வன்னியின் பல பகுதிகளிலும் ஊடுறுவல்,கரும்புலித்தாக்குதல்

**சிவா** · **சிவா** Wed Mar 04, 2009 5:04 pm

வன்னியில் பல பகுதிகளில் தமிழீழ விடுதலைப்புலிகள் ஊடுறுவித்தாக்குதல் நடவடிக்கையில் ஈடுபட்டுவருவதுடன் கரும்புலித்தாக்குதல்களையும் நடத்தியுள்ளதாக படை வட்டாரங்களில் இருந்து தெரியவருகின்றது.

நேற்று முன்தினம் திங்கட்கிழமை ஆணையிரவின் கிழக்கே உள்ள வண்ணாண்குளம் பகுதியில் ஊடுறுவி தாக்குதல் நடத்திக்கொண்டிருந்த விடுதலைப்புலிகளின் அணிகளில் இருந்த பெண் கரும்புலி ஒருவர் இந்த கரும்புலித்தாக்குதலை நடத்தியுள்ளதாக தெரிவிக்கப்பட்டுள்ளது.

இதன்போது கரும்புலி பெண் சிங்கள படையின் 55ஆவது படைப்பிரிவின் மீதே தாக்குதல் நடத்தியுள்ளதாக கொழும்பு ஊடகம் ஒன்று தெரிவித்துள்ளது.

இந்த மோதலின்போது படையினருக்கு பலத்த சேதங்கள் ஏற்பட்டிருக்கலாம் என சந்தேகம் தெரிவித்துள்ளதோடு மோதல் தொடர்ந்து இடம்பெற்றதாகவும் தெரிவித்துள்ளது.

இந்த தாக்குதலில் ஊடுறுவியுள்ள விடுதலைப்புலிகளின் அணிகள் வெற்றிலைக்கேணியின் பல பகுதிகளிலும் தாக்குதலில் ஈடுபட்டுவருவதாக தெரிவிக்கப்பட்டுள்ளது.

இதேபோன்று சாலைப்பகுதியிலும் விடுதலைப்புலிகளின் அணிகள் ஊடுருவி தாக்குதலில் ஈடுபட்டுள்ளதாக தெரிவிக்கப்பட்டுள்ளது.

**சிவா** · **சிவா** Wed Mar 04, 2009 5:05 pm

ஆனையிறவுக்கு கிழக்கே உள்ள வண்ணாங்குளம் பகுதியில் நேற்று முன்தினம் திங்கட்கிழமை தமிழீழ விடுதலைப் புலிகள் கரும்புலித் தாக்குதலை நடத்தியுள்ளனர் என சிறிலங்கா படைத்தரப்பு தெரிவித்துள்ளது.

இது தொடர்பாக சிறிலங்கா படைத்தரப்பு மேலும் தெரிவித்துள்ளதாவது:

ஆனையிறவுக்கு கிழக்காக உள்ள வெற்றிலைக்கேணியின் தெற்குப் பகுதியில் வண்ணாங்குளம் உள்ளது. இந்த பகுதிக்குள் நேற்று முன்நாள் திங்கட்கிழமை விடுதலைப் புலிகளின் அணி ஊடுருவியது.

ஊடுருவிய அந்த அணியில் இருந்த பெண் கரும்புலி உறுப்பினர் ஒருவர், 55 ஆவது படையணி மீது கரும்புலித் தாக்குதலை நடத்தினார். 1 தொடக்கம் 2 கிலோ அதிசக்தி வாய்ந்த வெடிகுண்டு இந்த தாக்குதலுக்கு பயன்படுத்தப்பட்டுள்ளது என சிறிலங்கா படைத்தரப்பு தெரிவித்துள்ளது.

இதனிடையே, இந்த தாக்குதலின் இழப்புக்கள் குறித்து படைத்தரப்பு தகவல் எதனையும் வெளியிடாத போதும், வெற்றிலைக்கேணிக்கு அண்மையாக விடுதலைப் புலிகளுக்கும் இராணுவத்தின் 55 ஆவது டிவிசன் படையினருக்கும் இடையில் திங்கட்கிழமை கடும் சமர் நடைபெற்றதாக இணையத் தளம் ஒன்று தகவல் வெளியிட்டிருந்ததும் இங்கு குறிப்பிடத்தக்கது.

வன்னியின் பல பகுதிகளிலும் ஊடுறுவல்,கரும்புலித்தாக்குதல்

வன்னியின் பல பகுதிகளிலும் ஊடுறுவல்,கரும்புலித்தாக்குதல்

Re: வன்னியின் பல பகுதிகளிலும் ஊடுறுவல்,கரும்புலித்தாக்குதல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக