கடலூரில் கனமழை: மீட்பு பணிக்கு ராணுவம்

by **ayyasamy ram** Mon Dec 07, 2015 5:56 am

கடலுார்:
கடலுார் மாவட்டத்தில் பெய்து வரும் கன மழையால், மக்கள் இயல்பு நிலைக்கு திரும்ப முடியாமல் அவதிப்பட்டு வருகின்றனர். பாதிக்கப்பட்ட மக்களை மீட்கவும், நிவாரண பொருட்களை வழங்கவும், ராணுவத்தினர் வரவழைக்கப்பட்டுள்ளனர்.
-

கடலுார் மாவட்டத்தில், டிசம்பரில், சராசரி மழையளவு, 158.7 மி.மீ., ஆகும். ஆனால், கடந்த, 1 முதல், 6ம் தேதி வரை, 634 மி.மீ., மழை பெய்துள்ளது. நேற்று இரவு மட்டும், சராசரியாக 104 மி.மீ., மழை பெய்துள்ளது; அதிகபட்சமாக, கீழ்ச்செருவாயில், 160 மி.மீ., பதிவாகி உள்ளது. கன மழை காரணமாக, மாவட்டத்திலுள்ள பொதுப்பணித்துறை ஏரிகள் முழு கொள்ளளவை எட்டியுள்ளன. மழை தொடர்வதால், ஆங்காங்கே ஏரிகளிலும், வாய்க்காலிலும் உடைப்புகள் ஏற்பட துவங்கி உள்ளன; பல கிராமங்களில் தண்ணீர் புகுந்துள்ளது. கடலுார் வழியாக சென்று கடலில் கலக்கும்,
-
கெடிலம் ஆற்றில், 40 ஆயிரம் கன அடி தண்ணீரும், பெண்ணையாற்றில், 45 ஆயிரம் கன அடி தண்ணீரும், இரு கரைகளை தொட்டு ஓடுகிறது. பழைய கொள்ளிடத்தில், 25 ஆயிரம் கன அடி தண்ணீர் திறந்து விடப்பட்டுள்ளது. கனமழை தொடர்ந்து பெய்வதால், மேலும் பல ஏரிகள் உடைப்பெடுக்கும் அபாயம் உள்ளது. இதனால், கிராமங்கள் மூழ்கும் நிலை ஏற்பட்டுள்ளதால், முன்னெச்சரிக்கை நடவடிக்கையாக, மீட்பு மற்றும் நிவாரண பணிக்கு, பேரிடர் மீட்புக் குழுவினர், 250 பேர், நெய்வேலியில் முகாமிட்டுள்ளனர். ராணுவத்தினரும் கடலுாருக்கு அழைக்கப்பட்டுள்ளனர்; 180 வீரர்கள் கடலுாருக்கு வந்துள்ளனர்.
-

93 பேர் பலி: கடலுார் மாவட்டத்தில் தொடரும் கன மழை காரணமாக, பலியானவர்கள் எண்ணிக்கை, 93 ஆக உயர்ந்துள்ளது; 40 பேர் காயமடைந்துள்ளனர். மழை, வெள்ளத்தால் பாதிக்கப்பட்டவர்கள், பத்திரமாக வெளியேற்றப்பட்டு, 80 முகாம்களில் தங்க வைக்கப்பட்டுள்ளனர்.
-

ayyasamy ram wrote:
கடலுார்:
கடலுார் மாவட்டத்தில் பெய்து வரும் கன மழையால், மக்கள் இயல்பு நிலைக்கு திரும்ப முடியாமல் அவதிப்பட்டு வருகின்றனர். பாதிக்கப்பட்ட மக்களை மீட்கவும், நிவாரண பொருட்களை வழங்கவும், ராணுவத்தினர் வரவழைக்கப்பட்டுள்ளனர்.
-

மேற்கோள் செய்த பதிவு: 1178923
மக்கள் பத்திரமாக இருந்தால் சரி