ஹோட்டல்ல சாப்பிடுறீங்களா!

First topic message reminder :

இட்லி:
*****
பொதுவா இட்லி மெத்துனு இருக்கணும்னா, ஒரு டம்ளர் இட்லி அரிசிக்கு கால் டம்ளர் உளுந்து தேவை. இரண்டையும் தனித்தனியா ஊறவெச்சு, தனித்தனியாதான் அரைக்கணும். அஞ்சு மணி நேரம் புளிக்கவெச்சு, சுட்டீங்கன்னா பஞ்சு மாதிரி இட்லி தயார். ஆனா, என்ன நடக்குது இங்க? கடை இட்லி அரிசி கால் பங்கு, ரேசன் அரிசி முக்கால் பங்கு, உளுந்து கால் பங்கு, ஜவ்வரிசி முக்கால் பங்கு, நைட்டு ஊறவெச்ச பழைய சாதம் கொஞ்சம், சோடா உப்பு எக்கச்சக்கமா... எல்லாத்தையும் அரைச்சு, மூணு மணி நேரம் வெயில்ல வெச்சுட்டு எடுத்து சுட்டால், கும்முன்னு குஷ்பு இட்லி தயார். அந்த இட்லியும் மீந்துருச்சின்னா, அப்பவும் பிரச்னை இல்லை. அடுத்த நாள் அரைக்கிற மாவுல மீந்துபோன இட்லியைப் போட்டு அரைச்சிடுவாங்க!

சோறு:
******
தரமான சோறுன்னா, சோத்துப் பருக்கையை விரலில் வெச்சு மசிச்சா மை மாதிரி மசியணும். அப்பதான் அது வயித்துக்கு ஒண்ணும் செய்யாது. அப்படி இருந்தா கஸ்டமர்ஸ் நிறைய சாப்பிடுவாங்களே... அதுக்காகத்தான் பெரும்பாலான ஹோட்டல்ல முக்காப் பதத்துல சாதத்தை எடுத்துடுவாங்க. சாதம் பளிச்சுனு வெண்மையா இருக்கவும், லேட் ஆனாலும் காய்ஞ்சு போகாமல் இருக்கவும் சாதம் வேகும்போதே சுண்ணாம்புக் கல்லைத் துணியில் கட்டி சாதத்தில் போட்டுடுவாங்க. அன்லிமிட்டட்னு அகலமா போர்டுல எழுதி இருந்தாலும், இந்தச் சோற்றைக் குறிப்பிட்ட அளவுக்கு மேல நீங்க சாப்பிடவே முடியாது!

புரோட்டா:
*********
பல ரோட்டுக் கடை ஹோட்டல்கள்ல மைதா மாவோட சோடா உப்பு கலந்து, அதுல கழிவு டால்டாவை ஒரு பங்கு மாவுக்குக் கால் பங்கு டால்டா கணக்குல (ஹோட்டலுக்குன்னே விக்கிற மலிவு விலை டால்டா!) கலந்து அடிச்சு அரை மணி நேரத்துல புரோட்டா சுடுவாங்க. புரோட்டா சும்மா பூ கணக்கா பொலபொலன்னு உதிரும். ஆனா, அத்தனையும் போங்கு புரோட்டா!

சால்னா :
*******
சிக்கன் கடையில் பொதுவா நாம கொழுப்பு, ஈரல், குடல், தலை, தோல், இதெல்லாம் வாங்க மாட்டோம். அதேபோல மட்டன் கடையில குடலோட சேர்ந்து இருக்கிற ஒட்டுக்கொழுப்பு, ஒட்டுக்குடல் வாங்க மாட்டோம். இதை எல்லாம் தூக்கிப்போடாம ஓரமாக் குவிச்சுவெச்சிருப்பாங்க. பழக்கமான கடைக்காரரா இருந்தா விசாரிச்சுப் பாருங்க. 'ஹோட்டல்காரங்க மொத்தமா வாங்கிட்டுப் போயிடுவாங்க’னு அவரும் யதார்த்தமா சொல்லிடுவார். அரைக் கிலோ கறியோட இதை எல்லாத்தையும் ஒட்டு மொத்தமாப் போட்டு தூக்கலா கறி மசாலா, மிளகாய்த் தூள், கொத்தமல்லித்தூள், கொஞ்சம் மரத்தூள் அல்லது குதிரை சாணத்தூள் கலந்து, அஞ்சு ஸ்பூன் அஜினாமோட்டா கலந்து கொதிக்கவெச்சா அரை அண்டா நிறைய திக்கான சால்னா ரெடி!

ஒரு முக்கியமான எச்சரிக்கைங்க...
****************************

தலையே போனாலும் சரி, (ரோட்டுக்)கடைகள்ல தலைக்கறி மட்டும் சாப்பிடாதீங்க. பொதுவாகவே செம்மறி ஆட்டோட தலையில புழுக்கள் இருக்கும். இது இயற்கையான விஷயம்தான். வீடுகளுக்கு வாங்குறப்ப பெரும்பாலும் வெள்ளாட்டுத் தலை தான் வாங்குவோம். செம்மறி ஆட்டுத் தலை வாங்கினாலும் கடைக்காரரு நம்ம கண்ணுல படாம தலையைக் கொதிக்கிற தண்ணில போட்டுட்டு, அப்புறம் அதை எடுத்து தரையில தட்டோ தட்டுன்னு தட்டி புழுவை எல்லாத்தையும் கொட்டிட்டுதான் மேலேயே எடுத்து வைப்பாங்க. அதை வீட்டுக்கு வாங்கிட்டுப்போய் நல்லா சுத்தம் பண்ணி சாப்பிடுவோம். ஆனா, மொத்தமா ஹோட்டலுக்கு விக்கிறப்ப எல்லாம் செம்மறி ஆட்டுத் தலையை இப்படி சுத்தம் பண்ண மாட்டாங்க. அப்படியே கைமாதான்.

எல்லாத்தையும்விட முக்கியம், ஹோட்டல்களுக்கு சப்ளை செய்யறதுக்குனே பஜாரில் மளிகைப் பொருட்கள் குறைஞ்ச விலைக்கு கிடைக்குது. எல்லாமே கலப் படம். பாலீஷ் செய்யப்பட்ட இலவச ரேசன் அரிசியோட பொன்னி அரிசி கலந்து விக்கிறாங்க. உடைஞ்ச கழிவுப் பருப்பு, கேசரிப் பருப்பைத் துவரம் பருப்புடன் கலக்கிறாங்க. மிளகாய்த் தூள், கொத்தமல்லித் தூள், டீத்தூளோட மரத் தூள், குதிரை சாணத்தையும் கலக் கிறது எல்லாம் சகஜமப்பா. நெய், எண்ணெய் வகைகளோட பன்றி, மாட்டுக் கொழுப்பு, வனஸ்பதி மற்றும் நாள்பட்ட கழிவு எண்ணெயையும் கலப்பாங்க.

சாதாரண ஹோட்டல் களிலும் கையேந்தி பவன் களிலேயுமே இப்படின்னா டாஸ்மாக் பார் பத்திச் சொல்லவே வேணாம். அதிலும் குறிப்பா, சென்னை பேச்சுலர் பாய்ஸ் ரொம்பக் கவனமா இருக் கணும்!

முகநூல்

பழ.முத்துராமலிங்கம் wrote:

mbalasaravanan wrote:
சாதாரண ஹோட்டல் களிலும் கையேந்தி பவன் களிலேயுமே இப்படின்னா டாஸ்மாக் பார் பத்திச் சொல்லவே வேணாம். அதிலும் குறிப்பா, சென்னை பேச்சுலர் பாய்ஸ் ரொம்பக் கவனமா இருக் கணும்!

மேற்கோள் செய்த பதிவு: 1182002
பாலசரவணன் ,அதிர்ச்சியான பல தகவலை சாப்பாட்டு விசயத்தில்
கூறி எச்சரித்தமைக்கு நன்றி நண்பரே.

மேற்கோள் செய்த பதிவு: 1182019
அய்யா இன்னும் இருக்கிறது நாம் குடிக்கும் டீ,காபி அதிலும் கலப்படம் உள்ளது

சங்கீதா ஹாட்சிப்ஸ் ஹோட்டல் இருக்கையிலே
இங்கிதம் இன்றித் தெருவோரம் சாப்பிட்டால்
பையவே நோயெல்லாம் வந்திடுமே ஆதலினால்
கையேந்தும் ஹோட்டல் தவிர் .

M.Jagadeesan wrote:சங்கீதா ஹாட்சிப்ஸ் ஹோட்டல் இருக்கையிலே
இங்கிதம் இன்றித் தெருவோரம் சாப்பிட்டால்
பையவே நோயெல்லாம் வந்திடுமே ஆதலினால்
கையேந்தும் ஹோட்டல்  தவிர் .

மேற்கோள் செய்த பதிவு: 1182150

ஐயா நீங்கள் சொல்லும் ஹோட்டல்களைவிட "கையேந்தி பவன்" எவ்வளவோ சுத்தமானது.

"சூடான சீவல்" ஓட்டலில் எப்பொழுதுமே தண்ணீர் டம்ளர்களை கழுவுவதே இல்லை. இது உங்கள் கண்ணெதிரே நடக்கும். அடுத்தவர் சாப்பிட்டு வைத்த டம்ளர்களை தண்ணிரில் முக்கி எடுத்து வைத்துவிடுவார்கள். நானும் என்னுடைய நண்பர்களும் பலமுறை சண்டையிட்டுள்ளோம். அதேபோல் இந்த உணவகத்தில், சாப்பாட்டில் "தலைமுடி" நிச்சயம் இருக்கும்.



பெயரளவில்தான் இந்தக் கடைகளில் சுத்தம். "ச" வில் தொடங்கும் அந்த மிகப்பெரிய உணவகத்தில் கூட  கிளவுஸ், தலை முடி விழாமல் இருக்க தொப்பி போன்றவைகளை போடுவதே இல்லை. நம் கண்ணுக்குத் தெரியும் பரிமாறும் இடத்திலேயே இப்படியென்றால் சமைக்கும் இடங்களில் சுத்தம் எப்படி இருக்கும் என்று பாருங்கள்.

இந்தக் கடைகளில் "சாப்பாட்டுப் பொருட்களின்" விலை மட்டுமே உயர்ந்துள்ளது; "தரம்" உயரவில்லை

முடிந்தவரை வீட்டுச் சாப்பாடுகளை சாப்பிடுவதே நல்லது. வேறுவழியில்லை என்றால் பழங்களையாவது சாப்பிட்டு தப்பித்துக்கொள்ள வேண்டும்.

நீங்கள் சொல்வது உண்மையாகவும் இருக்கலாம் . எங்கள் வீட்டருகே ஹாட்சிப்ஸ் ஹோட்டலின் கிளை ஒன்று உள்ளது . அங்கு ஓரளவுக்குத் தூய்மை பராமரிக்கிறார்கள் .

நாக்கு சுவைக்க சுவைக்க சாப்பிட்டு பின் வயிற்றெரிச்சலில் அவதிபட்டிருகிறேன்..

mbalasaravanan wrote:

சசி wrote:பால சரவணன் நண்பரே 
மனைவிக்கு சமைக்க தெரியவில்லை என்றால் நம்ம கிருஷ்ணாம்மா சமையல் குறிப்புகளை ஈகரையில் பார்த்து சமைத்து தர சொல்லுங்கள்.தேரிவிடுவார்கள்

மேற்கோள் செய்த பதிவு: 1182047
இல்லை நம்ம கிருஷ்ணம்மா கிட்ட ஒரு மாசம் சமையல் training அனுப்பலாம்னு  நினைக்கிறேன்

தாராளமாய் சரவணன்..................தனியா அவளை அனுப்பி , உங்களை பிரித்த பாவத்தான் எனக்குத்தரவேண்டாம்.....ரெண்டுபெருமாய் வந்துதுங்கோ