மும்பையில் தமிழில் பேசியதால் பெண்ணிடம் பணம் வாங்க மறுத்த ஆட்டோ ஓட்டுநர்

**ayyasamy ram** · **ayyasamy ram** Thu Dec 10, 2015 12:49 pm

சென்னையில் கடந்த வாரம் பெய்த கனமழையால் சென்னைவாசிகள் பெரும் பாதிப்புக்கு உள்ளாகி, தற்போது இயல்பு நிலைக்கு திரும்பிக் கொண்டிருக்கின்றனர். இந்த செய்திகள் பத்திரிகை, டிவி, சமூக வலைதளங்கள் மூலம் நாடு முழுவதும் அதிர்ச்சி அலையை ஏற்படுத்தி உள்ளது. இந்நிலையில், மும்பையில் வாழும் தமிழ் பெண்ணுக்கு நடந்த சம்பவம் உருக்கமாக அமைந்துள்ளது.

சென்னையைச் சேர்ந்த ஷாலினி கிரிஷ், மும்பையில் நகைக்கடை வைத்துள்ளார். சில தினங்களுக்கு முன்பு அவர் ஆட்டோவில் பயணம் செய்து கொண்டிருந்தபோது, சென்னை யில் இருக்கும் உறவினர்களை தொடர்பு கொண்டு தமிழில் பேசி னார். இதைக்கேட்ட மும்பையைச் சேர்ந்த முஸ்லிம் ஆட்டோ ஓட்டுநர், ‘மேடம் ஆப்கே பெஹசான் வாலே சப் டீக் ஹை?’ (மேடம் உங்களுக்குத் தெரிந்தவர்கள் அனைவரும் நலமுடன் இருக் கிறார்களா?) என்று கேட்டார். ‘ஆமாம்’ என்று சொல்லிவிட்டு பேசிக் கொண்டிருந்தார்.

அவர் இறங்கும் இடம் வந்ததும் உரிய தொகையைக் கொடுத்தபோது, ஆட்டோ ஓட்டுநர் அதை வாங்க மறுத்துள்ளார். நான் ஏழை; என்னால் உங்களுக்கு உதவ முடிந்தது இவ்வளவு தான். அல்லா அவர்களை காப்பாற்றட்டும்’ என்று இந்தியில் கூறிவிட்டு அங்கிருந்து கிளம்பி விட்டார். இந்த சம்பவத்தால், பதில் பேச முடியாமல் ஷாலினி திகைந்து நின்றுள்ளார். இச்சம்பவத்தை தன் முகநூல் பக்கத்தில் அவர் வெளியிட்டுள்ளது குறிப்பிடத் தக்கது.
-
தமிழ் தி இந்து காம்

**ராஜா** · **ராஜா** Thu Dec 10, 2015 12:56 pm

மும்பையில் தமிழில் பேசியதால் பெண்ணிடம் பணம் வாங்க மறுத்த ஆட்டோ ஓட்டுநர் 3838410834

இதை போன்ற செய்திகளெல்லாம் படிக்கும் போது "உலகம் இப்படியே எப்போதும் இருந்தால் எப்படி இருக்குமென" கற்பனை ஓடுகிறது,

**பழ.முத்துராமலிங்கம்** · 27/09/2015

ayyasamy ram wrote:
அவர் இறங்கும் இடம் வந்ததும் உரிய தொகையைக் கொடுத்தபோது, ஆட்டோ ஓட்டுநர் அதை வாங்க மறுத்துள்ளார். நான் ஏழை; என்னால் உங்களுக்கு உதவ முடிந்தது இவ்வளவு தான். அல்லா அவர்களை காப்பாற்றட்டும்’ என்று இந்தியில் கூறிவிட்டு அங்கிருந்து கிளம்பி விட்டார். இந்த சம்பவத்தால், பதில் பேச முடியாமல் ஷாலினி திகைந்து நின்றுள்ளார்.

மேற்கோள் செய்த பதிவு: 1179613
இந்த மழை இந்தியா முழுமைக்கும் மனித நேயத்தை பெருக்கி உள்ளது.
அந்த முஸ்லிம் நண்பருக்கு நான் தலைவணங்குகிறேன்,நன்றி.

**M.Jagadeesan** · **M.Jagadeesan** Thu Dec 10, 2015 2:11 pm

இதுபோன்ற மனிதர்களால்தான் இவ்வுலகம் இயங்குகிறது . இந்த செய்தியைப் படித்தவுடன் கீழ்வரும் புறநானூற்றுப் பாடல்தான் நினைவுக்கு வந்தது .

உண்டால் அம்ம இவ்வுலகம் இந்திரர்
அமிழ்தம் இயைவ தாயினும், இனிதுஎனத்
தமியர் உண்டலும் இலரே; முனிவிலர்;
துஞ்சலும் இலர்; பிறர் அஞ்சுவது அஞ்சிப்
புகழ்எனின் உயிருங் கொடுக்குவர்; பழியெனின்
உலகுடன் பெறினும் கொள்ளலர்; அயர்விலர்;
அன்ன மாட்சி அனைய ராகித்
தமக்கென முயலா நோன்தாள்
பிறர்க்கென முயலுநர் உண்மை யானே.

- கடலுள் மாய்ந்த இளம்பெருவழுதி .

Sponsored content · Sponsored content

மும்பையில் தமிழில் பேசியதால் பெண்ணிடம் பணம் வாங்க மறுத்த ஆட்டோ ஓட்டுநர்