ஸ்மார்ட்போனில் பேட்டரி சார்ஜ் சீக்கிரம் காலியாகிறதா?

**சிவா** · **சிவா** Tue Apr 07, 2015 3:23 am

நம் கையில் இருக்கும் ஸ்மார்ட்போன், பலவகையிலும் வசதியானதுதான். ஆனால் அதன் பேட்டரி சார்ஜ் சீக்கிரம் தீர்ந்துவிடுவதுதான் பிரச்சினை.

சரி, ஏன் ஸ்மார்ட்போன் பேட்டரி விரைவில் தீர்ந்து விடுகிறது?

இலவச அப்ளிக்கேஷன்கள் மற்றும் சில விளையாட்டுகளை டவுன்லோடு செய்யும்போது அவற்றில் இடம்பெறும் விளம்பரங்களே அதிகமாக சார்ஜ் எடுத்து கொள்கின்றன.

எனவே, அதிக விளம்பரங்கள் இருக்கும் இலவச அப்ளிக்கேஷன்களை டவுன்லோடு செய்யாதீர்கள்.

சிலர் தாங்கள் வைத்திருக்கும் அனைத்து அப்ளிக்கேஷன்களையும் 'ஆன்' செய்து வைத்திருப்பார்கள். இதனால் போனின் இயக்கம் அதிகரித்து பேட்டரி தீரும். நீங்கள் பயன்படுத்தாத சமயத்தில் அப்ளிக்கேஷன்களை அணைத்து வைத்திருக்க வேண்டும்.

உங்களது இருப்பிடத்தில் சிக்னல் எப்படி இருக்கிறது என்பதையும் பாருங்கள், குறைந்த சிக்னல் இருக்கும்போது போனில் அதிகளவு சார்ஜ் செலவாகும்.

பயன் இல்லாத சமயங்களில் ஜி.பி.எஸ். சேவையை 'ஆப்' செய்வது சார்ஜ் சீக்கிரம் காலிய£வதை தடுக்கும்.

நீங்கள் பயன்படுத்தும் ஸ்மார்ட்போனை பாருங்கள். சிலர் அதிகளவு சிறப்பம்சங்களை கொண்ட போன்களை பயன்படுத்துவர்கள். அதில் சாதாரணமாகவே விரைவாக சார்ஜ் காலியாகிவிடும்.