சல்மான்கான் விடுதலையும் மேகி மீதான தடை நீக்கமும் !

by seltoday Fri Dec 11, 2015 11:36 am

பணமிருந்தால் மான் வேட்டையாடலாம் , காரேற்றி மனிதர்களை கொல்லலாம். அவர்களை நமது சட்டங்களும் நீதிமன்றங்களும் ஒன்றும் செய்யாது. அப்படியே தண்டனை அறிவித்தாலும் அரை மணி நேரத்தில் ஜாமின் கொடுத்துவிடும். அடுத்து விடுதலையும் செய்துவிடும். அதிகாரமும் , பணமும் இல்லாத சாமானியன் சந்தேக கேஸில் பிடிபட்டால் கூட சிறையிலேயே கிடக்க வேண்டியது தான். ஆனால் கூத்தாடிக்கு கருணை காட்டும். அவனவன் மனசாட்சியே அவனவனுக்கு தண்டனை கொடுக்கட்டும்.

மேகி மீது ஒரு வருட தடை என்று ஒவ்வொரு மாநிலமும் தனித்தனியாக பரிசோதனை செய்து அறிவித்தார்கள். தற்போது ஒரே ஒரு மாநிலத்தில் மேகி பாதுகாப்பானது என்று அறிவித்தார்கள். சத்தமே இல்லாமல் தற்பொழுது இந்தியா முழுமைக்கும் மேகி கிடைக்கிறது. இப்பொழுது ஏன் ஒவ்வொரு மாநிலமும் தனித்தனியாக பரிசோதனை செய்யவில்லை ? அப்படியே பரிசோதனை செய்து மேகி பாதுகாப்பானது என்று உறுதி செய்யப்பட்டாலும் கூட ஒரு வருட தடைக்குப் பிறகு தான் அதனை விற்பனை செய்ய அனுமதித்திருக்க வேண்டும் அப்படி தடைகாலத்திற்கு முன்னரே மேகியை அனுமதிக்க வேண்டிய கட்டாயம் என்ன ? பணம் ! பணம் ! பணம் ! அன்று சாலைகளில் மேகியை கொட்டி கொளுத்தியவர்கள் எங்கே போனார்கள் ? நமக்கு எல்லாம் வேடிக்கை தான் அரசியலானாலும் சரி, உடல்நலமானலும் சரி .

எந்த அளவிற்கு பெருவணிகர்களின் பிடியில் சிக்கியிருக்கிறோம் என்பதை உணர முடிகிறது. அவர்கள் தங்களின் சந்தையை தக்கவைக்க எந்த எல்லைக்கும் போவார்கள். மேகி தடை செய்யப்பட்டு திரும்பப் பெறப்பட்ட விதத்தைக் கண்டவர்கள் இதே போல பிளாஸ்டிக் கும் திரும்பப் பெற வேண்டும் என்று சொன்னார்கள்.அவர்களெல்லாம் இப்ப என்ன சொல்வாங்களோ ? ஏது சொல்வாங்களோ ? தெரியவில்லை.

சாமானிய மனிதர்களின் கடைசி நம்பிக்கையாக நீதிமன்றங்களும் , தேர்தல் ஆணையங்களும் தான் இருக்கின்றன.
இப்படி நீதிமன்ற தீர்ப்புகளே இவ்வளவு கேலிக்கு உள்ளானால் சாமானிய மனிதன் இந்த ஜனநாயக அமைப்பில் எதன் மீது நம்பிக்கை கொள்வது ?

by **M.Jagadeesan** Fri Dec 11, 2015 4:08 pm

எல்லா நீதிமன்றங்களிலும் , நீதிபதியின் தலைக்கு மேலே மகாத்மா காந்தியின் படத்தை மாட்டியிருப்பார்கள் . இனிமேல் அவருடைய படத்தை எடுத்துவிட்டு , அந்த இடத்தில் குமாரசாமியின் படத்தை மாட்டிவிடலாம் !

by **krishnaamma** Sat Dec 12, 2015 12:56 am

இப்போ அதே மேகியைத்தான் தாராளமாய் நிவாரணத்துக்கு வழங்கி இருக்கிறார்கள்.......... சோகம்

by **ayyasamy ram** Sat Dec 12, 2015 7:20 am

krishnaamma wrote:இப்போ அதே மேகியைத்தான் தாராளமாய் நிவாரணத்துக்கு வழங்கி இருக்கிறார்கள்..........

மேற்கோள் செய்த பதிவு: 1179888
-
கரப்பான் பூச்சி எந்த சூழ்நிலையையும் எதிர்கொள்ளும் விதமாக
தன்னை மாற்றிக் கொள்ளுமாம்...
-
அதே போல நம்முடைய உடலில்,
நச்சு உணவுக்கான எதிர்ப்பு சக்தியை வளர்த்துக் கொள்ள வேண்டும்.... புன்னகை

by **krishnaamma** Sat Dec 12, 2015 11:43 am

ayyasamy ram wrote:
krishnaamma wrote:இப்போ அதே மேகியைத்தான் தாராளமாய் நிவாரணத்துக்கு வழங்கி இருக்கிறார்கள்..........
மேற்கோள் செய்த பதிவு: 1179888
-
கரப்பான் பூச்சி எந்த சூழ்நிலையையும் எதிர்கொள்ளும் விதமாக
தன்னை மாற்றிக் கொள்ளுமாம்...
-
அதே போல நம்முடைய உடலில்,
நச்சு உணவுக்கான எதிர்ப்பு சக்தியை வளர்த்துக் கொள்ள வேண்டும்....

மேற்கோள் செய்த பதிவு: 1179910

ரொம்ப சரியா சொன்னீங்க ராம் அண்ணா சூப்பருங்க

பி. டி. கத்தரிக்காய் ஆச்சு இப்போ கடுகு ....இது போல பலதும் தொடரும்..............நாம் தான் அந்த விஷங்களையும்(விஷயங்களையும் ) செரிக்க கத்துக்கணும்............... வைற்றாலும் மனதாலும் சோகம்

.வேறு என்ன செய்வது?......அது தான் பலரும் இந்தியாவை விட்டு பறந்து விடுகிறார்கள் போலும் சோகம்