நெஞ்சை விட்டு நீங்காத கனமழை வடு குடியிருப்புகள் வாங்க தயங்கும் பொதுமக்கள்: பீதியில் கட்டுமான நிறுவனங்கள்

தினகரன்
Wednesday, 30 Dec, 9.46 pm

நெஞ்சை விட்டு நீங்காத கனமழை வடு குடியிருப்புகள் வாங்க தயங்கும்
பொதுமக்கள்: பீதியில் கட்டுமான நிறுவனங்கள்

தமிழகத்தில் வடகிழக்கு பருவமழை கொட்டி தீர்த்தது. இதனால் சென்னை, திருவள்ளூர், காஞ்சிபுரம் மாவட்டங்கள் கடுமையாக பாதிக்கப்பட்டன. குறிப்பாக புறநகர் பகுதிகளில் மழைநீர் செல்ல வழியில்லாத நிலையில், பெரும்பாலான குடியிருப்புகள் மழைநீரில் மூழ்கின.

சாலைகள் துண்டிக்கப்பட்டன. மின்கம்பங்கள் சாய்ந்தன. வீடுகளில் தண்ணீர் புகுந்ததால் ஏராளமானோர் உண்ண உணவின்றி உடமைகளை இழந்து வசிக்க இடம் இன்றி தவித்தனர். இதனால் பலர், குழந்தைகளுடன் முகாம்களில் அடைபடும் நிலைக்கு தள்ளப்பட்டனர். லட்சக்கணக்கில் பணம் கொடுத்து வீடுகளை வாங்கியவர்கள் கூட முகாம்களில் அடைபடும் நிலைக்கு ஆளானார்கள் என்பதுதான் நிதர்சனம்.

அதோடு, உயிர் சேதம், ஏராளமான பொருட்கள் சேதங்கள் ஏற்பட்டது. மழை ஓய்ந்த நிலையில், பொதுமக்கள் மெல்ல மெல்ல இயல்பு வாழ்க்கைக்கு திரும்பிய வண்ணம் உள்ளனர். இருப்பினும் குடியிருப்புகளில் மழைநீர் புகுந்ததால் அந்த அதிர்ச்சியில் இருந்து மீள முடியாமல் பலர் தவித்து வருவது கண்கூடாக பார்க்க இயல்கிறது.

மேலும், சென்னை மற்றும் புறநகர் பகுதிகளில் குடியிருப்பதற்கே மக்கள் தயக்கம் காட்டி வருகின்றனர். சென்னையில்கூட வாடகை வீடுகளில் வசித்த பலர், தங்களது வாடகை வீடுகளை காலி செய்து விட்டு பாதுகாப்பான மாற்று இடங்களுக்கு சென்று விட்டனர். இன்னும் சிலர், சொந்த ஊர்களுக்கும் திரும்பிய வண்ணம் உள்ளனர்.

இது ஒருபுறம் இருக்க, மற்றொரு புறம், சென்னை மற்றும் புறநகர் பகுதியில் தனியார் நிறுவனங்களால் கட்டி முடிக்கப்பட்டுள்ள 1 லட்சம் அடுக்குமாடி குடியிருப்புகள் விற்பனையாகுமா என்ற சந்தேகம் எழுந்துள்ளது.

நெஞ்சை விட்டு நீங்காத கனமழை வடு குடியிருப்புகள் வாங்க தயங்கும்
பொதுமக்கள்: பீதியில் கட்டுமான நிறுவனங்கள்

குறிப்பாக, ஜி.எஸ்.டி சாலை, ராஜிவ் காந்தி சாலை, கிழக்கு கடற்கரை சாலை, பெங்களூரு நெடுஞ்சாலை உள்ளிட்ட பகுதிகளில் ஏராளமான அடுக்குமாடி குடியிருப்புகள் கட்டப்பட்டுள்ளது.

இந்த குடியிருப்புகள் அனைத்தும் ேகாபுரம் போன்று உயர்ந்து நிற்கிறதே தவிர, அவைகளை வாங்க பொதுமக்கள் ஆர்வம் காட்டுவதில்லை.

யாரும் வாங்க வராததால் குடியிருப்புகள் தேக்கம் அடைந்துள்ளன. இதனால் கட்டுமான நிறுவனங்களை சேர்ந்தவர்களுக்கு கோடிக்கணக்கில் முதலீடுகள் முடங்கி உள்ளன.

இதிலிருந்து எப்படி மீள்வது என்ற பீதியிலேயே அவர்கள் உறைந்துள்ளனர். குடியிருப்புகள் விற்பனையாகாததால் கடன் வாங்கிய நிறுவனங்கள் மாத வட்டியை தொடர்ந்து செலுத்த முடியாத அவல நிலைக்கு தள்ளப்பட்டுள்ளனர்.

மழை சற்று ஓய்ந்து இயல்பு வாழ்க்கை திரும்பினால்கூட, இனி சென்னை மற்றும் புறநகர் பகுதிகளில் வீடுகள் வாங்குவது என்பது பெரிய கேள்வி குறிதான்.

இதுகுறித்து, கட்டுமான நிறுவனங்களை சேர்ந்தவர்கள் கூறியதாவது: சென்னை புறநகர் பகுதிகளில் அடுக்குமாடி குடியிருப்புகள் ரூ.25 லட்சம் முதல் ரூ.75 லட்சம் வரை விற்பனை செய்யப்பட்டு வருகின்றன. கட்டுமான நிறுவனங்களில் பெரும்பாலானோர் வங்கியில் கடன் பெற்றுதான் அடுக்குமாடி குடியிருப்பு திட்டங்களை செயல்படுத்தி வருகின்றனர்.

இந்நிலையில், சென்னை புறநகர் பகுதிகள் மழை வெள்ளத்தால் கடுமையாக பாதிக்கப்பட்டுள்ளன. இதனால் மக்கள் கடும் சோதனைக்கு தள்ளப்பட்டுள்ளனர். இதை கருத்தில் கொண்டு, தற்போது பொதுமக்களுக்கு சலுகை விலையில் வீடுகள் விற்பனை செய்யப்படும் என அறிவித்தோம்.

அதற்கு பிறகு கூட வீடுகளை வாங்க யாரும் முன்வருவது இல்லை. எனவே, கட்டுமான நிறுவனங்கள், கடன் வாங்கியதற்கான மாத வட்டியை தொடர்ந்து செலுத்த முடியாத நிலை ஏற்பட்டுள்ளது. இந்த பிரச்னையால் கட்டுமான நிறுவனங்கள் தொடர்ந்து தொழில் செய்ய முடியாத நிலைக்கு தள்ளப்பட்டுள்ளன.

சென்னையில் மட்டும் 1 லட்சத்திற்கும் மேற்பட்ட குடியிருப்புகள் விற்பனையாகாமல் உள்ளது. இதனால் கட்டுமான நிறுவனங்களில் 30 ஆயிரம் கோடி அளவிலான முதலீடுகள் முடங்கி உள்ளன. இவ்வாறு அவர்கள் கூறினர்.

நெஞ்சை விட்டு நீங்காத கனமழை வடு குடியிருப்புகள் வாங்க தயங்கும் பொதுமக்கள்: பீதியில் கட்டுமான நிறுவனங்கள்

நெஞ்சை விட்டு நீங்காத கனமழை வடு குடியிருப்புகள் வாங்க தயங்கும் பொதுமக்கள்: பீதியில் கட்டுமான நிறுவனங்கள்

Re: நெஞ்சை விட்டு நீங்காத கனமழை வடு குடியிருப்புகள் வாங்க தயங்கும் பொதுமக்கள்: பீதியில் கட்டுமான நிறுவனங்கள்