சினிமா குருவியார் கேள்வி பதில்

ஜெயம் ரவி, இரட்டை வேடங்களில் நடித்து இருக்கிறாரா?
(பா.வளர்மதி, காட்பாடி)

‘ஆதிபகவன்’ என்ற படத்தில், ஜெயம் ரவி இரட்டை வேடங்களில்
நடித்து இருக்கிறார்!

***

குருவியாரே, ‘இஞ்சி இடுப்பழகி’ படத்துக்காக குண்டான
அனுஷ்கா உடலை மெலிய வைக்கும் முயற்சியில் ஈடுபட்டாரே...
அவர் உடல் எடை குறைந்து இருக்கிறதா? இப்போது அவர்
எப்படியிருக்கிறார்? (இரா.தாமரை கண்ணன், திருச்சி)

அனுஷ்கா, பதினைந்து கிலோ எடை குறைந்து இருந்தாலும்,
இப்போதும் மப்பும் மந்தாரமுமாகவே காணப்படுகிறார்!

***

குருவியாரே, தமன்னா– காஜல் அகர்வால் ஆகிய இரண்டு
பேரில் நடிப்பில் சிறந்தவர் யார்? (எம்.துஷ்யந்த், பொள்ளாச்சி)

தமன்னா! இவர், கதாபாத்திரமாக மாறவேண்டும் என்று
நிறையவே முயற்சிப்பார். காஜல் அகர்வால், நடிப்பை பற்றி
யோசிப்பதே இல்லை. ஒவ்வொரு ‘ஷாட்’ இடைவெளியிலும்
செல்போனில் பேசியபடி கேரவனுக்குள் சென்று ஒளிந்து
கொள்வார்!

***

குருவியாரே, கே.எஸ்.ரவிகுமார் டைரக்டு செய்த முதல் படம் எது,
அந்த படத்தின் கதாநாயகன் யார்? (ரஜினி செந்தில், பாப்பம்பட்டி)

கே.எஸ்.ரவிகுமார் டைரக்டு செய்த முதல் படம், ‘புரியாத புதிர்’.
அந்த படத்தின் கதாநாயகன், ரகுமான். !

***

குருவியாரே, ரஜினிகாந்த் நடிக்கும் ‘2.ஓ’ (எந்திரன்–2)
படத்தில் ஹாலிவுட் நடிகர் அர்னால்டு நடிப்பதாக இருந்தாரே...
அவருக்குப் பதில் அக்ஷய்குமார் ஒப்பந்தம் செய்யப்பட்டது ஏன்?
(பி.விக்ரம் குமார், சென்னை)

அர்னால்டு, ரூ.200 கோடி சம்பளம் கேட்டதாகவும்,
அவர் விதித்த நிபந்தனைகள் அதிகபட்சமாக கருதப்பட்டதாலும்,
அக்ஷய்குமார் ஒப்பந்தம் செய்யப்பட்டு இருக்கிறாராம்!

***

எமிஜாக்சனுக்கு பிடித்த கதாநாயகன் யார்? (கே.செல்வா, காஞ்சீபுரம்)

இப்போதைக்கு தனுஷ்! (உதட்டுடன் உதடு சேர்த்து நடித்த முத்த
காட்சிக்கு அப்புறம்!)

***

விக்ரம்–நயன்தாரா முதல்முறையாக ஜோடி சேரும் ‘மாரீசன்’
படத்தை டைரக்டு செய்பவர் யார், அந்த படத்தின் தயாரிப்பாளர் யார்?
(ஆர்.ரமேஷ் செல்வன், திருவள்ளூர்)

‘மாரீசன்’ படத்தை டைரக்டு செய்பவர், ஆனந்த் சங்கர். இவர்,
‘அரிமாநம்பி’ படத்தை டைரக்டு செய்தவர். இந்த படத்தின்
தயாரிப்பாளர், சிபு தமீம். இவர், விஜய் நடித்த ‘புலி’ படத்தின்
தயாரிப்பாளர்களில் ஒருவர்!

***

குருவியாரே, மலையாள கதாநாயகிகள் மஞ்சுவாரியர், காவ்யா மாதவன்
ஆகிய இருவரின் மணமுறிவுக்கு என்ன காரணம்? (கே.பி.சுதர்சன், கோவை)
-
சந்தேகக்கோடு, அது சந்தோஷக்கேடு!

***

கவுதம் கார்த்திக் அடுத்து நடிக்கும் படம் எது? (ஏ.பால்சிங், அருப்புக்கோட்டை)
-
மணிரத்னம் உதவியாளர் தனா என்ற தனசேகர் டைரக்டு செய்யும்
புதிய படத்தில், கவுதம் கார்த்திக் நடிக்கிறார். இந்த படத்துக்கு இன்னும்
பெயர் சூட்டப்படவில்லை!

***

குருவியாரே, நயன்தாராவும், திரிஷாவும் ஒரு புதிய படத்தில் இணைந்து
நடிப்பதாக இருந்தார்களே... அந்த படம் என்ன ஆனது? (ஜி.ரவிச்சந்திரன்,
வாலாஜாப்பேட்டை)

இரண்டு பேரும் இணைந்து நடிக்க சம்மதிக்கவில்லை என்றாலும்,
அந்த படத்துக்கான அடுத்த கட்ட வேலைகள் தொடங்கி விட்டன!

***

முன்னாள் கதாநாயகிகள்–இந்நாள் அரசியல்வாதிகளான குஷ்புவும்,
நக்மாவும் சந்தித்துக் கொண்டால்...? (நா.சுதீப், தஞ்சை)
-
இந்தியில் பேசிக்கொள்வார்கள்!

***

மலையாள பட உலகில் இருந்து வந்தவர்களில் நயன்தாராவுக்கு
அடுத்தபடியாக தமிழ் பட உலகில் பிரகாசித்துக் கொண்டிருக்கும்
நாயகி யார்? (கே.எழிலரசன், குலசேகரபட்டினம்)
-
முன்பு, அசின். இப்போது, லட்சுமி மேனன்!

***

‘‘இதயம் ஒரு கோவில்...அதில் உதயம் ஒரு பாடல்...’’ என்ற பாடல்
இடம்பெற்ற படம் எது, அந்த பாடல் இடம்பெற்ற படத்தை தயாரித்தவர்
யார்? (எஸ்.மதன்ராஜ், தேவகோட்டை)

அந்த பாடல் இடம்பெற்ற படம், ‘இதயக்கோவில்’. படத்தை
தயாரித்தவர், கோவைதம்பி!

***

குருவியாரே, ‘டீன் ஏஜ்’ பெண்களின் கனவு நாயகனாக இருந்த மாதவன்
என்ன செய்கிறார்? (ஜெ.அறிவழகன், புதுச்சேரி)

மாதவன், இந்தி படங்களில் நடித்துக் கொண்டிருக்கிறார்!

***

விஜய் சேதுபதி, விமல் ஆகிய இரண்டு பேரில் அதிக சம்பளம்
வாங்குபவர் யார்? (என்.ராஜா, மதுரை)

இரண்டு பேருமே கோடிக்கணக்கில் சம்பளம் வாங்குகிறார்கள்.
விமலை விட, விஜய் சேதுபதி அதிக கோடிகள் வாங்கி வருகிறார்!

***

‘நானும் ரவுடிதான்’ படத்தை இயக்கிய விக்னேஷ் சிவனின்
அடுத்த படம் எப்படியிருக்கும்? எந்த மாதிரி கதையம்சம் உள்ள
படத்தை எதிர்பார்க்கலாம்? (டி.ஜாக்சன் துரை, ஒட்டப்பிடாரம்)

விக்னேஷ் சிவனின் அடுத்த படைப்பு, ‘நானும் ரவுடிதான்’
படத்தில் இருந்து முற்றிலும் மாறுபட்ட கதையம்சம் கொண்ட படமாக
இருக்குமாம்!

***

பிரசன்னாவும், சினேகாவும் இணைந்து நடித்த படங்கள் எத்தனை?
(ஏ.எஸ்.செல்வராஜ், டி.தேவனூர்)

இருவரும் ‘அச்சமுண்டு அச்சமுண்டு’ என்ற ஒரே ஒரு படத்தில்
மட்டும் இணைந்து நடித்து இருந்தார்கள்!

***

மறைந்த முன்னாள் நடிகர்கள் எஸ்.வி.ரங்காராவ், எஸ்.வி.சகஸ்ரநாமம்,
எஸ்.வி.சுப்பையா, எஸ்.வி.ராமதாஸ் ஆகிய நால்வரும் சகோதரர்களா?
(தி.பாலசுப்பிரமணியன், சேந்தங்குடி)

இல்லை. ‘இனிஷியலில்’ மட்டுமே நான்கு பேருக்கும் ஒற்றுமை.
வேறு எந்த வகையிலும் ஒட்டு–உறவு கிடையாது!

***

குருவியாரே, ‘‘திருமணம் செய்து கொண்டு கஷ்டப்படுவதை விட,
திருமணம் செய்து கொள்ளாமல் இருப்பதே மேல்’’ என்று
நித்யா மேனன் கூறியிருக்கிறாரே? (எஸ்.அர்ஷத் பயாஸ், குடியாத்தம்)

பல நடிகைகளுக்கு ஏற்பட்ட திருமண வாழ்க்கை அனுபவங்களே
நித்யா மேனனை அப்படி பேச வைத்து இருக்கிறது!
-
-----------------------------------
நன்றி- தினத்தந்தி