செந்தில் குமாரும் குட்டிகவிதைகளும்

K.Senthil kumar · K.Senthil kumar Sat 2 Jan 2016 - 20:47

First topic message reminder :

ஏக்கங்கள் இப்படியும் இருக்கலாம்...???

இன்னும் ஒருமுறை
இவ்வுலகில் அவதரிக்க வேண்டும்
புத்தரே
என் நிழலில் அமர்ந்து
ஞானம் பெற
ஞாலத்தில் எவருளர்...??
போதிமரம்

இருவரிகளால் மனிதர்களின்
வாழ்க்கை நெறியை
வகுத்து கொடுத்த வள்ளுவரே
உன் கரவிரல்களுக்குள்
என்று அகப்படுவேன்..??
எழுத்தாணி

அனுதினமும் ஆயிரம்பேர்
வந்துபோனாலும்
அந்த கரிகால் பெருவளத்தானின்
அடிச்சுவடு
இன்னொரு முறை
இங்கு படுமா...??
கல்லணை

பெருவுடையாரை கட்டிஎழுப்பிய
பெரிய மனதுடையார்
ராஜராஜனே
என்னை ராஜ்ஜியம் பண்ண
என்றாவது வருவீரா..???
தஞ்சை

பறவையின் போதனைகள்
கிளைக்கு கிளை
மரத்துக்கு மரம்
தாவும் பறவை
தனியேதான் செல்லும்

நீண்ட பயணம்
நெடிய தொலைவு
போகும் பறவை
கூடியேதான் செல்லும்

அன்பு
கழிப்பதற்கு நீ கணக்கல்ல
வளர்ப்பதற்கு நீ மரம்

அகிலம் முழுமைக்கும் ஆலயம்
அன்பர்கள் உணர்கின்ற ஓவியம்
அனைவரையும் ஆள்கின்ற ராஜ்ஜியம்
அழிக்க இயலாத காவியம்

மௌனம்
உதடுகள் உமிழாத மொழி
உணர்வுகளின் உச்சம்
உறுதியான புரட்சி
உண்மையின் உபதேசம்

நிழல்
இந்த காலம் இறந்த காலமாகும் பொழுது
நிஜங்கள் எல்லாம் நிழல்களாய்
நினைவில்..
நான் எங்கு சென்றாலும்
என் ஏக்கங்கள், ஆசைகள்,
இலக்குகள், இலட்சியங்கள்
நடத்தைகள், வாக்குகள்
அனைத்தும் என் பின்னே
நிழல்களாய்...

ஆணவம்
அழிவின் ஆதாரம்-அதுவே
வாழ்வின் சேதாரம்
ஆணவம் ஆதிக்கம் செலுத்தினால்
அழியுமே மானமும் மகிழ்ச்சியும்

புன்னகை
மறைவற்ற மனம்
நிறைவுற்ற குணம்-இவற்றில்
மலரோ மென்மையாக மலரும்
பலரை இனிமையாக கவரும்

கனவு
நினைவின் மறுவுருவம் கனவு
நித்திரையில் வரும் –அது
பகலிலும் நிகழும்
விழிப்போடு இருக்கையில்
வரும் கனவு
விளைவுகள் பலவும்
தரும் கனவு

உயர்வு தாழ்வு அடங்கியிருக்கும்
உன்னத கனவே உயர்வை தரும்-அதுவே
உறுதியையும் தரும்

அனுபவவித்து உணரலாம்
காலில் காலணிகள் இருந்தால்
கழற்றிவிடுங்கள் தோழர்களே
காலைபொழுதின்
மணல்வேளியும் புல்வெளியும்
கம்பளம் விரிக்க
கொஞ்சம் நடந்ததுதான் பாருங்கள்
கொதிக்கும் குருதிகூட
குளிர்ந்துவிடும்

இதற்கு இப்படி முரண்படலாம்...!!

எதற்கு...?? இரவில் உடைத்துபோட்ட
மதுபாட்டிலின் கண்ணாடி உடைசல்கள்
கால்களை பதம்பார்க்கவா..........??

முயற்சி
மூலையில் முடங்கி கிடந்த ஒருவன்
மன ஊனத்தை உடைத்தெறிந்து
வெற்றிபெற எடுத்துவைக்கும்
முதல் அடி –அதுவே
அவன் வெற்றிக்கு முதல் படி

வறுமை
வாடிய வயிற்ருக்குள் எரியும் தீ
வளர்ச்சியில்லாத தாவரம்
வறண்டு கிடக்கும் நதி

மரம்
பூத்துக்குலுங்கும்போது உன் புன்னகை
இலைகளை அசைக்கும்போது உன்சிரிப்பு
பசுமையாய் இருக்கும்போது உன்வாழ்வு
இதனால் உன்மீது காதல் ஏற்பட்டு
என்மனம் உன்னை கொள்ளை கொள்கிறது
ஆனால் ஊர்க்காரர்கள்
உன்னை கொள்ளை கொள்ளும்போது
என் மனம் கொலை செய்யப்படுகிறது

சுனாமி
கடல் தாயே...
பெரியவர்களை அள்ளினால்
எளிதில் ஜீரணிக்காது என்று
நினைத்தா மிக அதிகமான
பிஞ்சுகளை அள்ளிக்கொண்டாய்..??

மனிதர்களின் வாழ்வை
வளமாக்கி கொண்டிருந்த
கடல்த தாயே
உன்னை வள்ளல்
என்று நினைத்தேன்
அந்த எமதர்மனுக்கு
எண்ணற்ற மனிதர்களை
எச்சில் செய்து அள்ளித்தந்தாயே
நிச்சயம் நீ வள்ளல் தான்......

கே.செந்தில் குமார்

K.Senthil kumar · K.Senthil kumar Tue 5 Jan 2016 - 15:49

ஐயாவும் பார்த்தார் அம்மா விட்டுவிட்டார் அது தான் தங்கள் பார்வைக்கு கொண்டுவந்தேன் அம்மா..

**krishnaamma** · **krishnaamma** Tue 5 Jan 2016 - 15:54

ராஜா wrote:அருமையான கவிதைகள் செந்தில்,

krishnaamma wrote:ஒரே ஒரு இடத்தில் மட்டும் ழ க்கு பதில் ள போட்டிருந்தீர்கள்...மற்றபடி எல்லாமே சரிதான் ! ..............
மேற்கோள் செய்த பதிவு: 1185406என்னற்ற சரியா பாருங்கள் , திருத்துவது மிக கடினமான வேலை என்பது தெரியும். கண்ணில் பட்டதால் சொன்னேன்

மேற்கோள் செய்த பதிவு: 1185413

இன்னும் ஏதும் எழுத்துப் பிழை இருக்கா ராஜா?.......... அநியாயம்

**krishnaamma** · **krishnaamma** Tue 5 Jan 2016 - 15:57

K.Senthil kumar wrote:ஐயாவும் பார்த்தார் அம்மா விட்டுவிட்டார் அது தான் தங்கள் பார்வைக்கு கொண்டுவந்தேன் அம்மா..

மேற்கோள் செய்த பதிவு: 1185414

அப்படியும் ஏதோ விட்டு விட்டேன் போல இருக்கே செந்தில், ராஜா சொல்வது போல 'புரூப் ரீடிங்' கொஞ்சம் கஷ்டம் தான் ஜாலி

K.Senthil kumar · K.Senthil kumar Tue 5 Jan 2016 - 15:58

ஏதோ ஒன்றாம் வகுப்பு மாணவன் எழுதுகிறான் என்று நினைத்து நிர்வாகத்தினர் அனைவரும் என்னை மன்னிக்க வேண்டும் , நான் இவ்வாறு இருக்க என் பள்ளியை சாடுவதை தவிர வேறு வழியில்லை என் பள்ளியை பற்றி சொல்ல வேண்டுமானால் அதற்கென்று தனி திரி துவங்கியாக வேண்டும்
எல்லோரும் கல்விக்கூடத்தை கோவிலாகவும் போதித்த ஆசான்களை தெய்வமாகவும் பார்க்கின்ற நிலையில்
நான் இவ்வாறு நினைக்கும் கட்டாயத்தில் இருக்கிறேன் ...

**krishnaamma** · **krishnaamma** Tue 5 Jan 2016 - 16:04

K.Senthil kumar wrote:ஏதோ ஒன்றாம் வகுப்பு மாணவன் எழுதுகிறான் என்று நினைத்து நிர்வாகத்தினர் அனைவரும் என்னை மன்னிக்க வேண்டும் , நான் இவ்வாறு இருக்க என் பள்ளியை சாடுவதை தவிர வேறு வழியில்லை என் பள்ளியை பற்றி சொல்ல வேண்டுமானால் அதற்கென்று தனி திரி துவங்கியாக வேண்டும்
எல்லோரும் கல்விக்கூடத்தை கோவிலாகவும் போதித்த ஆசான்களை தெய்வமாகவும் பார்க்கின்ற நிலையில்
நான் இவ்வாறு நினைக்கும் கட்டாயத்தில் இருக்கிறேன் ...

மேற்கோள் செய்த பதிவு: 1185421

அடாடா...........கவலைபடாதீங்கோ, எனக்கு கண்ணில் பட்டவரை திருத்துகிறேன்...........நீங்களும் பார்த்து பார்த்து சரி செய்து கொண்டு விடலாம்.....ஓகே வா? புன்னகை

.................. ஆறுதல்

K.Senthil kumar · K.Senthil kumar Tue 5 Jan 2016 - 16:19

......ஓகே ......அம்மா

**ராஜா** · **ராஜா** Tue 5 Jan 2016 - 16:50

K.Senthil kumar wrote:ஏதோ ஒன்றாம் வகுப்பு மாணவன் எழுதுகிறான் என்று நினைத்து நிர்வாகத்தினர் அனைவரும் என்னை மன்னிக்க வேண்டும் , நான் இவ்வாறு இருக்க என் பள்ளியை சாடுவதை தவிர வேறு வழியில்லை என் பள்ளியை பற்றி சொல்ல வேண்டுமானால் அதற்கென்று தனி திரி துவங்கியாக வேண்டும்
எல்லோரும் கல்விக்கூடத்தை கோவிலாகவும் போதித்த ஆசான்களை தெய்வமாகவும் பார்க்கின்ற நிலையில்
நான் இவ்வாறு நினைக்கும் கட்டாயத்தில் இருக்கிறேன் ...

இதற்கெல்லாம் வருத்தபடாதீர்கள்

தமிழ் நமது தாய்மொழி தானே புன்னகை

ஆங்கில எழுத்துகளை கற்றுக்கொள்ளவும் எழுதவும் மிகவும் சிரமபட்ட எனது மகள் , ஒன்றாம் வகுப்பில் இரண்டாவது மொழியாக எடுத்துள்ள தமிழ் எழுத்துகளை எழுதுவது பார்க்க அவ்வளவு ஆசையாக இருக்கிறது.

இ , ஐ எழுத்துகளை அவர் எழுதும் போது அவ்வளவு ஆசையாக உட்கார்ந்து பார்த்துகொண்டிருந்தேன்.

தமிழ் நமக்கு வெறும் மொழியல்ல , உணர்வில் கலந்தது அதனால் கொஞ்சம் முயற்சித்தால் கண்டிப்பாக உங்களுக்கு வெற்றி தான்.

யினியவன் · யினியவன் Tue 5 Jan 2016 - 17:42

krishnaamma wrote:
அடாடா...........கவலைபடாதீங்கோ, எனக்கு கண்ணில் பட்டவரை திருத்துகிறேன்...........நீங்களும் பார்த்து பார்த்து சரி செய்து கொண்டு விடலாம்.....ஓகே வா? ..................

கிரிஷ்ணாப்பா இன்னும் திருந்தலையா? புன்னகை

**ஜாஹீதாபானு** · **ஜாஹீதாபானு** Tue 5 Jan 2016 - 18:00

அனைத்தும் அருமை செந்தில்...

K.Senthil kumar · K.Senthil kumar Tue 5 Jan 2016 - 18:08

ராஜா wrote:
K.Senthil kumar wrote:ஏதோ ஒன்றாம் வகுப்பு மாணவன் எழுதுகிறான் என்று நினைத்து நிர்வாகத்தினர் அனைவரும் என்னை மன்னிக்க வேண்டும் , நான் இவ்வாறு இருக்க என் பள்ளியை சாடுவதை தவிர வேறு வழியில்லை என் பள்ளியை பற்றி சொல்ல வேண்டுமானால் அதற்கென்று தனி திரி துவங்கியாக வேண்டும்
எல்லோரும் கல்விக்கூடத்தை கோவிலாகவும் போதித்த ஆசான்களை தெய்வமாகவும் பார்க்கின்ற நிலையில்
நான் இவ்வாறு நினைக்கும் கட்டாயத்தில் இருக்கிறேன் ...
இதற்கெல்லாம் வருத்தபடாதீர்கள்

தமிழ் நமது தாய்மொழி தானே ஆங்கில எழுத்துகளை கற்றுக்கொள்ளவும் எழுதவும் மிகவும் சிரமபட்ட எனது மகள் , ஒன்றாம் வகுப்பில் இரண்டாவது மொழியாக எடுத்துள்ள தமிழ் எழுத்துகளை எழுதுவது பார்க்க அவ்வளவு ஆசையாக இருக்கிறது.

இ , ஐ எழுத்துகளை அவர் எழுதும் போது அவ்வளவு ஆசையாக உட்கார்ந்து பார்த்துகொண்டிருந்தேன்.

தமிழ் நமக்கு வெறும் மொழியல்ல , உணர்வில் கலந்தது அதனால் கொஞ்சம் முயற்சித்தால் கண்டிப்பாக உங்களுக்கு வெற்றி தான்.

மேற்கோள் செய்த பதிவு: 1185443
நன்றி அண்ணா தங்களின் ஊக்க மொழிகள் மிகப்பெரிய உந்துதலை கொடுத்துள்ளது..

Sponsored content · Sponsored content

செந்தில் குமாரும் குட்டிகவிதைகளும்

செந்தில் குமாரும் குட்டிகவிதைகளும்

Re: செந்தில் குமாரும் குட்டிகவிதைகளும்

Re: செந்தில் குமாரும் குட்டிகவிதைகளும்

Re: செந்தில் குமாரும் குட்டிகவிதைகளும்

Re: செந்தில் குமாரும் குட்டிகவிதைகளும்

Re: செந்தில் குமாரும் குட்டிகவிதைகளும்

Re: செந்தில் குமாரும் குட்டிகவிதைகளும்

Re: செந்தில் குமாரும் குட்டிகவிதைகளும்

Re: செந்தில் குமாரும் குட்டிகவிதைகளும்

Re: செந்தில் குமாரும் குட்டிகவிதைகளும்

Re: செந்தில் குமாரும் குட்டிகவிதைகளும்

Re: செந்தில் குமாரும் குட்டிகவிதைகளும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக