அப்பாவிற்கு அஞ்சலி _சசி

சசி · சசி Thu 17 Dec 2015 - 17:06

உயிர் கொடுத்தாய்!
அப்பா என்ற
உறவு தந்தாய்!

நான் தத்தி தத்தி
நடக்கும் போதெல்லாம்
தாவிப் பிடித்திடுவாய்!!

நான் எட்டி உதைக்கும்
போதெல்லாம்
இன்பத்தில்
திளைத்திடுவாய்!!

அப்பா என்றழைக்கும்
போதெல்லாம்
அளவில்லா ஆனந்தம்
கொண்டிடுவாய்!!

பள்ளி செல்லும் பருவத்தில்
பாங்குடன் பயமின்றி
நடக்க நாள்தோறும்
கற்றுத்தந்தாய்!!

பருவம் வந்ததும்
சிந்தனையில்
சிதைவின்றி
வாழ கற்றுத்தந்தாய்!!

பொய் தவிர்த்து
மெய்யாய்
வாழ கற்றுத்தந்தாய்!!

லஞ்சம் தவிர்த்து
நேர்மையாய்
வாழ கற்றுத்தந்தாய்!!

சீர்மிகு வாழ்க்கை
சிறப்பாக அமைய
சிரத்தையோடு
ஏற்பாடு செய்த போதும்
நான் விரும்பியதை
விருப்பமாக
கொண்டு விவாகம்
செய்து வைத்தாய்!!!

செல்லமாய்
கண்ணே என்று
அழைக்கும் போதெல்லாம்
விளையாட்டாய்
விலக்கியதெல்லாம்
இப்பொழுது வலியாய்
வலிக்கிறதே அப்பா!!

விளையாட்டாய்
உம்மை காயப்படுத்தி
இருந்தாலும்
கண்ணீருடன் கேட்கிறேன்
மன்னித்துவிடுங்கள் அப்பா!!

நீர் சிவனடி
சேர்ந்தாலும்
உன் சேவடி போற்றும்
என் தாயை
கலங்காமல் காத்திடுவேன்!!

இதுவே நான் உமக்கு
செய்யும் இறுதி அஞ்சலி!

**கார்த்திக் செயராம்** · 29/10/2015

பாசத்தையும்,வலிகளையும் வார்த்தைகளில் வடித்து விட்டாய்.
அருமை என்று கூற விரும்பவில்லை.ஏனெனில் இந்த வலியை நானும் அனுபவித்து வருகின்றேன்.
கோழியை இழந்த குஞ்சு போல .
நன்றி

**ராஜா** · **ராஜா** Thu 17 Dec 2015 - 18:55

செல்லமாய்
கண்ணே என்று
அழைக்கும் போதெல்லாம்
விளையாட்டாய்
விலக்கியதெல்லாம்
இப்பொழுது வலியாய்
வலிக்கிறதே அப்பா!!

விளையாட்டாய்
உம்மை காயப்படுத்தி
இருந்தாலும்
கண்ணீருடன் கேட்கிறேன்
மன்னித்துவிடுங்கள் அப்பா!!