasaravanan · mbalasaravanan Thu Dec 31, 2015 11:20 am

T.N.Balasubramanian wrote:கல்யாண மாப்பிள்ளை , நீங்கள் கடைப் பிடிக்கவேண்டிய கொள்கைகளை ,
அழகாக பதிவு செய்துள்ளீர் .
வாழ்த்துகள் இன்பமான இல்வாழ்விற்கு .

ரமணியன்

மேற்கோள் செய்த பதிவு: 1184099
மிக்க நன்றி அய்யா , இருந்தாலும் கொஞ்சம் பயமா தான் இருக்கு

mbalasaravanan · mbalasaravanan Thu Dec 31, 2015 11:24 am

பழ.முத்துராமலிங்கம் wrote:
mbalasaravanan wrote:
7. மனைவியை ஏற்றது போல் அவள் குடும்பத்தையும் முழுமனதாய் கணவன் ஏற்க வேண்டும்.கணவனை ஏற்றது போல் அவன் குடும்பத்தையும் முழுமனதாய் மனைவி ஏற்க வேண்டும். (இப்படி வாழ்ந்தால் முதியோர் இல்லங்கள் நிச்சயம் குறையும்)
.
மேற்கோள் செய்த பதிவு: 1184077
அருமை பாலசரவணன்,நன்றி.

மேற்கோள் செய்த பதிவு: 1184206
ஆம் அய்யா எனக்கு பிடிக்காதவர்களில் முதல் இடம் பெற்றோரை முதியோர் இல்லத்தில் சேர்ப்பவர்கள் தான் , 5 குழந்தைகளை பெற்றாலும் பராமரிக்க முடியும் நம்மவர்களுக்கு அதோடு மேலும் 2 குழந்தைகளை (அம்மா,அப்பா ) அவர்களை சேர்த்து பார்க்க முடியாதா

mbalasaravanan · mbalasaravanan Thu Dec 31, 2015 11:24 am

மதன் wrote:இருந்தால் என 'க்' வைத்து விட்டீர்கள் , இருங்கனு சொல்லல இருந்தா நல்லா இருக்கும்னு சொல்லி இருக்கேன். இன்னைக்கு சாப்பாடு கிடைக்குமோ , என்னவோ..

பதிவு அருமை,,நன்றி அண்ணே..

மேற்கோள் செய்த பதிவு: 1184227
அப்ப பட்டினி தான் போல