குலதெய்வ அனுமதியே முக்கியம்

**பழ.முத்துராமலிங்கம்** · 27/09/2015

குலதெய்வ அனுமதியே முக்கியம்

ஒருவரது குலம் ஆல்போல் தழைத்து அருகுபோல வேரூன்ற வேண்டுமனால் குலதெய்வ
வழிபாடு மிக, மிக முக்கியம். குலதெய்வ தோஷம் இருந்தால், மற்ற தெய்வங்களின்
அருள் கிடைக்காது. குலதெய்வத்தின் அனுமதி அல்லது அனுகிரகம் இல்லை
என்றால் ஒருவர் என்னதான் சக்தி வாய்நத ஹோமம், யாகம் செய்தாலும்,
ஆலயங்களுக்கு சென்றாலும் எதிர்பார்த்த பலன் தருமா என்பது
சந்தேகம்தான்.
நன்றி-முகநூல்

**பழ.முத்துராமலிங்கம்** · 27/09/2015

குலதெய்வ அனுமதியே முக்கியம்

குலதெய்வத்தின் ஆசி இல்லையென்றால் திருமணதடை, குழந்தை பாக்கியம் இல்லாமல்
இருப்பது, நிரந்தர வேலை இல்லாமல் இருப்பது, குடும்பத்தில் பிரச்சனை, உடல்
உபாதைகள் போன்ற பல பிரச்சனைகள் ஏற்படுகிறது. எனவே வருடத்திற்கு
ஒரு முறையாவது பங்குனி உத்திர நாளில் குலதெய்வ கோயிலில்
வணங்கினால், வாழ்வில் மகிழ்ச்சி பொங்கும்.

**பழ.முத்துராமலிங்கம்** · 27/09/2015

குலதெய்வ அனுமதியே முக்கியம்

எப்போது வழிபடுவது?

கிராம கோவில் திருவிழா மற்றும் முக்கிய பண்டிகை திருவிழா நாட்களிலும், குல
தெய்வ சிறப்பு பூஜைகளை ஒன்றாக இணைத்து செய்வதுண்டு குடும்பத்தில்
நடை பெறும் பிறந்த நாள் விழா, காதணி விழா, பூப்புனித நீராட்டு விழா,
திருமண விழா போன்ற விசேச நாட்களில் குலதெய்வத்திற்கு முதல்
அழைப்பிதழ் வைக்கும் பழக்கம் இருக்கிறது.

**பழ.முத்துராமலிங்கம்** · 27/09/2015

குலதெய்வ அனுமதியே முக்கியம்

எப்போது வழிபடுவது?

திருமண நிச்சயம் குலதெய்வத்தின் முன்பு நடக்கும் வழக்கமும் சில இடங்களில்
இருக்கிறது. வருடத்திற்கு ஒரு முறை சுற்றமும், கோவில் பங்காளிகளும்
ஒன்றாக இணைந்து ஆட்டு கிடாவெட்டி பொங்கல் வைத்து விழாவை
போல சிறப்பாக வழிபாடு செய் கின்றார்கள்.

**பழ.முத்துராமலிங்கம்** · 27/09/2015

குலதெய்வ அனுமதியே முக்கியம்

வழிபாடு பலன்கள்...........

குலதெய்வம் வழிபாட்டின் மூலம் மணமாகதவர்களுக்கு திருமணம் நடைபெறும்.
குழந்தை வரம் பெறுவது, தீராத நோய்களுக்கு பரிகாரம் பெறுவது, கல்வி,
தொழில் விருத்தி கிடைப்பது, வழக்குகளில் நீதி கிடைப்பது முதலிய
பயன்கள் பெறப்படுகிறது.

அடிப்படையில் இந்துமதம் பற்றற்ற தன்மையை போதிக்கிறது, அதாவது
அனைத்தையும் துறந்து தியானம், தவம் மூலம் இறை நிலையை
அடைவது. ஆனால் இந்த குலதெய்வம் மனிதன் லௌகீக
வாழ்க்கைக்கு தேவையான பலன்களையே அளிக்கிறது.

**பழ.முத்துராமலிங்கம்** · 27/09/2015

திருச்செந்தூர் முருக கடவுளே குலதெய்வம்

பெற்றோர்கள் சொல்லாத காரணத்தாலும், இடம் பெயர்ந்து விட்ட காரணத்தாலும்
பலர், தங்களது குலதெய்வம் எது என்று தெரியாமல் தவிப்பார்கள். ஜோதிடர்கள்
அதற்கு பரிகாரங்கள் கூறி இருந்தாலும் நாம் வணங்குவது, உண்மையிலேயே
நம் குல தெய்வம்தானா என்ற நெருடல் சிலருக்கு இருந்து
கொண்டே இருக்கும்.

இப்படி தவிப்புக்குள்ளாகி இருப்பவர்கள் வீணாக கவலைப்பட வேண்டியதில்லை.
திருச்செந்தூர் முருகனை குல தெய்வமாக மனதில் ஏற்றுக் கொண்டு வழிபாடு
செய்தால் போதும். நிச்சயம் பலன்கள் கிடைக்கும்.

**பழ.முத்துராமலிங்கம்** · 27/09/2015

குலதெய்வ அனுமதியே முக்கியம்

பகவத் கீதை தரும் விளக்கம்

குல தெய்வ வழிபாடு பற்றி பகவத் கீதையில் கூறப்பட்டுள்ள விளக்கம் வருமாறு:-
யார் என்னை எப்படி வழிபடுகிறார்களோ அவர்களை அப்படியே நான் வழி
நடத்துகிறேன், செயல்களின் பயனை விரும்புபவர்கள் இங்கே
தேவதைகளை வழிபடுகிறார்கள். அதாவது இறைவனை
லட்சியமாகக் கொள்வதும் உலக இன்பங்களை ஒதுக்கி
விட்டு இறை நெறியில் செல்வதும்
எல்லோராலும் முடியாது.

**பழ.முத்துராமலிங்கம்** · 27/09/2015

குலதெய்வ அனுமதியே முக்கியம்

பகவத் கீதை தரும் விளக்கம்

உலகம் மற்றும் அதன் இன்பங்கள் வேண்டும் என்று நினைப்பவர்களுக்காக
இறைவன் தேவதைகளைப் படைத்துள்ளார் அல்லது அவரே அப்படி
அவதரிக்கிறார். வேத காலத்தில் இந்திரன், வருணன் முதலிய
தேவர்கள் வழிபடப்பட்டனர். இக்காலத்தில் உள்ள
தேவதைகள் தான் குல தெய்வங்கள். எனவே
குலதேவதையை ஒருவர் முறையாக வழிபட்டாலே உலக இன்பங்களைப் பெற் றுக்கொண்டே
இறை நிலை அடையும் வாய்ப்பு உள்ளது.