சென்னையில் இந்தாண்டு புத்தாண்டு கொண்டாட்டங்கள் ரத்து!

by **krishnaamma** Sat Dec 26, 2015 8:53 pm

First topic message reminder :

சென்னையில் இந்தாண்டு புத்தாண்டு கொண்டாட்டங்கள் ரத்து! - Page 2 BZwGnju4TJev3x04vPny+Tamil_News_large_1419292

சென்னை: சென்னையில் இந்தாண்டு புத்தாண்டுக் கொண்டாட்டங்கள் இல்லை என நட்சத்திர ஹோட்டல் உரிமையாளர்கள் தெரிவித்துள்ளனர். மழை, வெள்ளத்தின் பாதிப்பில் இருந்து சென்னை மக்கள் இன்னும் மீண்டு வராததால், இந்த ஆண்டு புத்தாண்டு கொண்டாட்டங்கள் ரத்து செய்யப்படுவதாக கூறப்பட்டுள்ளது.கடந்த மாதம் பெய்த வடகிழக்கு பருவமழை சென்னை, காஞ்சிபுரம், திருவள்ளூர், கடலூர் ஆகிய மாவட்டங்களை முற்றிலுமாக புரட்டிப் போட்டது.

வரலாறு காணாத வகையில் கொட்டித் தீர்த்த கனமழை, அதனால் ஏற்பட்ட வெள்ளப் பெருக்கின் பாதிப்பால் சென்னை மக்கள் தங்களின் உடைமைகள், வாழ்வாதாரம் ஆகியவற்றை முற்றிலுமாக இழந்துள்ளனர். இதன் பாதிப்பில் இருந்து சென்னை மக்கள் மீண்டு இயல்பு நிலைக்கு வர இன்னும் சில காலம் ஆகும். பல இடங்களில் இயல்பு வாழ்க்கைக்கு மக்கள் திரும்பாததால் இந்தாண்டு நட்சத்திர ஹோட்டல்களில் புத்தாண்டு கொண்டாட்டங்கள் ரத்து செய்யப்பட்டுள்ளதாக தெரிவிக்கப்பட்டுள்ளது.

இதுகுறித்து நட்சத்திர ஹோட்டல் உரிமையாளர்கள் கூறுகையில், சென்னை, காஞ்சிபுரம், திருவள்ளூர் ஆகிய மூன்று மாவட்டங்களின் மக்கள் மழை வெள்ளத்தால் பாதிக்கப்பட்டு இன்னமும் சகஜ நிலைக்குத் திரும்பாத நிலையில் உள்ளனர். இந்நிலையில் இவர்களின் துயரத்தில் பங்கேற்கும் விதமாக இந்தாண்டு புத்தாண்டுக் கொண்டாட்டங்கள் இல்லை என்று தெரிவித்துள்ளனர். புத்தாண்டு கொண்டாட்டங்களுக்கு அனுமதி கேட்டு இதுவரை எந்த நட்சத்திர ஹோட்டல் சார்பிலும் விண்ணப்பம் ஏதும் கொடுக்கவில்லை என சென்னை மாநகர போலீசாரும் தெரிவித்துள்ளனர்.

இதனால் புத்தாண்டுக் கொண்டாட்டங்களை விரும்பும் சிலர் பெங்களூரு நோக்கி படை எடுத்து வருகின்றனர். ஆனால், பெங்களூருவில் புத்தாண்டு கொண்டாட்டங்கள் இரவு 1 மணிக்குள் முடித்துவிட வேண்டும் என்றும், மதுபான கடைகளை இரவு 11.30 மணிக்குள் மூடவும் பெங்களூரு காவல் கண்காணிப்பாளர் மேகரின் உத்தரவிட்டுள்ளார். அதிகம் சத்தம் ஏற்படுத்தும் ஒலிகளை எழுப்பக் கூடாது எனவும், பிறருக்கு தொல்லை தரும் வகையிலான செயல்களில் ஈடுபடக் கூடாது எனவும் அவர் உத்தரவிட்டுள்ளார். போக்குவரத்து விதிகளை மீறி கொண்டாட்டங்களில் ஈடுபடுவோர் மீது கடுமையான நடவடிக்கை எடுக்கப்படும் எனவும் அவர் தெரிவித்துள்ளார்.

தினமலர்

by **krishnaamma** Wed Dec 30, 2015 12:08 am

shobana sahas wrote:இந்த பகிர்வு எனக்கு அதிர்ச்சி தருகிறது . ஒரு பக்கம் Chennai வாசிகளை போல நல்லவர்கள், வல்லவர்கள் , நெஞ்சு துணிவு உள்ளவர்கள் உண்டா என்று தோன்று கிறது . இவர்களே இப்படி செய்தால் ?!
குடி , கும்மாளம் , இந்த நேரத்தில் தேவையா ? அதற்கு செலவு செய்யும் ஒரு 2000-5000 ருபாய் பணத்தை நல்ல முறையில் (பலருக்கு உதவி செய்தும் ) செலவழிக்கலாம் இல்லையா ?
எரிச்சலாக உள்ளது . கோபம் வருகிறது .

மேற்கோள் செய்த பதிவு: 1183867

ம்ம்.. இப்போ இதுக்கு மட்டும் எங்கிருந்து பணம் வரும் கொண்டாட மனம் வரும் என்று தோன்றுகிறதே ஷோபனா சோகம்

by shobana sahas Wed Dec 30, 2015 12:19 am

krishnaamma wrote:
shobana sahas wrote:இந்த பகிர்வு எனக்கு அதிர்ச்சி தருகிறது . ஒரு பக்கம் Chennai வாசிகளை போல நல்லவர்கள், வல்லவர்கள் , நெஞ்சு துணிவு உள்ளவர்கள் உண்டா என்று தோன்று கிறது . இவர்களே இப்படி செய்தால் ?!
குடி , கும்மாளம் , இந்த நேரத்தில் தேவையா ? அதற்கு செலவு செய்யும் ஒரு 2000-5000 ருபாய் பணத்தை நல்ல முறையில் (பலருக்கு உதவி செய்தும் ) செலவழிக்கலாம் இல்லையா ?
எரிச்சலாக உள்ளது . கோபம் வருகிறது .
மேற்கோள் செய்த பதிவு: 1183867

ம்ம்.. இப்போ இதுக்கு மட்டும் எங்கிருந்து பணம் வரும் கொண்டாட மனம் வரும் என்று தோன்றுகிறதே ஷோபனா

மேற்கோள் செய்த பதிவு: 1183869
சரி தான் க்ரிஷ்ணாம்மா .

by Sponsored content

சென்னையில் இந்தாண்டு புத்தாண்டு கொண்டாட்டங்கள் ரத்து!

சென்னையில் இந்தாண்டு புத்தாண்டு கொண்டாட்டங்கள் ரத்து!

Re: சென்னையில் இந்தாண்டு புத்தாண்டு கொண்டாட்டங்கள் ரத்து!

Re: சென்னையில் இந்தாண்டு புத்தாண்டு கொண்டாட்டங்கள் ரத்து!

Re: சென்னையில் இந்தாண்டு புத்தாண்டு கொண்டாட்டங்கள் ரத்து!