சிதம்பரம் நடராஜர்

**ayyasamy ram** · **ayyasamy ram** Thu Dec 03, 2015 4:37 am

தென்னாடுடைய சிவனே போற்றி

எந்நாட்டவர்க்கும் இறைவா போற்றி

தமிழ்நாட்டிலுள்ள சிதம்பரம் எனும் ஊரில் அமைந்துள்ள நடராசர் கோயில்
மிகச் சிறப்பு பெற்ற கோயிலாகும். இக்கோயில் பஞ்சப்பூத தலங்களில்
ஒன்றாக உள்ளது.
-
தகவல் பலகை
----------------
சிவஸ்தலம் பெயர்

சிதம்பரம்
இறைவன் பெயர்

கனகசபை - சபாநாயகர், திருமூலட்டானம் - திருமூலநாதர்
இறைவி பெயர்

கனகசபை - சிவகாமி, திருமூலட்டானம் - உமையம்மை
பதிகம்

திருநாவுக்கரசர் - 8,
திருஞானசம்பந்தர் - 2
சுந்தரர் - 1
எப்படிப் போவது

சென்னையில் இருந்து ரயில் மற்றும் சாலை மார்க்கமாக சிதம்பரம்
சென்று அடையலாம்.
சென்னையில் இருந்து சுமார் 240 கி.மி. தொலைவில் சிதம்பரம் இருக்கிறது.
காவிரியின் வடகரை சிவஸ்தலங்களை தரிசிக்க சிதம்பரத்தை ஒரு நுழைவாயில்
என்று கூட சொல்லலாம்.
-
ஆலய முகவரி
-
அருள்மிகு நடராஜர் திருக்கோவில்
சிதம்பரம் அஞ்சல் கடலூர் மாவட்டம்
PIN - 608001
-
இவ்வாலயம் தினந்தோறும் காலை 6 மணி முதல் பகல் 12 மணி வரையிலும்,
மாலை 5 மணி முதல் இரவு 10 மணி வரையிலும் திறந்திருக்கும்.
-

**ayyasamy ram** · **ayyasamy ram** Thu Dec 03, 2015 4:39 am

சிதம்பரம் நடராஜர் BiYxdg28Tm2U1iHOKeTW+426px-நடராஜர்

-
பஞ்சபூதத் தலங்களில் ஆகாயத்தலம்
தரிசிக்க முக்தி தரும் தலம்
பஞ்ச சபைகளில் பொற்சபையாக விளங்கும் தலம்
ஆதாரத் தலங்களில் இருதய தலமாக விளங்கும் தலம்
அம்பாள் இச்சாசக்தி, ஞானசக்தி, கிரியாசக்தியாக்க் காட்சி தரும் தலம்
நடு இரவுக்குப் பின் அனைத்து லிங்கங்களின் சக்தியும் வந்து சேரும் திருமூலட்டானத் தலம்
சைவர்களுக்கு கோவில் என்று அறியப்படும் தலம்

**ayyasamy ram** · **ayyasamy ram** Thu Dec 03, 2015 4:42 am

சிதம்பரம் நடராஜர் MBmxM5SNRuY5Y9bMiMSa+chidambaram_chitrambalam

-
இத்தகைய பெருமைகளைப் பெற்றிருக்கும் தலம் தான்
சிதம்பரம்.
இந்த சிதம்பரம் கோவில் 40 ஏக்கர் நிலப்பரப்பில் பிரம்மாண்டமாக
அமைந்துள்ளது. கருங்கற்களால கட்டப்பட்ட மதிற்சுவர்களுடனும்,
விண்ணை முட்டும் நான்கு இராஜ கோபுரங்களுடனும் நன்கு
அமைந்திருக்கிறது.
கோவில் கோபுரத்து மாடங்களில் எண்ணற்ற முனிவர்கள், தேவர்கள்
சிற்பங்கள் காணப்படுகின்றன.
கிழக்கு மேற்கு கோபுரங்களில் 108 நடன பாவங்களையும் அறிவிக்கும்
சிற்பங்கள் அழகிய முறையில் அமைக்கப்பட்டுள்ளன.
-
சமயக்குரவர் என்று போற்றப்படும் அப்பர், சம்பந்தர், சுந்தரர் மற்றும்
மாணிக்கவாசகர் ஆகிய நால்வரும் ஒவ்வொரு வாயில் வழியாக
தில்லை சிதம்பரம் கோவிலுக்குள் எழுந்தருளினர் என்று வரலாறு
கூறுகிறது.
-
மேற்குக் கோபுர வாயில் வழியாக திருநாவுக்கரசரும்,
தெற்குக் கோபுர வாயில் வழியாக திருஞானசம்பந்தரும்,
வடக்கு கோபுர வாயில் வழியாக சுந்தரரும்,
கிழக்குக் கோபுர வாயில் வழியாக மாணிக்கவாசகரும்
வந்து தில்லைச் சிற்றம்பலத்திலுள்ள சிவபெருமானை வழிபட்டுள்ளனர்.

**ayyasamy ram** · **ayyasamy ram** Thu Dec 03, 2015 4:44 am

சிதம்பரம் நடராஜர் NQoxRjDdR4if4rhjScfg+chidambaram_temple_complex

-

சிதம்பரம் நடராஜர் GXm1Ph5YTTmFo2aKPUh4+Temple_Tangore_1

-
கோயில் அமைப்பு

நடராசர் ஏனைய இந்து ஆலயங்களில் லிங்க வடிவமாக
இருக்கும் சிவபெருமான், நடனமாடும் நிலையில்
இவ்வாலயத்தில் இருக்கிறார். நடனமாடும் நிலை இருப்பதால்,
பரதநாட்டியம் என்னும் நாட்டியக்கலைக்கு முதற்கடவுளாக
நடராசரை வணங்குகின்றனர்.
இவ்வாலயத்தில் சிவகாமியம்மையும் அருள் செய்கிறார்.

நாற்பது ஏக்கர் பரப்பளவில், நான்கு திசைக்கென ஒரு
கோபுரமாக நான்கு கோபுரங்களும், ஐந்து சபைகளும் உடையது
இந்த ஆலயம். இவ்வாலயத்தில் உள்ள கிழக்கு கோபுரத்தில்
நூற்றியெட்டு பரதநாட்டிய நிலைகளில் உள்ள சிற்பங்களை
காணமுடியும்.

மேலும் இங்கு மூலவர் சிலை இருக்கும், இடம் கனக சபை என்று
அழைக்கப்படுகிறது. இந்த சபை, பராந்தக சோழ மன்னனால்
பொற்கூரை வேயப்பட்டு கனக சபை என்ற பெயர் பெற்றது.

சைவப்பெரியோர்களான நாயன்மார்கள் பாடிய தேவாரத்தில்
சிதம்பரம் பற்றி கூறப்பட்டுள்ளதாலும், நாயன்மார்கள் நால்வரும்
இங்கு வந்து பாடியதாலும் இது பாடல் பெற்ற தலம் என்று
அழைக்கப்படுகின்றது.

மேலும் பஞ்சபூதங்களில் ஒன்று எனக்கூறப்படும் ஆகாசம் வடிவில்,
சிவன் இருக்கிறார் என்பதை குறிப்பால் உணர்த்தும் வகையில்
சிதம்பர ரகசியம் அமைக்கப்பட்டுள்ளது.

இரத்தினத்தால் செய்யப்பட்ட நடராசர் விக்கிரகமும்,
ஆதிசங்கரர் அளித்த ஸ்படிக லிங்கமும்,
இன்றும் சிதம்பர ஆலயத்தில் பூஜித்து வரப்படுகிறது.
-
-------------------------------

**பழ.முத்துராமலிங்கம்** · 27/09/2015

ayyasamy ram wrote:
தென்னாடுடைய சிவனே போற்றி
எந்நாட்டவர்க்கும் இறைவா போற்றி
தமிழ்நாட்டிலுள்ள சிதம்பரம் எனும் ஊரில் அமைந்துள்ள நடராசர் கோயில்
மிகச் சிறப்பு பெற்ற கோயிலாகும். இக்கோயில் பஞ்சப்பூத தலங்களில்
ஒன்றாக உள்ளது.

மேற்கோள் செய்த பதிவு: 1178223

**பழ.முத்துராமலிங்கம்** · 27/09/2015

ayyasamy ram wrote:

-
பஞ்சபூதத் தலங்களில் ஆகாயத்தலம்
தரிசிக்க முக்தி தரும் தலம்
பஞ்ச சபைகளில் பொற்சபையாக விளங்கும் தலம்
ஆதாரத் தலங்களில் இருதய தலமாக விளங்கும் தலம்
அம்பாள் இச்சாசக்தி, ஞானசக்தி, கிரியாசக்தியாக்க் காட்சி தரும் தலம்
நடு இரவுக்குப் பின் அனைத்து லிங்கங்களின் சக்தியும் வந்து சேரும் திருமூலட்டானத் தலம்
சைவர்களுக்கு கோவில் என்று அறியப்படும் தலம்

மேற்கோள் செய்த பதிவு: 1178224
நடராஜர் பதிவை பார்க்க பார்க்க அற்புதம் நன்றி ஐயா.

**பழ.முத்துராமலிங்கம்** · 27/09/2015

ayyasamy ram wrote:
மேற்குக் கோபுர வாயில் வழியாக திருநாவுக்கரசரும்,
தெற்குக் கோபுர வாயில் வழியாக திருஞானசம்பந்தரும்,
வடக்கு கோபுர வாயில் வழியாக சுந்தரரும்,
கிழக்குக் கோபுர வாயில் வழியாக மாணிக்கவாசகரும்
வந்து தில்லைச் சிற்றம்பலத்திலுள்ள சிவபெருமானை வழிபட்டுள்ளனர்.

மேற்கோள் செய்த பதிவு: 1178225

**பழ.முத்துராமலிங்கம்** · 27/09/2015

ayyasamy ram wrote:
மேலும் பஞ்சபூதங்களில் ஒன்று எனக்கூறப்படும் ஆகாசம் வடிவில்,
சிவன் இருக்கிறார் என்பதை குறிப்பால் உணர்த்தும் வகையில்
சிதம்பர ரகசியம் அமைக்கப்பட்டுள்ளது.
இரத்தினத்தால் செய்யப்பட்ட நடராசர் விக்கிரகமும்,
ஆதிசங்கரர் அளித்த ஸ்படிக லிங்கமும்,
இன்றும் சிதம்பர ஆலயத்தில் பூஜித்து வரப்படுகிறது.

மேற்கோள் செய்த பதிவு: 1178226

Sponsored content · Sponsored content

சிதம்பரம் நடராஜர்

சிதம்பரம் நடராஜர்

Re: சிதம்பரம் நடராஜர்

Re: சிதம்பரம் நடராஜர்

Re: சிதம்பரம் நடராஜர்

Re: சிதம்பரம் நடராஜர்

Re: சிதம்பரம் நடராஜர்

Re: சிதம்பரம் நடராஜர்

Re: சிதம்பரம் நடராஜர்

Re: சிதம்பரம் நடராஜர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக