அமெரிக்காவிலிருந்து ஆளில்லா விமானம் சீனா மிரட்டலை சமாளிக்க வாங்குது அரசு

புதுடில்லி : சீனாவின் அச்சுறுத்தலை சமாளிக்க, அமெரிக்காவிடமிருந்து, 'அவெஜ்சர்' எனப்படும், அதிநவீன ஆள் இல்லா விமானங்களை வாங்க, மத்திய அரசு முடிவு செய்துள்ளது.


-
எல்லைப் பகுதியில், சீன ராணுவத்தின் அச்சுறுத்தல், நாளுக்கு நாள் அதிகரித்து வருகிறது. அருணாச்சல பிரதேச மாநிலம் வழியாக, சீன ராணுவத்தின் ஊடுருவலும் அதிகரித்துள்ளது. இதையடுத்து, சீனாவின் அச்சுறுத்தலை சமாளிக்க, மத்திய அரசு அதிரடி நடவடிக்கைகளில் இறங்கியுள்ளது. அமெரிக்காவின் நவீன தயாரிப்பான, அவெஜ்சர் ரக, ஆளில்லா உளவு விமானங்களை வாங்க முடிவு செய்யப்பட்டுள்ளது. 13 ஆயிரம் கோடி ரூபாய் செலவில், 100 விமானங்களை வாங்க, முதல் கட்டமாக ஒப்புதல் அளிக்கப்பட்டுள்ளது.
-
ரேடார் வசதியுடன், ஆயுதங்களை பாதுகாத்து வைப்பதற்கான கணிசமான இடவசதியும் இந்த விமானத்தில் உள்ளது. எல்லை பகுதியில், இந்த உளவு விமானங்களை பறக்கவிட்டு கண்காணிப்பதன் மூலம், சீனா, பாகிஸ்தான் உள்ளிட்ட நாடுகளின் ஊடுருவல்களை உரிய நேரத்தில் கண்காணித்து, தடுக்க முடியும். இந்த உளவு விமானங்களை அமெரிக்காவிடமிருந்து வாங்குவதற்கு சில சட்ட சிக்கல்களும் உள்ளன. எம்.டி.சி.ஆர்., எனப்படும், ஏவுகணை தொழில்நுட்ப கட்டுப்பாட்டு பிராந்திய கூட்டமைப்பில் இந்தியா இடம்பெறவில்லை. இது தொடர்பான இந்தியாவின் விண்ணப்பம் நீண்டகாலமாக கிடப்பில் உள்ளது.
-
இத்தாலிய கடற்படை வீரர்கள் சிலர் மீது, இந்திய கோர்ட்டில் வழக்கு தொடரப்பட்டதால், இத்தாலி அரசு, மத்திய அரசு மீது அதிருப்தி அடைந்துள்ளது. இதனால், எம்.டி.சி.ஆரில், இந்தியா இணைவதற்கு, இத்தாலி முட்டுக்கட்டை போடுகிறது. ஆனாலும், அடுத்த சில மாதங்களில், இந்த பிரச்னைக்கு சுமுக தீர்வு ஏற்படும் என, இந்திய, அமெரிக்க அதிகாரிகள் நம்பிக்கை தெரிவித்துள்ளனர்.
-
dinamalar

ayyasamy ram wrote:புதுடில்லி : சீனாவின் அச்சுறுத்தலை சமாளிக்க, அமெரிக்காவிடமிருந்து, 'அவெஜ்சர்' எனப்படும், அதிநவீன ஆள் இல்லா விமானங்களை வாங்க, மத்திய அரசு முடிவு செய்துள்ளது.
dinamalar

மேற்கோள் செய்த பதிவு: 1182369