காமமும், நாணமும்

**M.Jagadeesan** · **M.Jagadeesan** Fri Nov 27, 2015 7:11 pm

தலைவியின் உள்ளத்திலே காமத்திற்கும் ,நாணத்திற்கும் இடையே போராட்டம் நடக்கிறது.முதலில் நாணம் பேசுகிறது.பிறகு காமம் பேசுகிறது.

நாணம்:

காமம் பெண்ணுக்கு அழகல்ல
காமம் பெண்ணுக்கு ஏமம் தராது
கழிமிகு காமத்தால்
கற்பை இழந்தாள் அகலிகை!
எழில்மிகு மூக்கை
இழந்தாள் சூர்ப்பனகை!
நாணமென்னும் நகையணிந்து
பேணவேண்டும் பெண்கள் தம்மை!
தமிழகத்துப் பெண்களின் தலையாய
சொத்தே தலைகவிழ்க்கும் நாணம்தானே!

ஆகவே

காமமே! கடுகிப்போ! இவள் நெஞ்சில்
கடுகளவும் உனக்கு இடமில்லை!

என்று நாணம் சொல்ல ,கடுப்படைந்த

காமம்:

வாழ்க்கை என்னும் மாபெருங் கடலில்
இல்லறப்படகு இனிதாய்ச் செல்ல
காமம் என்னும் துடுப்பு வேண்டும்.
ஆண்பெண் சேர்க்கையின்றி அவனி ஏது?
அந்த
ஆண்டவனையே நான் விட்டு வைக்கவில்லையே!
கரும்பு வில்கொண்டு காமன் விடும் மலர் அம்புகளை
இரும்பு இதயம் இருந்தாலும் தடுக்க இயலாதே!
துரும்பு நீ! தூரப் போ! இல்லையெனில்
தூக்கியெறிவேன்! நினைவில் கொள்!

தலைவி:

இருவருக்கு என் உள்ளத்தில் இடமில்லை!
காமம் இருந்தால் நாணத்திற்கு இடமில்லை
நாணம் இருந்தால் காமத்திற்கு இடமில்லை.
ஒருவர் மட்டுமே ஒண்டிக் கொள்ளலாம்.

குறள்:

காமம் விடுஒன்றோ நாண்விடு நன்னெஞ்சே!
யானோ பொறேனிவ் விரண்டு.

நல்ல நெஞ்சே! நீ நாணத்தைக் காப்பாற்ற நினைத்தால் , காமத்தை விடுவாயாக! காமமே பெரிதென்று நினைத்தால் நாணத்தை விட்டுவிடுவாயாக! என்னால் ஒருசேர இரண்டையும் தாங்கமுடியாது.

**பழ.முத்துராமலிங்கம்** · 27/09/2015

M.Jagadeesan wrote:
நல்ல நெஞ்சே! நீ நாணத்தைக் காப்பாற்ற நினைத்தால் , காமத்தை விடுவாயாக! காமமே பெரிதென்று நினைத்தால் நாணத்தை விட்டுவிடுவாயாக! என்னால் ஒருசேர இரண்டையும் தாங்கமுடியாது.

மேற்கோள் செய்த பதிவு: 1177263

**T.N.Balasubramanian** · **T.N.Balasubramanian** Fri Nov 27, 2015 7:58 pm

நாணத்தின் வாதமும்
காமத்தின் பிரதிவாதமும்
தலைவியின் தீர்ப்பும்
கவிதை ரூபமாய் கொண்டுவந்த
jagadeesan அவர்களுக்கு நன்றி

ஆமாம் ,

தமிழகத்துப் பெண்களின் தலையாய
சொத்தே தலைகவிழ்க்கும் நாணம்தானே!

அந்த காலத்து கதையை கூறுகிறீர்கள் தானே !

ரமணியன்

**ayyasamy ram** · **ayyasamy ram** Fri Nov 27, 2015 10:58 pm

**Dr.S.Soundarapandian** · **Dr.S.Soundarapandian** Fri Nov 27, 2015 11:14 pm

**M.Jagadeesan** · **M.Jagadeesan** Sat Nov 28, 2015 6:46 am

T.N.Balasubramanian wrote:நாணத்தின் வாதமும்
காமத்தின் பிரதிவாதமும்
தலைவியின் தீர்ப்பும்
கவிதை ரூபமாய் கொண்டுவந்த
jagadeesan அவர்களுக்கு

ஆமாம் ,
தமிழகத்துப் பெண்களின் தலையாய
சொத்தே தலைகவிழ்க்கும் நாணம்தானே!

அந்த காலத்து கதையை கூறுகிறீர்கள் தானே !

ரமணியன்

மேற்கோள் செய்த பதிவு: 1177280

இக்காலப் பெண்கள் எல்லோருக்கும் நாணம் இல்லை என்ற அதிரடியான முடிவுக்கு நாம் வந்துவிட முடியாது . இந்தக் கணினி யுகத்தில் கூட , கணவன் பெயரைச் சொல்வதற்குக் கூச்சப்படும் பெண்களும் ( கிராமப் புறங்களில் ) இருக்கத்தான் செய்கிறார்கள் .

**T.N.Balasubramanian** · **T.N.Balasubramanian** Sat Nov 28, 2015 6:54 am

ஆம், ஒட்டு மொத்தமாக கூறமுடியாது , Jagadeesan
நகர்ப்புறங்களிலும் , ஏன், ஈகரையிலும் , பெண் பதிவர்கள் பலரும் ,
கணவன் பெயரை கூறாமல் ,
"மாமா ,அத்தான் , ஏங்க" என்றும் விளித்துக் கொண்டு இருக்கின்றனர் .
இதற்காக ஒரு திரி இருந்தது .

ரமணியன்

சசி · சசி Sat Nov 28, 2015 8:22 am

அருமை ஐயா,

**ayyamperumal** · **ayyamperumal** Sat Nov 28, 2015 10:51 am

சற்று நேரத்தில் என்னை ஏமாற்றி விட்டீர்கள் அய்யா

எதோ புறநானூறு இலக்கியத்தை தான் படிக்கிறேன் என நினைத்தேன்.

உங்கள் படைப்பு இலக்கியத்தரம் வாய்ந்தது. நன்றி

Sponsored content · Sponsored content

காமமும், நாணமும்

காமமும், நாணமும்

Re: காமமும், நாணமும்

Re: காமமும், நாணமும்

Re: காமமும், நாணமும்

Re: காமமும், நாணமும்

Re: காமமும், நாணமும்

Re: காமமும், நாணமும்

Re: காமமும், நாணமும்

Re: காமமும், நாணமும்

Re: காமமும், நாணமும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக