பாசக் குருவிகள்! **********

**kirikasan** · **kirikasan** Fri Nov 27, 2015 2:41 pm

நேசங் கொண்ட குருவிகளே
. நீளப் பறக்கும் வானத்தில்
தேசங்கொண்ட நிலையென்ன
. திரும்ப வந்தால் கூறுங்கள்
வாசங் கொண்டு மலரங்கே
. வண்ண இதழ்கள் விரிப்பதிலை
பேசுங்கிளியும் கிள்ளை மொழி
. பேசா திருக்கு தென்றார்கள்

வீசும் தென்றல் விளையாட்டும்
. வேப்ப மரத்துக் குயிற் பாட்டும்
நாசம் எல்லை மீறியதாம்
. நாட்டில் காணா வாழ்வோடு
கூசுங் கொலைகள் களவுகளும்
. குமரி மேனி கலைத்தாடும்
நீசம் எல்லை காணுவதாய்
. நேரக் கேட்டே துடிக்கின்றேன்

மாசும் கொண்டோர் மனமெல்லாம்
. மருகிப் பிறழ்வாய் மனத்தாகம்
பூசும்முகங் கொள் வேடங்கள்
. புரிவோர் மலியப் பொருளுண்டோ
காசுக் கடிமைக் கயவர் கைக்
. காணும் பொம்மை போற்சிலரும்
நேசம் கொள்ளும்மன மின்றி
. நிற்கும் இடமும் மாறியதென்

தேசங்கெட்டே காமுகர்கள்
. திக்கில் எங்கும் திகழுங்கால்
மாசற்றோர் தன் மேனிதனை
. மறைத்தே கரியை முகம்பூசி
வேசம் மாற்றி வெறியோடு
. விலங்காய் திரியும் கயவர் கை
நாசம் தவிர நடைபோடும்
. நம்மூர்ப் பெண்கள் காண்பாயோ

பூசி மஞ்சள் நீராடும்
. பெண்ணின் வதனம் பங்கயம்தன்
பாசிக் குளத்தில் காணும் போல்
. பரந்த கூந்தல் அலையாட
நேசிக்கும் தன் பதியெண்ணி
. நீரின் தழுவல் நாணித்தான்
கூசிச்சிவந்த கன்னத்தில்
. கொய்யா தெடும் கிளி மூக்கு

வாசப் பூவின் மிருதுவினை
. வளைத்தே எடுத்த வாய்மொழியின்
பாசப் பொழிவில் பைங்கிளியின்
. பழமைத் தமிழைப் பயமின்றி
தேசம் மீட்ட திருமகனும்
. திங்களொளியில் கைகோர்த்து
பேசும் போது அச்சமின்றிப்
. பக்கம் இருத்தல் எக்காலம் ?
***************

**பழ.முத்துராமலிங்கம்** · 27/09/2015

இவை அனைத்தும் மின்னஞ்சல் தரவிரக்கம் செய்ய முடியமாயின் இந்த தொகுப்பை பாதுகாத்து கொள்வேன்.நன்றி ஐயா.

**kirikasan** · **kirikasan** Sat Nov 28, 2015 1:58 am

பழ.முத்துராமலிங்கம் wrote:இவை அனைத்தும் மின்னஞ்சல் தரவிரக்கம் செய்ய முடியமாயின் இந்த தொகுப்பை பாதுகாத்து கொள்வேன்.நன்றி ஐயா.

மேற்கோள் செய்த பதிவு: 1177269

என்னிடமுள்ள அனைத்து தொகுப்புக்களையும் Pdf வடிவில் தருகிறேன். சில மணித்தியாலங்களில்
(10 தொகுப்புக்கள் .மின்னூல் தரவிரக்கப் பகுதியில்)

Sponsored content · Sponsored content

பாசக் குருவிகள்! **********

பாசக் குருவிகள்! **********

Re: பாசக் குருவிகள்! **********

Re: பாசக் குருவிகள்! **********

Re: பாசக் குருவிகள்! **********

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக