ஆபாச விஜய் டிவி! : கொதிக்கும் நேயர்கள்!

**பழ.முத்துராமலிங்கம்** · 27/09/2015

பத்ரிகா
Wednesday, 30 Dec, 5.20 pm

ஆபாச விஜய் டிவி! : கொதிக்கும் நேயர்கள்!

"ஆஸ்திக்கு ஒருத்தன், ஆசைக்கு ஒருத்தன் என்று இந்தக்கால பெண்கள் வச்சுக்கிறாங்க" என்கிற ரீதியில் ஒரு தொடரில் வசனம் வந்து சர்ச்சையைக் கிளப்பியது.

அந்த வரிசையில் இப்பது இடம் பிடித்திருப்பது, அதே விஜய் டிவியில் ஒளிபரப்பாகும் "கலக்கப்போவது யாரு" நிகழ்ச்சி.

கடந்த ஞாயிற்றுக்கிழமை இந்த நிகழ்ச்சியில் போட்டியாளர் ஒருவர், காம்ப்பியர் திவ்யதர்ஷினி போல இமிடேட் செய்தார்.

உடனே சக போட்டியாளர், "மூடிட்டு போ" என்றார் எகத்தாளமாக.

இந்த நிகழ்ச்சியைப் பார்த்த நேயர்கள் அதிர்ச்சியில் உறைய, அரங்கிலோ சிரிப்பலை.

"இந்த கலக்கப்போவது யாரு நிகழ்ச்சியில் இது போல அடிக்கடி ஆபாச வார்த்தைகளை பயன்படுத்துகிறார்கள்" என்று பலரும் வருத்தத்துடன் கூறுகிறார்கள்.

பிரபல எழுத்தாளர் சத்தியப்பிரியன், "அந்த நிகழ்ச்சியை எதிர்பாராத விதமாக நானும் பார்த்தேன். நிகழ்ச்சியில் கலந்து கொள்ளும் பெண் போட்டியாளரை பார்த்து சர்வ சாதாரணமாக " மூடிட்டு போ " என்கிறார்.

அந்தப் பெண் போட்டியாளரும் கொதித்து எழாமல் அவனைப் பார்த்து பல்லை காட்டினார். இது என்னவிதமான நாகரீகம் என்பது தெரியவில்லை

சிம்புவின் ஆபாச பாடல் சமூக ஊடங்களில் பரப்பப்பட்டன. அதுவே தவறுதான். ஆனால் அதைவிட தவறு, தொலைக்காட்சிகளில் ஆபாசத்தை புகுத்துவது. ஏனென்றால் வீட்டில் அனைவரும் பார்க்கக்கூடிய ஊடகம் இது.

தரம் கெட்ட நிகழ்ச்சிகள் தருவதில் விஜய் டி.விக்கு இணை யாரும் இருக்க முடியாது. நகைச்சுவை என்ற பெயரில் அவர்கள் குரூப் அறிவிப்பாளர்களை வைத்து அவர்கள் அடிக்கும் கூத்துகள் நான்காம் தரம் கூட இல்லை அதற்கும் கீழே.

விஜய் டிவி தனது போக்கை மாற்றிக்கொள்ள வேண்டும்" என்றார்.

"வித்தியாசமான கோணத்தில் சுவையான நிகழ்ச்சிகளை கொடுக்கிறது" என்ற பெயர் விஜய் டிவிக்கு உண்டு. அதே நேரத்தில், "ஆபாசத்தின் எல்லையைத் தொடுகிறது" என்ற கடுமையான புகார்கள் தொடர்ந்து வருகின்றன.

விஜய் டிவி தன்னை மாற்றிக்கொள்ளவேண்டும்.

**கார்த்திக் செயராம்** · 29/10/2015

உண்மையில் பெண்களை சீரழிப்பது சன் டீவீ.
ஆண்களை சீரழிப்பது விஜய் டீவி..

நம்ம வீட்டு கல்யாணம் என்ற பெயரில் மூன்றாம் தாரம் திருமணத்தையும்,கலெக்சன் என்ற பெயரில் நன்டு ஜெகன் பேசும் ஆபாச உரையாடலகளும்,கலக்க போவது யாரு என்ற பெயரில் பல மொக்கையான காமெடி என்ற பெயரில் வக்கிர வார்த்தைகளால் கொல்வதும், இன்னும் நிறைய சொல்லி கொண்டு போகலாம்...

வக்கிர போக்கை அவர்கள் கடைபிடித்து வருகிறார்கள்..இதை தொலைக்காட்சியில் பார்த்து ஆபாசமான வார்த்தைகள் சிறார்களும் பாழ்பட்டு போகிறார்கள்.

நன்றி

**ராஜா** · **ராஜா** Thu Dec 31, 2015 12:22 am

"வித்தியாசமான கோணத்தில் சுவையான நிகழ்ச்சிகளை கொடுக்கிறது" என்ற பெயர் விஜய் டிவிக்கு உண்டு. அதே நேரத்தில், "ஆபாசத்தின் எல்லையைத் தொடுகிறது" என்ற கடுமையான புகார்கள் தொடர்ந்து வருகின்றன.

விஜய் டிவி தன்னை மாற்றிக்கொள்ளவேண்டும்.

தொலைகாட்சி என்றாலே தூர்தர்ஷன் தான் என்று இருந்ததை தங்களது புதிய நிகழ்சிகளாலும் துல்லியமான ஒளிபரப்பாலும் மாற்றி TV என்பதையே மக்கள் உங்கள் வீட்டில் SunTV இருக்கா என்று கேட்கும்படி மாற்றிகாட்டியவர்கள் Sun குழுமம் , ஆனால் தங்களது சுயபுராணம் பாடும் செயலாலும் அரசியல் காழ்ப்புணர்ச்சியை வெளிபடுத்தும் செய்திகளாலும் மக்கள் வெறுப்படைந்த நேரத்தில் , அதிரடி சரவெடியாக களத்தில் இறங்கியவர்கள் Star குழுமம் தங்களின் Vijay சேனல் மூலம் புத்தம் புதிய நகைச்சிவை நிகழ்சிகள் , தொடர்கள் , திரைப்படங்கள் மூலம் வெகு சீக்கிரத்திலேயே கிட்டத்தட்ட 15 வருடங்களுக்கு மேல் போட்டியாளர்களே இல்லாமல் நம்பர் 1 இடத்தில இருந்த suntv யை அடித்து தள்ளினார்கள்.

இன்னமும் இவர்களின் சிறப்பே , தங்களது கலைஞர்கள் அனைவரையும் முடிந்தவரை மேலே தூக்கிவிடுவது தான்.

தொலைகாட்சி நிகழ்ச்சியில் கலந்துகொள்ள வந்து வெற்றிபெற்றதும் பரிசை கொடுத்து அனுப்பிவிடாமல் தங்கள் நிறுவனத்தில் பணிபுரியும் வாய்ப்பை கொடுத்து இன்று பேரும்புகழும் பெற்ற நடிகராக ஒருவர் ஆகியுள்ளார் என்றால் அதற்கு vijaytv தான் காரணம் என்பதையும் யாரும் மறுக்க முடியாது, இதுபோல நான்கு ஐந்து வருடங்களுக்கு முன் பாட்டுபோட்டியில் கலந்துகொண்டவர்களை கூட இன்னமும் அழைத்து சிறப்பித்து வருகிறார்கள் அதில் பலர் இன்று திரைப்பட பின்னணி பாடகர்களாக ஆகியுள்ளார்கள் இதையும் உதாரணமாக கொள்ளலாம்.

ஆனால் தற்போது இவர்களின் நிகழ்ச்சி தொகுப்பாளர்கள் (ஒரு சிலரை தவிர) அடிக்கும் கூத்துக்கள் வீட்டில் உட்கார்ந்து பார்க்க முடியாத நிலையை உருவாக்குகிறது என்பது தான் உண்மை.

அதிலும் கட்டுரையாளர் குறிப்பிட்டுள்ள "கலக்கபோவது யாரு " நிகழ்ச்சியின் நடுவர்கள் குழு என்று அமர்ந்துள்ளவர்கள் அடிக்கும் ஆபாச கூத்துகளும் அறிவு முதிர்ச்சி இல்லாத கருத்துகளும் நிகழ்ச்சி மீது வெறுப்பை தான் ஏற்படுத்துகிறது.

அத்துடன் கலந்துகொள்ள வரும் போட்டியாளர்கள் , இதில் சிலர் கல்லூரி பேராசிரியர்கள் & பள்ளி ஆசிரியர்கள் ... இவர்களின் சில நகைச்சுவைகள் மிக அருமையாக இருக்கும் ஆனால் கைதட்டல் பெற வேண்டும் என்பதற்காக அருவெறுப்பான சில நகைச்சுவைகளை சொல்வதை கேட்க்கும் போது "விஜயகாந்த் போல" தான் செய்யணும் என்று தோன்றும்

**krishnaamma** · **krishnaamma** Thu Dec 31, 2015 12:51 am

//அத்துடன் கலந்துகொள்ள வரும் போட்டியாளர்கள் , இதில் சிலர் கல்லூரி பேராசிரியர்கள் & பள்ளி ஆசிரியர்கள் ... இவர்களின் சில நகைச்சுவைகள் மிக அருமையாக இருக்கும் ஆனால் கைதட்டல் பெற வேண்டும் என்பதற்காக அருவெறுப்பான சில நகைச்சுவைகளை சொல்வதை கேட்க்கும் போது "விஜயகாந்த் போல" தான் செய்யணும் என்று தோன்றும்//

நல்லா சொன்னீங்க ராஜா........... புன்னகை

**T.N.Balasubramanian** · **T.N.Balasubramanian** Thu Dec 31, 2015 2:46 am

karthik seyaram wrote:உண்மையில் பெண்களை சீரழிப்பது சன் டீவீ.
ஆண்களை சீரழிப்பது விஜய் டீவி..

இந்த விஷயத்தில் எல்லா TV களும் ஒரே மாதிரிதான் .

சினிமா ஒரு சிலரே பார்க்கின்றனர் . சென்சார் போர்டு உள்ளது .
TV வீட்டில் உள்ள சிறுவர் சிறுமியர் வாலைகுமரிகள் விடலை பையன்கள் ,
பெரியோர் முதியோர் என பலதர பட்டவர்களும் பார்க்கிறார்கள் .
பாசக்கார உறவுகளுடன் ஆபாசங்களை பார்க்கிறோம்
சென்சார் கிடையாது .

ரமணியன்

**krishnaamma** · **krishnaamma** Thu Dec 31, 2015 2:51 am

T.N.Balasubramanian wrote:
karthik seyaram wrote:உண்மையில் பெண்களை சீரழிப்பது சன் டீவீ.
ஆண்களை சீரழிப்பது விஜய் டீவி..

இந்த விஷயத்தில் எல்லா TV களும் ஒரே மாதிரிதான் .

சினிமா ஒரு சிலரே பார்க்கின்றனர் . சென்சார் போர்டு உள்ளது .
TV வீட்டில் உள்ள சிறுவர் சிறுமியர் வாலைகுமரிகள் விடலை பையன்கள் ,
பெரியோர் முதியோர் என பலதர பட்டவர்களும் பார்க்கிறார்கள் .
பாசக்கார உறவுகளுடன் ஆபாசங்களை பார்க்கிறோம்
சென்சார் கிடையாது .

ரமணியன்

மேற்கோள் செய்த பதிவு: 1184259

ரொம்ப சரி ஐயா,போறாததற்கு யாராவது பார்க்காமல் இருந்துடப் போறாளே என்று திரும்பத் திரும்ப போட்டுக்காட்டுவார்கள் சோகம்

**T.N.Balasubramanian** · **T.N.Balasubramanian** Thu Dec 31, 2015 2:54 am

Krishnaammaa wrote:ரொம்ப சரி ஐயா,போறாததற்கு யாராவது பார்க்காமல் இருந்துடப் போறாளே என்று திரும்பத் திரும்ப போட்டுக்காட்டுவார்கள் சோகம்

ஹஹ ஹஹ ஹா !

ரமணியன்

சசி · சசி Thu Dec 31, 2015 4:20 am

குறிப்பாக சொல்லவேண்டுமானால் நீயா நானா வை தவிர வேறு நிகழ்ச்சிகள் பார்க்க முடியாது. நீயா நானா வில் கூட தலைப்பு முன்பு போல் இல்லை. எல்லாம் பணம் மட்டும் தான். சமூகத்திற்கு செய்யவதற்கு ஒன்றும் இல்லை அவர்களுக்கு.

**ayyasamy ram** · **ayyasamy ram** Thu Dec 31, 2015 1:54 pm

மகாபாரத தொடரும் முடிந்து விட்டது...
-
ம்..ம்... அதிர்ச்சி

Sponsored content · Sponsored content

ஆபாச விஜய் டிவி! : கொதிக்கும் நேயர்கள்!

ஆபாச விஜய் டிவி! : கொதிக்கும் நேயர்கள்!

Re: ஆபாச விஜய் டிவி! : கொதிக்கும் நேயர்கள்!

Re: ஆபாச விஜய் டிவி! : கொதிக்கும் நேயர்கள்!

Re: ஆபாச விஜய் டிவி! : கொதிக்கும் நேயர்கள்!

Re: ஆபாச விஜய் டிவி! : கொதிக்கும் நேயர்கள்!

Re: ஆபாச விஜய் டிவி! : கொதிக்கும் நேயர்கள்!

Re: ஆபாச விஜய் டிவி! : கொதிக்கும் நேயர்கள்!

Re: ஆபாச விஜய் டிவி! : கொதிக்கும் நேயர்கள்!

Re: ஆபாச விஜய் டிவி! : கொதிக்கும் நேயர்கள்!

Re: ஆபாச விஜய் டிவி! : கொதிக்கும் நேயர்கள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக