ஆன்மிக சிந்தனை

First topic message reminder :

7-12-2015

ஆன்மிக சிந்தனை

முற்றும் சுயநலமற்ற அன்பே உண்மை அன்பு,
அதுவே இறையன்பு. மனித குலத்துக்கு சேவை
செய்வது மிக உயர்ந்த இறை வழிபாடு ஆகும்

--விவேகானந்தர்

நன்றி-தினத்தந்தி

15-12-2015

ஆன்மிக சிந்தனை

நாம் அனைவரும் தாய், தந்தைக்கு கீழ் படிந்து
அவர்கள் சொல்படி நடந்தால் இவ்வுலகில் எதையும் சாதித்து
வெற்றியோடு செயல்களில் இறங்கி நற்பண்புகளோடு வாழலாம்

--அய்யா வைகுண்டர்

நன்றி-தினத்தந்தி

15-12-2015

ஆன்மிக சிந்தனை

இதோ, சீக்கிரமாய் வருகிறேன்; அவனவனுடைய
கிரியைகளின்படி அவனவனுக்கு நான் அளிக்கும்
பலன் என்னோடே கூட வருகிறது என்று கர்த்தர் சொல்கிறார்

-வெளிப்படுத்தல் 22:12

நன்றி-தினத்தந்தி

15-12-2015

ஆன்மிக சிந்தனை

ஒருநாள் பிற்பகல் நேரத்தில் பள்ளிவாசலில் இருந்தபோது முளர் பிரிவைச்
சேர்ந்த மக்கள் நபிகள் நாயகம் (ஸல்) அவர்களிடம் வந்தார்கள். அவர்கள்
ஏழ்மை நிலையைக் கண்ட நபிகளார் தொழுகை முடிந்த்தும், உரை
நிகழ்த்தினார்கள். ஒவ்வொருவரும் இயன்ற அளவு பணம்,
ஆடைகள், கோதுமை, உணவு வகைகளை தர்மம் செய்ய
பணித்தார்கள். உணவுப் பொருள்களும், ஆடைகளும்
குவிந்தன. அந்த மக்களுக்கு அதை
வழங்கி மகிழ்ந்தார்கள்.

---ஆதாரம்:அல் ஜாமியுஸ் ஸஹீஹ்

நன்றி-தினத்தந்தி

16-12-2015

ஆன்மிக சிந்தனை

பிரியம் உள்ளவரைக் காண்பதும், பிரியம் இல்லாதவரை காண்பதும்
வேதனை தரும். பிரியம் உள்ளவரிடமிருந்து பிரிவது வேதனை தான்,
பிரியம் இல்லாதவரிடம் அன்பில்லை.,அதனால் வேதனை தான் மிஞ்சும்.

--புத்தர்

நன்றி-தினத்தந்தி

16-12-2015

ஆன்மிக சிந்தனை

பண ஆசை எல்லாத் தீமைக்கும் வேராயிருக்கிறது;
சிலர் அதை இச்சித்து, விசுவாசத்தைவிட்டு வழுவி,
தங்களை உருவக்குத்திக்கொண்டிருக்கிறார்கள்.

--1 தீமோத்தேயு 6:10

நன்றி-தினத்தந்தி

16-12-2015

ஆன்மிக சிந்தனை

என்னிடத்திலும், என் சமூத்தைச் சார்ந்தவர்களிடத்திலும்
மறுமை நாள் வரை நன்மை இருந்து கொண்டே இருக்கும்

--நபிகள் நாயகம் (ஸல்)

நன்றி-தினத்தந்தி

17-12-2015

ஆன்மிக சிந்தனை

தட்டில் கனமான பக்கத்தில் தராசு முள் மையத்தை விட்டு
சாய்ந்து விலகியிருக்கும். அது போல் பெண்ணாசை,
பொன்னாசைகளில் கனத்த மனம் இறைவனை
விட்டு விலகி தடுமாறுகிறது.

--ராமகிருஷ்ண பரமஹம்சர்

நன்றி-தினத்தந்தி

17-12-2015

ஆன்மிக சிந்தனை

பிதாக்களே, உங்கள் பிள்ளைகள் திடன்றறுப்
போகாதபடி, அவர்களுக்குக் கோப
மூட்டாதிருங்கள்.

--கொலோசெயர் 3:21

நன்றி-தினத்தந்தி

17-12-2015

ஆன்மிக சிந்தனை

அவன் தான் வானங்களையும் பூமியையும் ஆறு நாள்களில்
படைத்தான். உங்களில் நற்செயல்களைச் செய்பவர்கள்
யார் என்பதைப் பரிசோதிப்பதற்காக.

--திருக்குர்ஆன்-11:7

நன்றி-தினத்தந்தி

18-12-2015

ஆன்மிக சிந்தனை

குருவே ஈசுவரன். ஈசுவரனே குரு. கடவுளே குருவாய் வரும்
நிலையும் உண்டு. இறைவனை, ஞானத்தை ஒவ்வொவரும்
முயன்றுதான் அடைய வேண்டும்.

---ரமண மகரிஷி

நன்றி-தினத்தந்தி