உலக எய்ட்ஸ் தின கவிதை _திசம்பர் 1

by சசி Tue Dec 01, 2015 7:26 pm

விடியலை நோக்கி
வாழ வேண்டிய நீ
விட்டில் பூச்சியாய்
விளக்கில் வீழ்ந்து
விடாதே!

வந்தால் வருந்தி
விடாதே!!
வாழ்வதற்கு
வாய்ப்பு
இருக்கிறது!!

வாய்ப்பு தான்
இருக்கிறதே
வாழ்ந்து தான்
பார்த்திடலாம்
என்று நினைத்தால்
வாடித்தான் போவாய்!!

இருக்கும் வரை
இன்பமாய்
வாழ்ந்திட
இல்லற நெறியை
காத்திடு!!
இன்பமாய்
வாழ்திடு!!

உன்னை நேசிக்கும்
உன் மனைவிக்கும்
உன்னால் பிறக்கும்
குழந்தைகளுக்கும்
உண்மையாக இருந்தால்
உயிருள்ள வரை
உயர்வாய் இருப்பாய்!!!

"'ஒருவனுக்கு ஒருத்தி "'

உபதேசம் அல்ல!!

ஆரோக்கியமான
அடுத்த தலைமுறை
வாழ்வதற்கான
தாரக மந்திரம்!!

மனைவியை மட்டும் நேசி!!
எய்ட்ஸ் வருமா யோசி!!!

உலக எய்ட்ஸ் தினத்தில் நம்மால் முடிந்த வரை விழிப்புணர்வை ஏற்படுத்துவோம், நாமும் விழிப்புணர்வுடன் இருப்போம்!!
பாதிக்கப்பட்ட நபர்களை பரிவுடன் நடத்துவோம்.