ஒப்பிலா உறவு!

**ayyasamy ram** · **ayyasamy ram** Sun Dec 06, 2015 7:52 am

-

உயிர் தந்தோர் இருவர்
கல்வி தந்தோர் பலர்
உலக அறிவு தந்தோர்
நீங்கள் தான்!
–
உங்களை
என் வாழ்க்கையில்
நான் தான்
இணைத்துக்
கொண்டேன்
உற்ற தோழனாய்
காலம் பல கடந்தும்
என்னை விட்டு
நீங்கள் பிரியவில்லை!
–
சிலரை வேண்டுமென்றே
பிரிந்து விட்டேன்
வெறுப்பினால் அல்ல
என் வீட்டில் இடம் இல்லாததால்!
அப்படிப் பிரிந்த சிலரும்
இன்றும் என் மனதில்!
–
என்று உங்களிடம் நான்
வந்தாலும்
ஏன் இத்தனை நாள்
என்னை மறந்தாய் என்று
கேட்க மாட்டீர்கள்
அதே அன்பு, அதே பாசம்
அதே நேசம், அதே பகிர்தல்!
–
உங்களை என்ன
உறவென்று சொல்வது…
வாழ்க்கையின் அர்த்தத்தையும்
அனர்த்தங்களையும் அவசியத்தையும்
இத்தனை வயதான பின்பும்
இன்றும் அயராது
எடுத்துச் சொல்கிறீர்கள்!
–
உங்களின் உயர்ந்த உறவைப்
புரிந்து கொள்ளாதவர்களும்
இந்த உலகில் உண்டு!
போனால் போகட்டும்
எனக்கு மட்டும்
நான் மறையும் வரை
உங்கள் உறவு வேண்டும்!
–
உங்களுக்கும் விலை உண்டு
என் அன்பான புத்தகங்களே…
ஆனால், உங்கள் ஒப்பிலா
உறவுக்கோ இந்த
உலகில் விலையே இல்லை!
–
———————————-
– தேவவிரதன்,சென்னை.
வாரமலர்

**பழ.முத்துராமலிங்கம்** · 27/09/2015

புத்தகம் ஒரு பொக்கிஷம் நண்பர்களே,நன்றி ஐயா.

ayyasamy ram wrote:
உங்களுக்கும் விலை உண்டு
என் அன்பான புத்தகங்களே…
ஆனால், உங்கள் ஒப்பிலா
உறவுக்கோ இந்த
உலகில் விலையே இல்லை!
வாரமலர்

மேற்கோள் செய்த பதிவு: 1178742

ஒப்பிலா உறவு!

ஒப்பிலா உறவு!

Re: ஒப்பிலா உறவு!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக