செந்தில் குமாரும் குட்டிகவிதைகளும்

K.Senthil kumar · K.Senthil kumar Sat 2 Jan 2016 - 20:47

ஏக்கங்கள் இப்படியும் இருக்கலாம்...???

இன்னும் ஒருமுறை
இவ்வுலகில் அவதரிக்க வேண்டும்
புத்தரே
என் நிழலில் அமர்ந்து
ஞானம் பெற
ஞாலத்தில் எவருளர்...??
போதிமரம்

இருவரிகளால் மனிதர்களின்
வாழ்க்கை நெறியை
வகுத்து கொடுத்த வள்ளுவரே
உன் கரவிரல்களுக்குள்
என்று அகப்படுவேன்..??
எழுத்தாணி

அனுதினமும் ஆயிரம்பேர்
வந்துபோனாலும்
அந்த கரிகால் பெருவளத்தானின்
அடிச்சுவடு
இன்னொரு முறை
இங்கு படுமா...??
கல்லணை

பெருவுடையாரை கட்டிஎழுப்பிய
பெரிய மனதுடையார்
ராஜராஜனே
என்னை ராஜ்ஜியம் பண்ண
என்றாவது வருவீரா..???
தஞ்சை

பறவையின் போதனைகள்
கிளைக்கு கிளை
மரத்துக்கு மரம்
தாவும் பறவை
தனியேதான் செல்லும்

நீண்ட பயணம்
நெடிய தொலைவு
போகும் பறவை
கூடியேதான் செல்லும்

அன்பு
கழிப்பதற்கு நீ கணக்கல்ல
வளர்ப்பதற்கு நீ மரம்

அகிலம் முழுமைக்கும் ஆலயம்
அன்பர்கள் உணர்கின்ற ஓவியம்
அனைவரையும் ஆள்கின்ற ராஜ்ஜியம்
அழிக்க இயலாத காவியம்

மௌனம்
உதடுகள் உமிழாத மொழி
உணர்வுகளின் உச்சம்
உறுதியான புரட்சி
உண்மையின் உபதேசம்

நிழல்
இந்த காலம் இறந்த காலமாகும் பொழுது
நிஜங்கள் எல்லாம் நிழல்களாய்
நினைவில்..
நான் எங்கு சென்றாலும்
என் ஏக்கங்கள், ஆசைகள்,
இலக்குகள், இலட்சியங்கள்
நடத்தைகள், வாக்குகள்
அனைத்தும் என் பின்னே
நிழல்களாய்...

ஆணவம்
அழிவின் ஆதாரம்-அதுவே
வாழ்வின் சேதாரம்
ஆணவம் ஆதிக்கம் செலுத்தினால்
அழியுமே மானமும் மகிழ்ச்சியும்

புன்னகை
மறைவற்ற மனம்
நிறைவுற்ற குணம்-இவற்றில்
மலரோ மென்மையாக மலரும்
பலரை இனிமையாக கவரும்

கனவு
நினைவின் மறுவுருவம் கனவு
நித்திரையில் வரும் –அது
பகலிலும் நிகழும்
விழிப்போடு இருக்கையில்
வரும் கனவு
விளைவுகள் பலவும்
தரும் கனவு

உயர்வு தாழ்வு அடங்கியிருக்கும்
உன்னத கனவே உயர்வை தரும்-அதுவே
உறுதியையும் தரும்

அனுபவவித்து உணரலாம்
காலில் காலணிகள் இருந்தால்
கழற்றிவிடுங்கள் தோழர்களே
காலைபொழுதின்
மணல்வேளியும் புல்வெளியும்
கம்பளம் விரிக்க
கொஞ்சம் நடந்ததுதான் பாருங்கள்
கொதிக்கும் குருதிகூட
குளிர்ந்துவிடும்

இதற்கு இப்படி முரண்படலாம்...!!

எதற்கு...?? இரவில் உடைத்துபோட்ட
மதுபாட்டிலின் கண்ணாடி உடைசல்கள்
கால்களை பதம்பார்க்கவா..........??

முயற்சி
மூலையில் முடங்கி கிடந்த ஒருவன்
மன ஊனத்தை உடைத்தெறிந்து
வெற்றிபெற எடுத்துவைக்கும்
முதல் அடி –அதுவே
அவன் வெற்றிக்கு முதல் படி

வறுமை
வாடிய வயிற்ருக்குள் எரியும் தீ
வளர்ச்சியில்லாத தாவரம்
வறண்டு கிடக்கும் நதி

மரம்
பூத்துக்குலுங்கும்போது உன் புன்னகை
இலைகளை அசைக்கும்போது உன்சிரிப்பு
பசுமையாய் இருக்கும்போது உன்வாழ்வு
இதனால் உன்மீது காதல் ஏற்பட்டு
என்மனம் உன்னை கொள்ளை கொள்கிறது
ஆனால் ஊர்க்காரர்கள்
உன்னை கொள்ளை கொள்ளும்போது
என் மனம் கொலை செய்யப்படுகிறது

சுனாமி
கடல் தாயே...
பெரியவர்களை அள்ளினால்
எளிதில் ஜீரணிக்காது என்று
நினைத்தா மிக அதிகமான
பிஞ்சுகளை அள்ளிக்கொண்டாய்..??

மனிதர்களின் வாழ்வை
வளமாக்கி கொண்டிருந்த
கடல்த தாயே
உன்னை வள்ளல்
என்று நினைத்தேன்
அந்த எமதர்மனுக்கு
எண்ணற்ற மனிதர்களை
எச்சில் செய்து அள்ளித்தந்தாயே
நிச்சயம் நீ வள்ளல் தான்......

கே.செந்தில் குமார்

**T.N.Balasubramanian** · **T.N.Balasubramanian** Sat 2 Jan 2016 - 20:52

அமர்க்களம் செந்தில்
எப்பிடி ....இப்பிடி .... மகிழ்ச்சி

ரமணியன்

சசி · சசி Sat 2 Jan 2016 - 20:56

செந்தில் குமாரும் குட்டிகவிதைகளும் 3838410834

அருமை தோழரே,
தொடருங்கள்.

இந்த பதிவைத் துவங்கியவர் நன்றி கூறியுள்ளார் சசி

K.Senthil kumar · K.Senthil kumar Sat 2 Jan 2016 - 20:57

நன்றி ஐயா...

நேற்று நான் இலையில் தங்கிய துளிகளும் .... துளிகளை தாங்கிய இலையும் ...
என்ற தலைப்பில் பதிவு செய்திருந்தேன் அதற்கு தங்களின் பின்னூட்டத்தை ஆவலுடன் எதிர்பார்க்கிறேன் ஐயா......

K.Senthil kumar · K.Senthil kumar Sat 2 Jan 2016 - 21:00

சசி wrote:
அருமை தோழரே,
தொடருங்கள்.

மேற்கோள் செய்த பதிவு: 1184703

நன்றி சசி
எல்லாம் தங்களின் குட்டிகவிதைகளை பார்த்து எழுந்த வேட்கைதான்...

**கார்த்திக் செயராம்** · 29/10/2015

நண்பனின் ஆசை:-

காலமே என் நண்பனிடம் நெடு நேரம் இரு.
கனவுகளே சீக்கிரம் கரைந்து விடாமல் இரு.
வார்த்தைகளே எண்ணங்களை அமைத்து கொடு.
உணர்வுகளே அவர் மனதில் அமைதியாய் இரு.
எழுத்துகளே எண்ணத்திற்கு ஏற்ப வரி வடிவம் கொடு(ஏனெனில்)
செந்தில் அருமையான கவிதைகள் புனைவதால்.

அருமை செந்தில் ... செந்தில் குமாரும் குட்டிகவிதைகளும் 3838410834

**ayyasamy ram** · **ayyasamy ram** Sat 2 Jan 2016 - 21:56

-

செந்தில் குமாரும் குட்டிகவிதைகளும் EOt4zUvRQMm3I9fgu1pO+images.jpgll

K.Senthil kumar · K.Senthil kumar Sat 2 Jan 2016 - 23:16

கார்த்திக் செயராம் wrote:நண்பனின் ஆசை:-

காலமே என் நண்பனிடம் நெடு நேரம் இரு.
கனவுகளே சீக்கிரம் கரைந்து விடாமல் இரு.
வார்த்தைகளே எண்ணங்களை அமைத்து கொடு.
உணர்வுகளே அவர் மனதில் அமைதியாய் இரு.
எழுத்துகளே எண்ணத்திற்கு ஏற்ப வரி வடிவம் கொடு(ஏனெனில்)
செந்தில் அருமையான கவிதைகள் புனைவதால்.

அருமை செந்தில் ...

மேற்கோள் செய்த பதிவு: 1184732

கார்த்திக்கின் கவிதை அருமை...

**krishnaamma** · **krishnaamma** Tue 5 Jan 2016 - 15:36

சகலமும் அருமை செந்தில் புன்னகை

.................
.
.
.
.
ஒரே ஒரு இடத்தில் மட்டும் ழ க்கு பதில் ள போட்டிருந்தீர்கள்...மற்றபடி எல்லாமே சரிதான் ! .............. மகிழ்ச்சி

**ராஜா** · **ராஜா** Tue 5 Jan 2016 - 15:48

அருமையான கவிதைகள் செந்தில்,

krishnaamma wrote:ஒரே ஒரு இடத்தில் மட்டும் ழ க்கு பதில் ள போட்டிருந்தீர்கள்...மற்றபடி எல்லாமே சரிதான் ! ..............

மேற்கோள் செய்த பதிவு: 1185406என்னற்ற சரியா பாருங்கள் , திருத்துவது மிக கடினமான வேலை என்பது தெரியும். கண்ணில் பட்டதால் சொன்னேன் புன்னகை

Sponsored content · Sponsored content

செந்தில் குமாரும் குட்டிகவிதைகளும்

செந்தில் குமாரும் குட்டிகவிதைகளும்

Re: செந்தில் குமாரும் குட்டிகவிதைகளும்

Re: செந்தில் குமாரும் குட்டிகவிதைகளும்

Re: செந்தில் குமாரும் குட்டிகவிதைகளும்

Re: செந்தில் குமாரும் குட்டிகவிதைகளும்

Re: செந்தில் குமாரும் குட்டிகவிதைகளும்

Re: செந்தில் குமாரும் குட்டிகவிதைகளும்

Re: செந்தில் குமாரும் குட்டிகவிதைகளும்

Re: செந்தில் குமாரும் குட்டிகவிதைகளும்

Re: செந்தில் குமாரும் குட்டிகவிதைகளும்

Re: செந்தில் குமாரும் குட்டிகவிதைகளும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக