சம அளவில்தான் கலப்போம்...!!

**ayyasamy ram** · **ayyasamy ram** Mon Jan 04, 2016 1:44 pm

கோழிக்கறியும் குதிரைக்கறியும்
ஒருவன் அசைவ உணவு விடுதிக்குச் சென்று கோழிப்
பிரியாணி கேட்டான். அந்தப் பிரியாணியைச் சாப்பிட்டுப்
பார்த்தான். அந்தப் பிரியாணியிலிருந்த கோழிக்கறியுடன்
வேறு கறி கலந்திருப்பது போல் தெரிந்தது.
-
உடனே சர்வரை அழைத்து, “இது கோழிக்கறி மாதிரி
தெரியவில்லையே... இதனுடன் குதிரைக்கறியும் கலந்திருப்பது
போல் தெரிகிறதே...” என்றான். சர்வர் முதலில் மழுப்பினான்.
-
அதட்டிக் கேட்டதும், “ஆமாம் சார்! வாசனைக்காகக் கோழிக்
கறியுடன் கொஞ்சம் குதிரைக் கறியும் சேர்ப்போம்” என்றான்.
-
“எவ்வளவு கலப்பீர்கள்?” என்று சர்வரின் சட்டையைப்
பிடித்தான் அவன்.
-
“சம அளவு சார்!” என்றான் சர்வர்.
-
“சம அளவுன்னா... எவ்வளவுடா...” என்றான் அவன்.
-
“சட்டையை விடுங்க சார்! இது கூட தெரியாதா உங்களுக்கு?
சம அளவுன்னா ஒரு கோழிக்கு ஒரு குதிரை தான் சம அளவு. அந்த
அளவில்தான் கலப்போம்” என்றான் சர்வர்.
-
அவ்வளவுதான் சாப்பிட வந்த அவன் மயக்கம் போட்டு விழுந்தான்.
-

**ayyasamy ram** · **ayyasamy ram** Mon Jan 04, 2016 1:45 pm

முதலாளியின் ஒரு ரூபாய் இனாம்
-
ஒரு நிறுவனத்தின் முதலாளி முடி வெட்டுக் கொள்வதற்காக
சலூன் கடைக்கு வந்தார். அவர் முடி வெட்டி முடிந்ததும் உரிய
தொகைக்கு மேல் ஒரு ரூபாய் இனாமாகக் கொடுத்தார்.
-
முடி வெட்டுபவருடைய முகம் சுருங்கியது. ஒரு பெரிய
நிறுவனத்தின் முதலாளி ஒரு ரூபாய் இனாம் தருவதா? என்கிற
ஏளனத்துடன் சொன்னார்;
-
“உங்களிடம் வேலை பார்க்கும் கணக்கர்கள் கூட பத்து ரூபாய்
இனாம் கொடுப்பார்கள். ஆனால் நீங்கள்...?”
-
“உண்மைதான். அதனால்தான் ஆயுள் முழுவதும் அவர்கள்
கணக்கர்களாகவே இருக்கிறார்கள். நான் முதலாளியாக
இருக்கிறேன்.” என்றபடியே அங்கிருந்து நகர்ந்தார்.
-
-----------------------------------------------

**ayyasamy ram** · **ayyasamy ram** Mon Jan 04, 2016 1:46 pm

இங்கு இருப்பு இல்லை.
-
ஒரு கடைக்காரர் பெருமையாக தனது விளம்பர போர்டில் “ஐம்பது
ஆண்டுகளாக நடந்து வரும் கடை” என்று எழுதி வைத்தார். அடுத்த
கடைக்காரர், “எங்கள் கடை தற்போதுதான் தொடங்கப்பட்டுள்ளது.
எங்கள் கடையில் பழைய இருப்பு எதுவுமில்லை” என்று பதிலுக்கு
எழுதிப் போட்டார்.
-
--------------------------------------

**ayyasamy ram** · **ayyasamy ram** Mon Jan 04, 2016 1:46 pm

--
அம்மா இருந்தால் பெட்டியைக் காப்பாற்றி இருக்கலாம்.
-
தந்தையும் மகளும் ரயிலில் பயணம் செய்து கொண்டிருக்கும்
போது திடீரென்று கொள்ளைக் கூட்டம் ஒன்று புகுந்து
பயணிகளிடமிருந்து எல்லாப் பொருட்களையும் திருடிச்
சென்று விட்டது.
-
“இப்படி எல்லாப் பொருட்களையும் பறிகொடுத்து விட்டோமே”
என்று புலம்பினார் அப்பா.
-
“கவலைப்படாதீங்க அப்பா. திருடர்களைப் பார்த்தவுடன்
என்னுடைய நகைகளைக் கழற்றி வாய்க்குள் போட்டு
கொண்டேன்” என்றாள். “அப்படியா! உங்கம்மாவைக்
கூட்டி வந்திருந்தால் நம்முடைய பெட்டிகளைக் கூடக்
காப்பாற்றியிருக்கலாமே” என்று பெருமூச்சுடன் சொன்னார்
அப்பா.
-
-----------------------------------------

Sponsored content · Sponsored content

சம அளவில்தான் கலப்போம்...!!

சம அளவில்தான் கலப்போம்...!!

Re: சம அளவில்தான் கலப்போம்...!!

Re: சம அளவில்தான் கலப்போம்...!!

Re: சம அளவில்தான் கலப்போம்...!!

Re: சம அளவில்தான் கலப்போம்...!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக