தாய்கொரு தாலாட்டு .........

by kandhasami saravanan Sun Dec 27, 2015 3:50 pm

ஆராரோ ஆரிரரோ -என்
அம்மாவே நீயுறங்கு!

உன் வயிற்றில் கருவாக -நான்
உருவான நாளிலிருந்து
உறக்கமின்றி எனைமட்டும்-நீ
உயிராக நினைத்தாயம்மா!

ஈரைந்து மாதங்கள் எனை சுமந்து
ஈன்றெடுத்த தாயே - அன்று
நானுறங்க நீ பாடினாய் தாலாட்டு - இன்று
நீ உறங்கம்மா - நான் பாடுகிறேன்
உனக்கொரு சீராட்டு!

கை குழந்தையாய் - நான்
கண் கசக்கி அழுதபோது - என் கண்ணில்
கண்ணீர் வரும் முன்பே - உன் கைகள்
கட்டி என்னை தழுவியதம்மா!

கழனியில் நீ களையெடுக்கும் போதும் - உன்
கண்ணெதிரே எனக்கு கட்டுவாயம்மா தொட்டில்
காற்றில் தொட்டில் ஆடியபோது கூட - நீ
கதரியடித்து வந்தாயம்மா!

ஆராரோ ஆரிரரோ -என்
அம்மாவே நீயுறங்கு!

உலகமே சுற்றி நான் வந்தாலும் - உன்
உலகமே நான்தான் என்பதுபோல் - நான்
உனைவிட்டு ஒருபொழுது நீங்கியதும் - நீ
ஊரெல்லாம் தேடினாயம்மா!

ஓராயிரம் கவலைகள் இருந்தாலும்- அம்மா
ஒருமுறை உன்முகம்பார்த்தால் போதும்
உறங்கிகொண்டிருந்த - என்னுள் உற்சாகமொன்று வந்திடுமம்மா!

உறக்கத்தை கனவாய் கண்ட தாயே - இன்று
உனக்காக நானிருக்கேன் - உனக்கு
ஒருபொழுதும் கவலை வேண்டாம் -என்
உயிரே நீ உறங்கு!

வேலைதேடி வந்துவிட்டேன் மேலைநாடு கூடவே உனை பிரிந்த
வேதனையும் வந்ததம்மா என்னோடு- நான்
சீக்கிரமே வந்திடுவேன் நம்நாடு - அதுவரை
சோகமொன்று வேண்டாமம்மா உன்னோடு!!

ஆராரோ ஆரிரரோ -என்
அம்மாவே நீயுறங்கு!
க.சரவணன்

kandhasami saravanan wrote:
ஓராயிரம் கவலைகள் இருந்தாலும்- அம்மா
ஒருமுறை உன்முகம்பார்த்தால் போதும்
உறங்கிகொண்டிருந்த - என்னுள் உற்சாகமொன்று வந்திடுமம்மா!

மேற்கோள் செய்த பதிவு: 1183317
அம்மா பற்றி வரி வரியாக வடித்து உள்ளீர்கள்,நன்றி.

தாய்கொரு தாலாட்டு .........

தாய்கொரு தாலாட்டு .........

Re: தாய்கொரு தாலாட்டு .........