விஜயவாடாவில் போலி மதுபானம் குடித்த 7 கூலித் தொழிலாளிகள் பலி

by **ராஜா** Mon Dec 07, 2015 9:41 pm

ஆந்திர பிரதேசத்தில் கடை ஒன்றில் மதுபான குடித்தவர்களில் 7 பேர் உடல்நலம் பாதிக்கப்பட்டு பலியானர்கள். மேலும் 15 பேர் கடும் பாதிப்பிற்குள்ளாகி சிகிச்சை பெற்று வருகின்றனர்.

ஆந்திர பிரதேசத்தின் விஜயவாடா மாவட்டத்தில் கிரிஷ்ணாலங்கா என்ற பகுதியில் உள்ள மதுபான கடை ஒன்றில் இன்று காலை வேலைக்கு செல்வதற்கு முன்பாக 20-க்கும் கூடுதலான தொழிலாளர்கள் மதுபானம் குடித்துள்ளனர். அதன்பின் வெளியே வந்த அவர்கள் வாந்தி எடுத்தப்படி மயங்கியும் விழுந்தனர்.

இது பற்றிய தகவலை அருகில் இருந்தவர்கள் போலீசாரிடம் தெரிவித்துள்ளனர். அவர்கள் பாதிப்பிற்கு ஆளானவர்களை அரசு மருத்துவமனையில் சேர்த்துள்ளனர். அவர்களில் 7 பேர் உயிரிழந்துவிட்டனர். மேலும் 15 பேர் உயிருக்கு ஆபத்தான நிலையில் மருத்துவமனையில் சிகிச்சை பெற்றுவருகின்றனர் என மாவட்ட காவல் துறை ஆணையாளர் கூறியுள்ளார்.

தற்போது போலீசார் போலி மதுபானங்களை விற்பனை செய்த அந்த கடைக்கு சீல் வைத்து விசாரணை மேற்கொண்டு வருகின்றனர்.

சம்பவம் நடந்த இடமானது முதல் மந்திரி சந்திரபாபு நாயுடுவின் தற்காலிக அலுவலக முகாம் அமைந்துள்ள இடத்திற்கு அருகில் இருப்பது குறிப்பிடத்தக்கது.

-maalaimalar

by **ராஜா** Mon Dec 07, 2015 9:42 pm

ஆந்திர பிரதேசத்தின் விஜயவாடா மாவட்டத்தில் கிரிஷ்ணாலங்கா என்ற பகுதியில் உள்ள மதுபான கடை ஒன்றில் இன்று காலை வேலைக்கு செல்வதற்கு முன்பாக 20-க்கும் கூடுதலான தொழிலாளர்கள் மதுபானம் குடித்துள்ளனர்

என்ன ஒரு நாகரீக வளர்ச்சி ... முன்பெல்லாம் எப்பவாவது குடித்தார்கள் , அப்புறம் வார இறுதியில் குடித்தார்கள் இன்னும் சில குடிமகன்கள் தினமும் சாயங்காலம் வேலைக்கு சென்று வந்து குடித்தார்கள்... இப்ப வேலைக்கு செல்லும் முன்பாக குடித்துவிட்டு தான் வேலைக்கே போகிறார்கள்

ராஜா wrote:ஆந்திர பிரதேசத்தில் கடை ஒன்றில் மதுபான குடித்தவர்களில் 7 பேர் உடல்நலம் பாதிக்கப்பட்டு பலியானர்கள். மேலும் 15 பேர் கடும் பாதிப்பிற்குள்ளாகி சிகிச்சை பெற்று வருகின்றனர்.
-maalaimalar

மேற்கோள் செய்த பதிவு: 1179083
இப்படிப்பட்ட மரணம் பெரும் துயரத்தை தருகிறது உயிர் பலி ஏற்ற தக்கதன்று.