சிதம்பரம் நடராஜர் கோவிலில் ஆருத்ரா தரிசனம் வருகிற 17-ந்தேதி கொடியேற்றத்துடன் தொடங்குகிறது

சிதம்பரம் நடராஜர் கோவிலில் ஆருத்ரா தரிசன விழா
வருகிற 17-ந்தேதி கொடியேற்றத்துடன் தொடங்குகிறது.
-
ஆருத்ரா தரிசனம்
-
உலக புகழ் பெற்ற சிதம்பரம் நடராஜர் கோவிலில்
ஆண்டுதோறும் ஆருத்ரா தரிசனம் நடைபெறுவது வழக்கம்.
இவ்விழாவை காண தமிழகம் மட்டுமின்றி வெளிமாநிலம்,
வெளிநாட்டில் இருந்தும் ஏராளமான பக்தர்கள் வருவார்கள்.
இந்த ஆண்டுக்கான விழா வருகிற 26-ந்தேதி நடக்கிறது.
-
வருகிற 17-ந்தேதி(வியாழக்கிழமை) கொடியேற்றத்துடன்
விழா தொடங்குகிறது. அன்றைய தினம் காலை 9 மணிக்கு
நடராஜர் சன்னதியில் உள்ள கொடிமரத்தில் விழா
கொடியேற்றம் நடைபெற இருக்கிறது. சண்முகசுந்தர
தீட்சிதர் கொடியை ஏற்றி வைக்க உள்ளார்.
-
பல்வேறு வாகனத்தில் வீதி உலா
-
இதை தொடர்ந்து நடராஜருக்கு காலை, மாலை என்று இரு
வேளையும் விசேஷ பூஜை, மகாஅபிஷேகம் நடைபெற உள்ளது. 18-ந்
தேதி வெள்ளி சந்திர பிறை வாகன காட்சியும், 19-ந்தேதி தங்க சூரிய
பிறை வாகனத்தில் வீதி உலா, தெரு வடைச்சான் உற்சவம் நடக்கிறது.
பின்னர் 20-ந்தேதி வெள்ளி பூத வாகனத்தில் வீதி உலா, 21-ந்தேதி
வெள்ளி ரிஷப வாகனத்திலும், 22-ந்தேதி வெள்ளி வாகனத்திலும்,
23-ந்தேதி தங்க கைலாச வாகனத்திலும், 24-ந்தேதி தங்கரதத்திலும்
சாமி வீதி உலா காட்சி நடக்கிறது. முக்கிய நாளான 25-ந்தேதி காலை
8.50 மணிக்கு தேரோட்டம் நடைபெற உள்ளது.
-
சிகர திருவிழா
-
விழாவின் சிகர திருவிழாவான ஆருத்ரா தரிசனம் 26-ந்தேதி
நடைபெறுகிறது. அன்றைய தினம் அதிகாலை 3 மணிக்கு
ஆயிரங்கால் மண்டபத்தில் சிவகாமசுந்தரி அம்பாள் சமேத ஆனந்த
நடராஜருக்கு மகா அபிஷேகம் நடைபெற்று காலை 10 மணிக்கு
திருவாபரண அலங்கார காட்சி, சித்சபையில் சிறப்பு பூஜைகள் நடக்கிறது.

இதையடுத்து பஞ்சமூர்த்தி வீதி உலா புறப்பாடு முடிந்தவுடன் பகல்
2 மணிக்கு ஆருத்ரா தரிசனம் நடைபெறும். இதில் ஆயிரக்கணக்கான
பக்தர்கள் கலந்து கொண்டு சாமி தரிசனம் செய்ய இருக்கிறார்கள்.
அதை தொடர்ந்து 27-ந்தேதி முத்துபல்லக்கு உற்சவம் நடைபெற இருக்கிறது.

இதற்கான ஏற்பாடுகளை கோவில் பொது தீட்சிதர்கள் செய்து வருகின்றனர்.
-
---------------------
தினத்தந்தி

ayyasamy ram wrote:
சிதம்பரம் நடராஜர் கோவிலில் ஆருத்ரா தரிசன விழா
வருகிற 17-ந்தேதி கொடியேற்றத்துடன் தொடங்குகிறது.

மேற்கோள் செய்த பதிவு: 1179631
இந்த தகவலுக்கு நன்றி ஐயா.