சர்க்கரை நோய் குறித்து புதிய இணையதளம்: குடந்தை மருத்துவ மாநாட்டில் அறிமுக

**பழ.முத்துராமலிங்கம்** · 27/09/2015

தினமணி
Monday, 28 Dec, 12.25 am
சர்க்கரை நோய் குறித்து மருத்துவர்கள் கலந்தாய்வுக்கான புதிய இணையதளம் குடந்தை மருத்துவர்கள் மாநாட்டில் ஞாயிற்றுக்கிழமை அறிமுகப்படுத்தப்பட்டுள்ளது. மெட்டபாலிக் கிளப், இந்திய மருத்துவக் கழகத்தின் கும்பகோணம் கிளை ஆகியவை இணைந்து 300-க்கும் அதிகமான மருத்துவர்கள் பங்கேற்ற "கும்பமெட்கான் 2015' என்ற மருத்துவர்கள் மாநாட்டை கும்பகோணத்தில் சனி, ஞாயிற்றுக்கிழமைகளில் நடத்தின. இந்த மாநாட்டில், சமுதாயத்தில் சர்க்கரை நோய் போன்ற நாள்பட்ட நோய்களின் தாக்கம், அதைக் குறைக்கும் வழிகள், சிகிச்சைக்கான முன்னேற்பாடுகள், அதிகரிப்பதைத் தடுப்பதற்கான திட்டங்கள் போன்றவை குறித்து, சிறப்பு இருதய சிகிச்சை மருத்துவ நிபுணர் சென்னியப்பன், சர்க்கரை நோய் நிபுணர்கள் விஜய் விஸ்வநாதன், அசோக்குமார்தாஸ், சென்னை மருத்துவக் கல்லூரி உயர்நிலைப் பேராசிரியர் வி. மகாதேவன், திருச்சி குடல்நோய் சிறப்பு மருத்துவ நிபுணர் சசிஆனந்த் உள்ளிட்ட 20-க்கும் அதிகமான மருத்துவர்கள் சிறப்புரையாற்றினர். இதைத் தொடர்ந்து, சர்க்கரை நோய் குறித்து மருத்துவர்கள் கலந்தாய்வுக்கான புதிய இணையதளத்தை (kumbmetcon.org) டாக்டர் செந்தமிழ்பாரி தொடக்கிவைத்தார். இதையடுத்து சர்க்கரை நோய் மருத்துவ நிபுணர் அசோக்குமார்தாஸ், செய்தியாளர்களிடம் தெரிவித்ததாவது: சிகிச்சை முறைகளை பரிமாறிக்கொள்ள ஏதுவாக மாநாட்டில் இணையதளம் அறிமுகப்படுத்தப்பட்டுள்ளது. 100 பேரில் 14 பேருக்கு சர்க்கரை நோய் உள்ளது. நமது வாழ்க்கை முறையில் மாற்றம், மனஅழுத்தம், துரித உணவு, தூக்கமின்மை ஆகியவையே இதற்குக் காரணம். நோய் உள்ளவர்கள் நல்ல உடற்பயிற்சி, அளவான சாப்பாடு, ஆசனம், தியானம் ஆகியவற்றின் மூலம் நோய் பாதிப்பில் இருந்து மீளலாம் என்றார் அவர்.
நன்றி-டெய்லிஹண்ட்