தமிழகத்தில் குளிர் வாட்டுமா?

**ayyasamy ram** · **ayyasamy ram** Sat Dec 12, 2015 8:04 am

சென்னை:

வடகிழக்கு பருவமழை கடுமையாக பெய்து வருவதால், ‘தமிழகத்தில், டிசம்பர் முதல் பிப்ரவரி வரை, குளிர் வாட்டும்’ என, எதிர்பார்க்கப்படுகிறது.

இதுகுறித்து, சென்னை வானிலை மைய முன்னாள் இயக்குனர் ஒய்.ஏ.இ.ராஜ் கூறியதாவது: தமிழகத்தை பொறுத்தவரை, வாட்டும் அளவுக்கு குளிர் இருக்காது. வேலுார், ஜோலார் பேட்டை, கிருஷ்ணகிரி, தர்மபுரி மாவட்டங்களில், குளிர் அதிகமாக இருக்கும். பிற மாவட்டங்களில், குளிர் சாதாரணமாகவே இருக்கும். சென்னை உள்ளிட்ட கடலோர மாவட்டங்கள், கடல் மட்டத்துக்கு இணையாகவே இருப்பதால், இப்பகுதிகளில், கடுங்குளிர் வாட்டாது. சென்னையில், குறைந்தபட்ச வெப்பநிலை, 20 முதல், 21 செல்சியஸ் வரையே பெரும்பாலும் நீடிக்கும். வடகிழக்கு பருவமழை தீவிரமாக இருப்பதால், குளிர் அதிகரிக்கும் என, சொல்ல முடியாது. தமிழகத்தின் பூகோள அமைப்பு, கடுங்குளிர் வீசும் அளவுக்கு, கடல் மட்டத்தை விட உயரத்தில் இல்லை. இவ்வாறு அவர் கூறினார்.

தமிழக முக்கிய நகரங்களில், டிசம்பர் மாத குளிர் நிலவரம் (டிகிரி செல்சியசில்):
*சென்னையில் மிக குறைவான வெப்பநிலை, 13.9 (1895, டிச., 11). கடந்த 10 ஆண்டுகளில், 18.3 (2008 டிச., 22).
*வேலுார்: 11 (1996 டிச., 2); கோவை: 12.4 (1981 டிச., 12); மதுரை: 15.5 (1970 டிச., 15), சேலம்: 12.8 (1945 டிச.,13); திருச்சி: 14.4 (1983 டிச., 29); தர்மபுரி: 10.9 (1981 டிச., 11).

– நமது நிருபர் -தினமலர்

**பழ.முத்துராமலிங்கம்** · 27/09/2015

ayyasamy ram wrote:
சென்னை:
வடகிழக்கு பருவமழை கடுமையாக பெய்து வருவதால், ‘தமிழகத்தில், டிசம்பர் முதல் பிப்ரவரி வரை, குளிர் வாட்டும்’ என, எதிர்பார்க்கப்படுகிறது.

மேற்கோள் செய்த பதிவு: 1179923
பெய்த மழை அளவுக்கு குளிர் வாட்டும் கஷ்டம் தான்.