பிரதமரின் சொந்த மாநிலத்தில் நூடுல்ஸ் விற்று பிழைப்பு நடத்தும் விளையாட்டு வீராங்கனை

-
வதோதரா: விளையாட்டுத் துறையில் சாதனை படைத்த இந்தியர்கள் பலரும் பணக்காரர்களாக இருக்கையில், பிரதமர் நரேந்திர மோடியின் சொந்த மாநிலமான குஜராத்தில், தேசிய துப்பாக்கிச்சுடும் வீராங்கனை ஒருவர், தெரு ஓரத்தில் நூடுல்ஸ் விற்று தனது அன்றாட பிழைப்பை நடத்தி வருவது நெஞ்சை உருக்குவதாக உள்ளது. குஜராத் மாநிலத்தைச் சேர்ந்த புஷ்பா குப்தா(21), துப்பாக்கி சுடும் விளையாட்டில் தேசிய அளவில் பட்டம் வென்றவர். கடந்த 2013ம் ஆண்டு கல்லூரியில் சேர்ந்த புஷ்பாவுக்கு, தேசிய மாணவர் படையில் சேர்ந்த பின்னர், தனக்குள் துப்பாக்கிச் சுடும் திறமையும், ஆர்வமும் இருப்பதை தெரிந்து கொண்டார்.

மாணவர் படை அளித்த ஆதரவில், துப்பாக்கிச் சுடும் கலையில் தேர்ச்சி அடைந்து தேசிய அளவில் விருதுகளை வென்றார். அத்துடன் அவர் ராணுவம் அளித்த உதவியை கொண்டு பல்வேறு துப்பாக்கிச்சுடும் போட்டிகளில் கலந்து கொண்டார். குஜராத்தின் மாநிலத்தின் சார்பில் ேதசிய அளவிலான துப்பாக்கிச்சுடும் போட்டியிலும் கலந்து கொண்டு இவர் பதக்கங்களை வென்றுள்ளார். ஆனால், கல்லூரி முடித்த பின்னர், துப்பாக்கிச் சுடும் போட்டிகளில் செலவு செய்ய அவரது வீட்டு பொருளாதார நிலைமை அனுமதிக்கவில்லை. ராணுவ அகாடமியில் இருந்து கிடைத்த உதவியும் கிடைக்கவில்லை. எனவே, அவரால் மேற்கொண்டு போட்டிகளில் கலந்து கொள்ள முடியவில்லை.

மேலும், ஏதாவது வேலை செய்தால்தான் குடும்பம் நடக்கும் என்பதால், தந்தை அளித்த அறிவுரையின்படி, வண்டியில் நூடுல்ஸ் விற்கத் தொடங்கினார் புஷ்பா. கடந்த ஓராண்டாக அவர், வண்டியில் நூடுல்ஸ் விற்று வருகிறார். துப்பாக்கி பயிற்சியை நிறுத்தி ஒன்றரை ஆண்டுகள் ஆகிவிட்டது என்று சோகத்துடன் தெரிவித்த புஷ்பா, நவீன துப்பாக்கி வாங்கும் அளவிற்கு பணம் இல்லையே என்ற கவலை வாட்டினாலும், அன்றாட பிழைப்புக்கே வழி இல்லை என்பதால் வண்டியில் தொங்க விட்டுள்ள பதக்கங்களை அவ்வப்போது பார்த்து ஆறுதல் அடைந்து வருவதாக ஏக்கத்துடன் தெரிவித்துள்ளார்.

பெண்களுக்கு அதிகாரம் குறித்து பிரதமர் மோடி கூறிவருவது, தொலைகாட்சியிலும், செய்தித்தாள்களிலும் மட்டும்தானா? என புஷ்பாவின் தந்தை திணேஷ்குமார் குப்தா ஆதங்கம் தெரிவித்தார். தனது மகளுக்கு ஒரு சந்தர்ப்பம் கிடைத்தால், புஷ்பாவின் திறமைகள் வெளி உலகுக்கு தெரியவரும் என்று குப்தா மேலும் கூறினார். பிரதமரின் சொந்த மாநிலமான குஜராத்தில், தேசிய அளவில் விளையாட்டில் சாதனை படைத்த இளம்பெண், ஏழ்மையில் வாடுவதுடன், அவர் சார்ந்த துறையில் மேலும் முன்னேற முடியாமல் இருப்பது பெரும் சோகமாக கருதப்படுகிறது.
-
தினகரன்

திறமைசாலிகள் இவ்வளவு சீக்கிரத்தில் மனமுடைந்து விட கூடாது , 21 வயது தான் ஆகியுள்ளது இன்னும் கடுமையாக முயற்சி செய்து அரசின் கவனத்திற்கு கொண்டு செல்ல வேண்டும்.

ayyasamy ram wrote:
வதோதரா: விளையாட்டுத் துறையில் சாதனை படைத்த இந்தியர்கள் பலரும் பணக்காரர்களாக இருக்கையில், பிரதமர் நரேந்திர மோடியின் சொந்த மாநிலமான குஜராத்தில், தேசிய துப்பாக்கிச்சுடும் வீராங்கனை ஒருவர், தெரு ஓரத்தில் நூடுல்ஸ் விற்று தனது அன்றாட பிழைப்பை நடத்தி வருவது நெஞ்சை உருக்குவதாக உள்ளது. குஜராத் மாநிலத்தைச் சேர்ந்த புஷ்பா குப்தா(21), துப்பாக்கி சுடும் விளையாட்டில் தேசிய அளவில் பட்டம் வென்றவர்.
தினகரன்

மேற்கோள் செய்த பதிவு: 1178940
அரசு இந்த மாதிரி விளையாட்டு வீர்ரகளை கவனித்து உதவ வேண்டும்.