கஞ்சன்

கஞ்சப் பயல் : (சிறுகதை)

ஜின்னாவை பார்ப்பதை தவிர, வேறு வழிகள் இருப்பதாக முத்துவேலுக்கு தோன்றவில்லை.

அவன் மனைவிக்கு உடனடியாக அறுவைச் சிகிச்சை செய்ய வேண்டுமாம், தவறினால் உயிர் பிழைப்பது கடினம் என்று சொல்லிவிட்டார்கள்.

சொந்தம் பந்தம் என்று எல்லோரிடமும் கேட்டகிவிட்டது, ௹பாப் இரண்டு லட்சம் என்றவுடன் வாயை பிளக்கமட்டுமே செய்தார்கள்.

ஜின்னா முத்துவேலின் கல்லூரித் தோழன், இருவரும் ஒரே அறையில்தான் தங்கிப் படித்தார்கள்.

படிக்கின்ற காலத்திலேயே, ஜின்னா பண விசயத்தில் கறார் பேர்வழி, சிக்கனவாதி என்றால் மிகையில்லை.

ஒரு ரூபாய் செலவு செய்வதற்கும் கணக்கு பார்ப்பான், தேவையில்லாமல் நயாபைசா செலவு செய்யமாட்டான்.

சக நண்பர்கள், அவனை கஞ்சப்பயல் என்று சொல்லி சொல்லியே அவனை கேலி செய்வார்கள்.

கல்லூரி படிப்பு முடித்து விட்டு, அவன் அத்தா பார்த்துக்கொண்டிருந்த காய்கறி கமிஷன் மண்டிமாலேயே ஐக்கியமாகி விட்டான்.

இன்று உள்ளூரில் தனக்குத் தெரிந்த நண்பர்களில், கார் பங்களா என்று வசதியாக இருப்பவன் அவன் மட்டுமே.

முத்துவேல் கமிஷன் மண்டிக்கு சென்ற நேரம், அங்கு நல்ல கூட்டம்.

ஜின்னா அவனது வேலையில் கவனமாக இருந்தான், முத்துவேல் அங்கு வந்திருப்பதை அவன் கவனித்ததாகவே தெரியவில்லை.

ஒரு ஓரத்தில், காலியாக இருந்த நாற்காலியில் சென்று உட்கார்ந்திருந்தான் முத்துவேல்.

நேரம் ஆக ஆக, வெறுத்துப்போன முத்துவேல், திரும்பிச் சென்று விடலாமா என்ற முடிவுக்கே வந்துவிட்டான்.

அப்போது முத்துவேலை நெருங்கிய அந்த கமிஷன் மண்டியின் பணியாளன் ஒருவன், முத்துவேலிற்கு டீ கொடுத்துவிட்டு சென்றான்.

முத்துவேல் ஒன்றும் புரியாதவனாக டீயை வாங்கிப் பருகினான், அதற்குள் மண்டியில் கூட்டமும் குறைந்து விட்டிருந்தது.

தற்போது ஜின்னா தன்னை நோக்கி வருவது தெரிந்தது, வந்தவன் மாப்ளே நல்லாயிருக்கியா என்று கூறி தனது அறைக்கு அழைத்துச் சென்றான்.

தப்பா எடுத்துக்காதே, கூட்ட நேரத்தில் வேலையாட்களை நம்பி விட்டால் ஏமாற்றி விடுவார்கள், அதான் உன்னை கொஞ்சம் காக்க வைச்சுட்டேன்.

பேசியபடியே கல்லாவை திறந்தவன், நான்கு ஐநூறு ரூபாய் கட்டுகளை எடுத்து முத்துவேலுவிடம் நீட்டினான்.

வாங்கிக்க மாப்ளே, நீ எதுக்கு வந்திருக்கேன்னு தெரியும், நம்மோடு படித்த சுதாகர், நேற்றே உன் பிரட்சனையை ஃபோனில் சொன்னான்.

ஒன்றும் கவலைப்படாதே, எல்லாம் நல்லபடியாக நடக்கும், இறைவன் இருக்கிறார் என்று கூறி, முத்துவேலை வழியனுப்பி வைத்தான்.

கல்லூரியில் நமக்கு கஞ்சனாக தெரிந்த அந்த ஜின்னாவா இவன், என்ற அதிர்ச்சியிலிருந்து மீளாமல் இருந்தான் முத்துவேல்.

ஒரு மனிதனை, சக மனிதர்கள் புரிந்து கொண்டிருப்பதாக நினைப்பது எவ்வளவு அபத்தம் என்று நினைத்தபோது, குற்ற உணர்வே மேலிட்டது........

by **விமந்தனி** Wed Dec 09, 2015 11:43 pm

//ஒரு மனிதனை, சக மனிதர்கள் புரிந்து கொண்டிருப்பதாக நினைப்பது எவ்வளவு அபத்தம் என்று நினைத்தபோது, குற்ற உணர்வே மேலிட்டது........// - உண்மை.

கார்த்திக் செயராம் wrote:
பேசியபடியே கல்லாவை திறந்தவன், நான்கு ஐநூறு ரூபாய் கட்டுகளை எடுத்து முத்துவேலுவிடம் நீட்டினான்.
கல்லூரியில் நமக்கு கஞ்சனாக தெரிந்த அந்த ஜின்னாவா இவன், என்ற அதிர்ச்சியிலிருந்து மீளாமல் இருந்தான் முத்துவேல்.

மேற்கோள் செய்த பதிவு: 1179519
உண்மை ஒன்றாக இருக்க நாம் நினைத்தது தான் சரி என்பது தவறு.

by **krishnaamma** Sat Dec 12, 2015 1:01 am

விமந்தனி wrote://ஒரு மனிதனை, சக மனிதர்கள் புரிந்து கொண்டிருப்பதாக நினைப்பது எவ்வளவு அபத்தம் என்று நினைத்தபோது, குற்ற உணர்வே மேலிட்டது........// - உண்மை.

மேற்கோள் செய்த பதிவு: 1179539

ஆமோதித்தல்