கலங்காதீர்கள் - நான் எந்த நேரத்திலும் உங்களுடனேயே இருப்பேன்: வெள்ளத்தால் பாதிக்கப்பட்ட தமிழக மக்களுக்கு ஜெயலலிதா ஆறுதல்

by **ராஜா** Tue Dec 15, 2015 3:07 pm

First topic message reminder :

உங்கள் அன்புச் சகோதரியாகிய நான் எந்த நேரத்திலும் உங்களுடனேயே இருப்பேன், கலங்காதீர்கள் என்று தமிழக முதல்வர் ஜெயலலிதா உருக்கமாக அறிவித்துள்ளார்.

அ.தி.மு.க. பொதுச் செயலாளரும், தமிழக முதல்வருமான ஜெயலலிதா இன்று வெளியிட்டுள்ள அறிக்கையில், தமிழகத்தில் ஏற்பட்டிருக்கும் கடுமையான மழை வெள்ளச் சேதங்களில் இருந்து மக்களை மீட்டெடுத்து, அவர்களுக்குத் தேவையான அனைத்து உதவிகளையும் செய்கின்ற பெரும்பணியில் தமிழக அரசு முழுமூச்சாக ஈடுபட்டிருக்கிறது.

வரலாறு கண்டிராத வகையிலும், திடீரென்றும் ஏற்பட்ட அரிதினும் அரிதான இந்த மழையும், வெள்ளப் பெருக்கும் தமிழகத்தில் ஏற்படுத்தி இருக்கும் இழப்புகள் ஏராளம். நிவாரணப் பணிகளில் எல்லோரும் பங்கேற்கும் வகையில் சமூகத்தின் அனைத்துத் தரப்பினரும் தங்களால் இயன்ற பொருளுதவியையும், உடல் உழைப்பையும் வழங்கி வருகின்றனர் என்ற செய்தி பல இடங்களில் இருந்தும் வந்து கொண்டிருக்கிறது.

நிவாரணப் பணிகளில் தன்னலமின்றி ஈடுபட்டிருக்கும் அனைவருக்கும் எனது நன்றியும், பாராட்டும். அனைத்திந்திய அண்ணா திராவிட முன்னேற்றக் கழக உடன்பிறப்புக்கள் ஒவ்வொருவரும் தங்களால் இயன்ற அளவிற்கெல்லாம் இந்த மக்கள் துயர் துடைக்கும் பணிகளில் ஈடுபட்டுக் கொண்டிருக்கிறார்கள்.

அனைத்திந்திய அண்ணா திராவிட முன்னேற்றக் கழகம் இந்தப் பணியில் பங்குபெற்று ஆற்றி வரும் கடமைகளில் ஒன்றாக, கழக நாடாளுமன்ற, சட்டமன்ற உறுப்பினர்கள் அனைவரும் தங்களது ஒருமாத சம்பளத்தை நிவாரண நிதியாக வழங்குவார்கள் என்பதையும் தெரிவித்துக் கொள்கிறேன்.

உங்கள் அன்புச் சகோதரியாகிய நான் எந்த நேரத்திலும் உங்களுடனேயே இருப்பேன் - கலங்காதீர்கள். என்னுடைய எண்ணம் முழுவதும் உங்களைப் பற்றியதாகவே இருக்கிறது என்று தெரிவித்துள்ளார். -maalaimalar

by **ஜாஹீதாபானு** Wed Dec 16, 2015 2:03 pm

T.N.Balasubramanian wrote:
ஜாஹீதாபானு wrote:
மேற்கோள் செய்த பதிவு: 1180658

RK nagar உங்க ஏரியாதானே ?
கை கொட்டி வரவேற்பதை பார்த்தாலே தெரிகிறதே !

ரமணியன்

மேற்கோள் செய்த பதிவு: 1180661

இதுவும் ஒரு வகை கிண்டல் தான் ஐயா

by **M.Jagadeesan** Wed Dec 16, 2015 2:08 pm

லால் பகதூர் சாஸ்திரி , அரியலூர் ரயில் விபத்துக்குத் தார்மீகப் பொறுப்பேற்று ராஜினாமா செய்தார் . அதுபோல இந்த அம்மையார் செம்பரம்பாக்கம் , எரித் திறப்பினால் ஏற்பட்ட பொருட் சேதத்திற்கும் , உயிர் சேதத்திற்கும் பொறுப்பேற்று ராஜினாமா செய்வதுதான் முறையாக இருக்கும் . ஆனால் அதுபோன்ற உயர்வான நடத்தையை இந்த அம்மையாரிடம் எதிர்பார்க்க முடியாது . மக்கள்தான் இவரது ஆட்சிக்கு முடிவு கட்டவேண்டும் .

by **T.N.Balasubramanian** Wed Dec 16, 2015 2:27 pm

ஜாஹீதாபானு wrote:
T.N.Balasubramanian wrote:
ஜாஹீதாபானு wrote:
மேற்கோள் செய்த பதிவு: 1180658

RK nagar உங்க ஏரியாதானே ?
கை கொட்டி வரவேற்பதை பார்த்தாலே தெரிகிறதே !

ரமணியன்
மேற்கோள் செய்த பதிவு: 1180661

இதுவும் ஒரு வகை கிண்டல் தான் ஐயா

மேற்கோள் செய்த பதிவு: 1180880

எனக்கு எங்கேம்மா இதெல்லாம் புரியபோகிறது ?
smiley யை தொட்டால் ,மகிழ்ச்சி என்று அது கூறுகிறது .
அதான் கேட்டேன்

ரமணியன்

வரும் சனிக்கிழமை சென்னையில் இலவச மருத்துவ முகாம் நடத்த திட்டமிட்டுள்ளோம்.இடம் விரைவில் பதிவிடுகிறேன்.நன்றி

by **T.N.Balasubramanian** Wed Dec 16, 2015 3:49 pm

உங்கள் இலவச மருத்துவ முகாமிற்கு வாழ்த்துகள் .
நீங்களும் உடன் வருகிறீர்களா ?
விபரங்கள் கூறுங்கள்

ரமணியன்

ஆமாம் ஐயா.
நான் தான் முகாம் (பொறுப்பு)
இடம் நாளைக்கு தெரியும்
சைதாப்பேட்டை அல்லது ஜாபர்கான் பேட்டை என்று நினைக்கிறேன்.
இன்னும் உறுதியாகவில்லை.

by **T.N.Balasubramanian** Wed Dec 16, 2015 5:45 pm

முகாம் நடத்தும் இடம் தெரியப்படுத்தவும் .
சைதாபேட்/ ஜாபர்கான்பெட் என்றால்
என்னால் வரமுடியும் ,
ரமணியன்

கன்டிப்பாகஐயா , தங்களை தரிசிக்க எனக்கு அவா
நாளை அல்லது நாளை மருநாள் இடம் உறுதிசெய்யப்பட்டும்.

கன்டிப்பாக பதிவிடுகிறேன்.

by **ayyasamy ram** Tue Dec 22, 2015 2:58 pm

வீடு தேடியும் அம்மா வாய்ஸ் வருகிறது...!
-
இன்று லேண்ட் லைன் போனில் வந்த ஒரு கால்
'வணக்கம், நான் உங்கள் சகோதரி ஜெயலலிதா பேசுகிறேன்'
என ஆரம்பித்தது...
-
புன்னகை

by **M.Jagadeesan** Tue Dec 22, 2015 3:47 pm

ராஜா wrote:
ராஜா wrote:உங்கள் அன்புச் சகோதரியாகிய நான் எந்த நேரத்திலும் உங்களுடனேயே இருப்பேன் - கலங்காதீர்கள். என்னுடைய எண்ணம் முழுவதும் உங்களைப் பற்றியதாகவே இருக்கிறது என்று தெரிவித்துள்ளார். -maalaimalar
அதான் ஏற்கனவே எல்லா இடங்களிலும் "நான்" அதாவது நீங்க இருக்கிங்களே

இன்னும் அரசு இலவச கழிப்பறை மற்றும் நிவாரண உதவிகளில் வழங்கப்பட்ட பெண்களுக்கான சானிடரிநாப்கின்ஸ் இதில் மட்டும் தான் நீங்க இல்லை , அங்கும் உங்க ரத்தத்தின் ரத்தங்கள் உங்க போட்டோவை ஒட்டிட்டாங்கன்னா...

அப்புறம் நீங்களும் அந்த நரசிம்மரும் ஒன்று தான்.

மேற்கோள் செய்த பதிவு: 1180652

எல்லாவற்றையும் ஆக்குவதும் , நடத்துவதும் , முடிப்பதும் இயற்கைதான் . இதில் மனிதனின் பங்கு என்று எதுவும் இல்லை . மனிதன் ஒரு கருவி ; அவ்வளவுதான் . அவன் மூலமாக அச்செயலை இயற்கை நடத்துகிறது .எனவே இதில் நான் , எனது என்கின்ற ஆணவம் தேவையில்லாத ஒன்று .

யான் எனது என்னும் செருக்கறுப்பான் வானோர்க்கு
உயர்ந்த உலகம் புகும் . ( துறவு - 346 )

ஆட்சிப் பொறுப்பிலே இருக்கக் கூடிய தலைவர்கள் தினமும் திருக்குறள் படிக்கவேண்டும் . பொருட்பாலில் ஓர் அரசனுக்கு இருக்கவேண்டிய தகுதிகள் அத்தனையும் கூறப்பட்டுள்ளன

by Sponsored content