பேஸ்புக்கின் இலவச இணையம் இந்தியாவுக்கு நல்லதா? கெட்டதா?

**பழ.முத்துராமலிங்கம்** · 27/09/2015

பி பி சி தமிழ்
Thursday, 31 Dec, 5.20 pm

பேஸ்புக்கின் இலவச இணையம் இந்தியாவுக்கு நல்லதா? கெட்டதா?

இந்தியாவில் ஃபேஸ்புக் நிறுவனம் தர விரும்பும் மட்டுப்படுத்தப்பட்ட இலவச இணைய
சேவை பெரும் சர்ச்சையாக உருவெடுத்திருக்கிறது.

இதுவரை இணைய வசதியே இல்லாத அல்லது இணையத்தையே பயன்படுத்தாத
செல்பேசி பயன்பாட்டாளர்களுக்கு இலவசமாக இணைய சேவையை தருவதே
தமது முக்கிய நோக்கம் என்று ஃபேஸ்புக் நிறுவனம் கூறுகிறது.

ஆனால் இப்படியான கட்டுப்படுத்தப்பட்ட இலவச இணைய சேவை என்பது
இணையத்தின் பொதுத்தன்மையை, சமநிலையைக் குலைத்துவிடும்
என்றும் இணையத்தில் செயற்படும் வணிக, வர்த்தக நிறுவனங்கள்
அனைத்துக்கும் இதில் வாய்ப்பளிக்கப்படாது என்பதால் இணைய
வர்த்தகவெளியை இது சமனற்றதாக மாற்றிவிடும் என்றும்
அனைவருக்கும் பொதுவான இணையத்தை ஃபேஸ்புக்
தனது வர்த்தக நலன்களுக்கு ஏற்ப பயன்படுத்தும் சூழலுக்கு
இது வழி வகுக்கும் என்றும் இதன் எதிர்ப்பாளர்கள் அச்சம் வெளியிட்டுள்ளனர்.

ஃபேஸ்புக் நிறுவனத்தின் இந்த இலவச இணைய முன்னெடுப்பை
இந்திய அரசு இந்தியாவுக்குள் அனுமதிக்கக் கூடாது என்றும்
இதன் எதிர்ப்பாளர்கள் கோரிக்கை வைத்துள்ளனர்.

இந்த விஷயத்தில் ஃபேஸ்புக் நிறுவனம் முழுமையான உண்மைகளை சொல்லவில்லை
என்றும், தனது உண்மையான வர்த்தக நோக்கங்களை வெளிப்படையாக கூறாமல்
இலவச சேவையை தொண்டு நோக்கில் செய்வதாகக் கூறும் ஃபேஸ்புக்
நிறுவனத்தின் அறிவிப்பு நம்பும்படியாக இல்லை என்றும் கூறுகிறார்
இணையத்தொழில்நுட்பம் குறித்து தொடர்ந்து
எழுதிவரும் பத்ரி சேஷாத்ரி.

"இந்தியாவுக்கு இலவச இணையம் பயன் தரும்"

அதேசமயம், இதுவரையில் இணையமே அறியாத, இணையம் குறித்து அறிவதற்கும்,
ஏழ்மை காரணமாக இணையத் தொழில்நுட்பத்தை இதுவரை பயன்படுத்தாத
கிராமப்புற ஏழைகளுக்கு இலவசமாக இணைய வசதியை ஏற்படுத்தித் தரும்
ஃபேஸ்புக் முயற்சியை முற்று முழுதாக நிராகரிப்பதும் புறந்தள்ளுவதும்
சரியல்ல என்றும் பத்ரி சேஷாத்ரி கூறுகிறார்.

ஃபேஸ்புக் ஏற்படுத்திக் கொடுக்கும் இலவச இணைய சேவையை இந்தியாவில்
அனுமதிப்பதும் தொடர்ந்து அதை கடுமையாக கண்காணிப்பதுமே சரியான
அணுகுமுறையாகவும் இருக்கும் என்கிறார் அவர்.

இந்தியாவில் பெருமளவில் எழுந்துள்ள இந்த சர்ச்சை குறித்து பத்ரி சேஷாத்ரி பிபிசி தமிழோசைக்கு அளித்த விரிவான செவ்வியை நேயர்கள் இங்கே கேட்கலாம்.

**Aathira** · **Aathira** Sun Jan 03, 2016 10:43 am

///ஃபேஸ்புக் ஏற்படுத்திக் கொடுக்கும் இலவச இணைய சேவையை இந்தியாவில்
அனுமதிப்பதும் தொடர்ந்து அதை கடுமையாக கண்காணிப்பதுமே சரியான
அணுகுமுறையாகவும் இருக்கும் ///

பிற இணைய சேவைகள் பாதிக்கப் படுமோ? போட்டிகள் நிறைந்ததே இவ்வுலகம். அவர்களும் தொடங்கட்டுமே இலவச சேவை. எப்படியோ மக்கள் பயன் பெற்றால் நலம்தானே

**பழ.முத்துராமலிங்கம்** · 27/09/2015

Aathira wrote:///ஃபேஸ்புக் ஏற்படுத்திக் கொடுக்கும் இலவச இணைய சேவையை இந்தியாவில்
அனுமதிப்பதும் தொடர்ந்து அதை கடுமையாக கண்காணிப்பதுமே சரியான
அணுகுமுறையாகவும் இருக்கும் ///

பிற இணைய சேவைகள் பாதிக்கப் படுமோ? போட்டிகள் நிறைந்ததே இவ்வுலகம். அவர்களும் தொடங்கட்டுமே இலவச சேவை. எப்படியோ மக்கள் பயன் பெற்றால் நலம்தானே

மேற்கோள் செய்த பதிவு: 1184845
நன்றி சகோதரி.
எப்படியோ மக்களுக்கு நிறைய இலவச சேவை கிடைத்தால் நல்லது தானே.

**ராஜா** · **ராஜா** Sun Jan 03, 2016 1:09 pm

ஃபேஸ்புக் ஏற்படுத்திக் கொடுக்கும் இலவச இணைய சேவையை இந்தியாவில்
அனுமதிப்பதும் தொடர்ந்து அதை கடுமையாக கண்காணிப்பதுமே சரியான
அணுகுமுறையாகவும் இருக்கும் என்கிறார் அவர்.

இந்த இலவச கட்டுபடுத்தப்பட்ட இணைய இணைப்பு வந்தால் www என்பதின் அர்த்தமே மாறிப்போகும். இணையம் என்பது அனைவருக்கும் பொதுவான ஒன்றாகும். இணையத்தில் பதிவேற்றம் செய்யப்படும் அனைத்து தகவல்களும் கோப்புகளும் அனைவருக்கும் பொதுவான ஒன்றாகும். இதை நான் இலவசமாக தருகிறேன் ஆனால் நான் சொல்வதை மட்டும் தான் நீங்கள் பார்க்கவேண்டும் என்று சொன்னால் இதில் என்னவோ விஷயம் உள்ளது என்று சந்தேகப்படவேண்டும்.

உதரணத்திற்கு , எங்கள் அலுவலகத்தில் யார் யார் இணையத்தை பயன்படுத்த வேண்டும் , அவர்கள் என்ன மாதிரியான இணையதளங்களை பார்க்கலாம் அவர்களின் கணினியின் இணைய வேகம் எவ்வளவு இருக்கவேண்டும் என்று முடிவு செய்வது நானும் எனது உயரதிகாரியும் தான்.

இதே போல facebook வழங்கும் இலவச! இணையதளத்தை இந்திய முழுவதுமே பார்க்க ஆரம்பித்து விட்டார்கள் என்று வைத்துகொள்வோம். அடுத்து அவர்கள் பார்க்க / பேச / கேட்க / வாங்க சொல்வதை மட்டும் தான் நாம் செய்யவேண்டும்.

- நாம் பார்க்க போகும் அனைத்து இணையதளங்களையும் முடிவு செய்யபோகிறவர்கள் அவர்கள் தான்

- Search Engine எனப்படும் தேடுபொறியை கூட அவர்கள் கொடுப்பதை தான் பயன்படுத்தவேண்டும் , அந்த தேடுபொறி google போல எல்லாவற்றையும் கொடுக்குமா இல்லை அவர்கள் கொடுக்க வேண்டியது மட்டும் தான் கொடுக்குமா என்பதையும் புன்னகை

அவர்கள் தான் முடிவு செய்வார்கள்.

அமேரிக்காவை போல இப்ப நம்ம ஊரிலும் தொட்டதுகெல்லாம் google தேடுபொறியை கேட்கும் வழக்கம் அதிகமாகிவருகிறது , இதை பயன்படுத்தி அவர்கள் தரமில்லாத பொருட்கள் வழங்கும் நிறுவனங்களின் பெயர்களை மட்டுமே search llist ல் காட்டலாம்.

நான் சொல்லியுள்ளது , ஒரு சில குறிப்புகள் தான்

இந்த விஷயத்தில் ஃபேஸ்புக் நிறுவனம் முழுமையான உண்மைகளை சொல்லவில்லை
என்றும், தனது உண்மையான வர்த்தக நோக்கங்களை வெளிப்படையாக கூறாமல்
இலவச சேவையை தொண்டு நோக்கில் செய்வதாகக் கூறும் ஃபேஸ்புக்
நிறுவனத்தின் அறிவிப்பு நம்பும்படியாக இல்லை என்றும் கூறுகிறார்
இணையத்தொழில்நுட்பம் குறித்து தொடர்ந்து எழுதிவரும் பத்ரி சேஷாத்ரி.

இவர் சொல்வதை போல facebook நிறுவனம் எதற்காக இலவசங்களை கொடுக்கிறார்கள் என்று சொல்லாதவரைக்கும் இதில் என்னென்ன திரைமறைவு வேலைகள் உள்ளதோ என்று யார் அறிவார்

**பழ.முத்துராமலிங்கம்** · 27/09/2015

ராஜா wrote:
ஃபேஸ்புக் ஏற்படுத்திக் கொடுக்கும் இலவச இணைய சேவையை இந்தியாவில்
அனுமதிப்பதும் தொடர்ந்து அதை கடுமையாக கண்காணிப்பதுமே சரியான
அணுகுமுறையாகவும் இருக்கும் என்கிறார் அவர்.

அமேரிக்காவை போல இப்ப நம்ம ஊரிலும் தொட்டதுகெல்லாம் google தேடுபொறியை கேட்கும் வழக்கம் அதிகமாகிவருகிறது , இதை பயன்படுத்தி அவர்கள் தரமில்லாத பொருட்கள் வழங்கும் நிறுவனங்களின் பெயர்களை மட்டுமே search llist ல் காட்டலாம்.

நான் சொல்லியுள்ளது , ஒரு சில குறிப்புகள் தான்
இவர் சொல்வதை போல facebook நிறுவனம் எதற்காக இலவசங்களை கொடுக்கிறார்கள் என்று சொல்லாதவரைக்கும் இதில் என்னென்ன திரைமறைவு வேலைகள் உள்ளதோ என்று யார் அறிவார்

இலவசமாக எதையாவது கொடுத்தால் பின்னாடி பிரச்சனை ஒழிந்தே உள்ளது என்பது உண்மையே.
அதே போல் இதிலும் பல பிரச்சனையும் உள்ளது. நீங்கள் பல விசயங்களையும் அலசி ஆராய்ந்து
தங்கள் கருத்துக்களை தெளிவாக பதிவு செய்தமைக்கு நன்றி ராஜா.

Sponsored content · Sponsored content

பேஸ்புக்கின் இலவச இணையம் இந்தியாவுக்கு நல்லதா? கெட்டதா?

பேஸ்புக்கின் இலவச இணையம் இந்தியாவுக்கு நல்லதா? கெட்டதா?

Re: பேஸ்புக்கின் இலவச இணையம் இந்தியாவுக்கு நல்லதா? கெட்டதா?

Re: பேஸ்புக்கின் இலவச இணையம் இந்தியாவுக்கு நல்லதா? கெட்டதா?

Re: பேஸ்புக்கின் இலவச இணையம் இந்தியாவுக்கு நல்லதா? கெட்டதா?

Re: பேஸ்புக்கின் இலவச இணையம் இந்தியாவுக்கு நல்லதா? கெட்டதா?

Re: பேஸ்புக்கின் இலவச இணையம் இந்தியாவுக்கு நல்லதா? கெட்டதா?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக