திருநீற்றின் மகிமை...!

சைவமுறைப்படி விபூதி தயாரிப்பது

திருநீற்றின் மகிமை...!

சைவ நெறியினை பின்பற்றுவோரின் முக்கிய அடையாளங்களில் ஒன்றுதான் இந்த திருநீறு.
சிவச் சின்னங்களில் ஒன்றாக வைத்தும் போற்றப்படுகிறது.
இது சமயத்தின் தோற்ற ஒழுக்க முறையுண்மைகக்கும், கிரமததுவங்களுக்கும், முப்பொருள் உண்மைக்கும் அறிகுறியாய் அமைவது.

மூன்று விரல்களால் இடப்படும் திருநீற்றின் மூன்று கோடுகள் சிந்தனை , சொல், செயல்
என்ற திரி சத்தியங்களை உணர்த்த்வதாக அமைகிறது. வாழ்வின் முடிவில் யாவரும்
சாம்பல் ஆவர் என்ற நிலையான உண்மையையும் திருநீறு உணர்த்துகின்றது.

திருநீற்றின் மகிமை...!
திருநீறு பூசிய அடியாரை சிவனாகவே கருதுவது சைவர்கள் இயல்பு, உடம்பெல்லாம்
உடம்பெல்லாம் உவர் மண்ணாகிவரும் வண்ணாரை சிவனடியாராக பாவித்து
தரையில் விழுந்து வணங்கியர் சேர வேந்தரும், நாயன் மாரில் ஒருவராக
போற்றப்படும் சேரமான் பெருமாள் நாயனார்.

மெய்ப்பொருள் நாயனாரும், ஏனாதிநாத நாயனாரும் புற வேதமாகிய திருநீற்றுக்காகவே
உயிரைக் கொடுத்தவர்கள்.

மதுரையின் கூன் பாண்டியனின் வெப்பு நோயை தீர்க்க திருநீற்றின் பெருமையை
விளக்கி திருஞான சம்பந்தரும் திருநீற்றின் பெருமையை விளக்கி
பதிகம் பாடியுள்ளார்.

திருநீற்றின் மகிமை...!

இந்த வகையில்,

"கங்காளன் பூசும் கவசத்திரு நீற்றை

மங்காமற் பூசி மகிழ்வரே யாமாகில்

தங்க வினைகளும் சாருஞ் சிவகதி

சிங்காரமான திருவடி சேர்வரே"

என்று தெய்வத் திருமூலரும் திரு நீற்றின்
பெருமையை உணர்த்தியுள்ளார்.

உணர்வுடையார் உணர்க...

"ஆசை கெடுப்பது நீறு அந்தம தாவது நீறு "

விபூதி தயாரிக்கும் முறை.(சைவ சித்தாந்த முறைப்படி)

1. கற்ப விதி
2. அனுகற்ப விதி
3. உப கற்ப விதி

1. கற்ப விதி
பங்குனி மாதத்தில் ஈசான்ய மூலையில் நன்கு மேய்ந்து வந்த பசுக்களை தொழுவத்தில்
கட்ட வேண்டும். பின்னர் அவைகள் இடுகின்ற சாணத்தை பூமியில் விழாமல் தாமரை
இலையில் எடுத்து வந்து, உண்டையாக்கி நெருப்பில் இட்டுப் பின் புதுப்பானையில்
இட்டு, பிறகு பயன்பாட்டிற்கு எடுத்துக் கொள்ளவேண்டும்.

2. அனுகற்ப விதி
காட்டினில் இருக்கும் பசுவின் சாணத்தை எடுத்து மேற்கண்ட முறைப்படி தயாரிப்பது.

3. உப கற்ப விதி
காய்ந்த சாணத்தினை(பொதுவாக வீட்டு பசு) எடுத்து மேற்கண்ட முறைப்படி தயாரிப்பது.

பலன்கள்.

தலையினில் இருக்கும் நீரை உறிஞ்சி விடும்.
அனுஷ்டானம் செய்பவர்கள் 16 இடங்களில்
தரிப்பார்கள்.(12 எனக் கொள்வாரும் உண்டு)

சித்தர் முறை

முறைப்படி செய்த திருநீறு சகல வியாதிகளையும் குணமாக்கும் என்பது ஐதீகம் அதனால்
தான் மந்திரமாவது நீறு என்று சமய அடியார்கள் போற்றி பாடினார்கள் அப்படிப்பட்ட
சகல செளபாக்கியம் நிறைந்த திருநீறும் நவீனகாலத்தின் தனது இயற்கை
தன்மையை துறந்து செயற்கையான முறையில் மாறிவிட்டது இது
காலத்தின் கொடுமையல்ல மனித ஆசையின் விவரீத
விளைவாகும்

நன்றி-முகநூல்

சித்தர் முறை
கன்று ஈனாத தரமான பசும்சானத்தை எடுத்து கொள்ளுங்கள் அதை அறுகம்புல்லோடு
கலந்து சிறிய சிறிய உருண்டைகளாக்கி வெயிலில் சில நாட்கள் நன்றாக
உலர விடுங்கள் சாணம் நன்றாக காய்ந்த பிறகு உலர்ந்த அரசமர
குச்சி எடுத்து நெய் விட்டு நெருப்பு மூட்டுங்கள் அந்த
நெருப்பில்சான உருண்டைகளை பஸ்பமாகும்
படி எரியவிடுங்கள் எரிந்து தணிந்த பிறகு
கிடைக்கும் சாம்பலை வெள்ளை
கதர் துணியில் போட்டு சலித்து
பத்திரபடுத்தி கொள்ளுங்கள்

சித்தர் முறை
அப்படி பத்திரபடுத்தபட்ட பஸ்பத்தை சிவபெருமான் திருவுருவ படத்திற்கோ
லிங்க திருமேனிக்கோ நமச்சிவாய மந்திரம் சொல்லி அர்சனை
செய்யுங்கள் இப்போது நீங்கள் விரும்பிய சக்தி மிக்க
புனிதமான திருநீறு தயாராகி விட்டது இதை பக்தி
பூர்வமாக தினசரி அணிந்து வாருங்கள்
பிட்டுக்கு மண்சுமந்த பெருமான்
உங்கள் பக்திக்கு உருகி
உங்களையும் சுமப்பான்.