கேத்ரினா கைஃப் – நடிகை எனும் பயணி

**ayyasamy ram** · **ayyasamy ram** Thu Dec 17, 2015 8:03 pm

-

கேத்ரினா கைஃப்

* ‘உலகம் சுற்றிய பெண்’ என்ற பெயர் பாலிவுட் ஸ்டார் கேத்ரினா கைஃப்புக்கு மிகப் பொருத்தமானது. 32 வயதுக்கு உள்ளாகவே, வாழ்க்கைச் சூழல் காரணமாக ஏராளமான நாடுகளுக்குப் பயணப்பட்டிருக்கிறார்.

* காஷ்மீரி தந்தைக்கும் இங்கிலாந்து தாய்க்கும் 1983 ஜூலை 16 அன்று ஹாங்காங்கில் பிறந்தார் கேத்ரினா. இவரது சகோதர, சகோதரிகள் 7 பேர். இவரது இளம் வயதிலேயே பெற்றோர் பிரிந்து விட்டனர். படிப்பெல்லாம் ‘ஹோம் ஸ்கூலிங்’ முறையில்தான்!

* பிரிட்டிஷ் ஹாங்காங்கில் இருந்து அம்மாவோடு சேர்ந்து, சீனா, ஜப்பான், பிரான்ஸ் என நாடு விட்டு நாடு கண்ட வாழ்க்கை. இதெல்லாம் கேத்ரினாவின் 8 வயதுக்கு உள்ளாகவே. பிரான்ஸில் இருந்து ஸ்விட்சர்லாந்து, ஜெர்மன், போலந்து, பெல்ஜியம் மற்றும் பல கிழக்கு ஐரோப்பிய நாடுகளுக்கு இடம் பெயர்ந்திருக்கிறார். ஒவ்வொரு நாட்டிலும் சில மாதங்கள்! இதற்குப் பிறகு ஹவாய். கடைசியாக தாய் நாடான இங்கிலாந்தில் செட்டில் ஆனார். அங்கேயும் 3 ஆண்டுகள்தான். அங்கிருந்துதான் பாலிவுட் பூமியான மும்பைக்கு காலடி எடுத்து வைத்தார்.

* பிரிட்டிஷ் சிட்டிசனாக இருப்பதால், ‘வேலைவாய்ப்பு விசா’வில்தான் இந்தியாவில் நடித்துக் கொண்டிருக்கிறார். பாலிவுட் படங்களோடு, தெலுங்கு, மலையாளப் படங்களிலும் நடித்திருக்கிறார் கேத்ரினா. 14 வயதில் முதல் மாடலிங் வாய்ப்பு (ஜுவல்லரி). ‘லண்டன் ஃபேஷன் வீக்’ நிகழ்விலும் கேட் வாக் செய்திருக்கிறார்.

* ஆரம்பத்தில் கேத்ரினாவுக்கு இந்தி மொழி தெரியாது என்ற காரணத்தால், பல தயாரிப்பாளர்கள் தயங்கியிருக்கின்றனர். 2003ல் முதல் பாலிவுட் வாய்ப்பு ‘பூம்’ படம் மூலமாக வந்தது. அடுத்து அபிஷேக் பச்சன், சல்மான் கான் ஆகியோரோடு நடித்தார். 2007ல் கேத்ரினாவின் முதல் பெரிய ஹிட் படமான ‘நமஸ்தே லண்டன்’ வெளியானது. லண்டன் பெண்ணுக்கு இந்த லண்டன் படம் பெயரும் பணமும் சேர்த்தது.

* 2008ல் நெகட்டிவ் ரோலில் நடித்த ‘ரேஸ்’, அடுத்து அக்‌ஷய்குமாரோடு ஜோடி சேர்ந்த ‘சிங்் இஸ் கிங்்’ ஆகிய படங்கள் கேத்ரினாவை பாலிவுட் ஸ்டார் ரேஸ் பட்டியலில் இடம்பெற வைத்தன.

* 2009ல் வெளியான ‘நியூயார்க்’, கேத்ரினாவை சிறந்த நடிகைக்கான ஃபிலிம்பேர் விருது பரிந்துரை வரை இட்டுச் சென்றது.

* 2010ல் வந்த ‘ராஜ்னீதி’ படம், கேத்ரீனாவின் புகழ் ராஜ்யத்தை விரிவுபடுத்தியது.

* கேத்ரினாவின் குட்டித் தங்கை இஷா கைஃப்பும் மாடல் மற்றும் நடிகையே.

* அம்மா நடத்துகிற சேவை அமைப்புக்காக (சிசுக்கொலைக்கு எதிராக) பல நிகழ்ச்சிகளை நடத்துகிறார் கேத்ரினா.

* ஏ.ஆர்.ரஹ்மானின் நர்சரி ரைம்ஸ் ஆல்பத்தில் ஒரு பாடல் பாடியிருக்கிறார் கேத்ரினா. இதன் மூலம் பெறப்பட்ட நிதி மதுரையிலுள்ள ஒரு பள்ளிக்கு அளிக்கப்பட்டது.

* கேன்சர் பாதித்தவர்களோடு நேரம் செலவிடுதல், மார்பக மற்றும் கருப்பைவாய் கேன்சர் விழிப்புணர்வுப் பிரசாரம், எல்லையில் பாதுகாக்கும் வீரர்களோடு சந்திப்பு போன்றவற்றிலும் ஆர்வத்தோடு பங்கேற்கிறார் கேத்ரினா.

* கேத்ரினாவைச் சிறப்பிக்கும் வகையில் இவரைப் போன்றே 2 செட் ‘பார்பி’ பொம்மைகள் உருவாக்கப்பட்டுள்ளன.

* 2015ல், லண்டனில் உள்ள மேடம் டூசாட்ஸ் மியூசியத்தில் கேத்ரினாவின் மெழுகுச்சிலை வைக்கப்பட்டுள்ளது.

* கேத்ரினாவின் ஆண்டு வருமானம் ரூ.64 கோடிக்கும் குறைவில்லாமல் இருக்கிறது.

–

குங்குமம் தோழி

**பழ.முத்துராமலிங்கம்** · 27/09/2015

ayyasamy ram wrote:
கேத்ரினா கைஃப்
* காஷ்மீரி தந்தைக்கும் இங்கிலாந்து தாய்க்கும் 1983 ஜூலை 16 அன்று ஹாங்காங்கில் பிறந்தார் கேத்ரினா. இவரது சகோதர, சகோதரிகள் 7 பேர். இவரது இளம் வயதிலேயே பெற்றோர் பிரிந்து விட்டனர். படிப்பெல்லாம் ‘ஹோம் ஸ்கூலிங்’ முறையில்தான்!

மேற்கோள் செய்த பதிவு: 1181176
இவருடைய வாழ்வில் இத்தனை அதிசயங்களா?

கேத்ரினா கைஃப் – நடிகை எனும் பயணி

கேத்ரினா கைஃப் – நடிகை எனும் பயணி

Re: கேத்ரினா கைஃப் – நடிகை எனும் பயணி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக