8ம் தேதி ராகு, கேது பெயர்ச்சி !

**krishnaamma** · **krishnaamma** Fri Jan 08, 2016 9:18 am

திருவிடைமருதூர்: வரும் 8ம் தேதி ராகு, கேது பெயர்ச்சி விழா நடக்கிறது. அதை முன்னிட்டு ராகு தலமான திருநாகேஸ்வரத்தில் இன்று லட்சார்ச்சனை துவங்கியது. தஞ்சை மாவட்டம் திருவிடைமருதூர் அடுத்த திருநாகேஸ்வரத்தில் ராகுபகவான் சிவபெருமானை பூஜித்த திருத்தலமாக விளங்கும் கிரிகுஜாம்பிகை உடனாய நாகநாதசுவாமி கோயில் அமைந்துள்ளது.

இக்கோயிலில் சுசீலமுனிவரின் குழந்தையை அரவாகிய ராகு தீண்டியதால் ராகுவிற்கு சாபம் ஏற்பட்டது.இச்சாபம் நிவர்த்திபெற நான்கு தலங்கள் வழிப்பட்டு நிறைவில் திருநாகேஸ்வரத்தில் உள்ள நாகநாதசுவாமியை மகாசிவராத்திரி அன்று வழிப்பட்டு சாபம் நீங்கபெற்றார்.

‘ராகுவே என் அருள் பெற்ற நீ என்னை வழிப்பட்டு பிறகு உன்னை வணங்கும் அடியார்களுக்கு உன்னால் ஏற்படக்கூடிய காலசர்ப்பதோஷம், சர்ப்பதோஷம், புத்திரதோஷம் ஆகியவற்றை நீக்கி அருள்பாலிக்கவேண்டும்’ என சிவன் பணித்தார். பிரசித்திபெற்ற நவக்கிரக தலங்களில் ஒன்றாக விளங்கும் இங்கு நாககன்னி, நாகவல்லி என இருதேவியருடன் தனிசன்னதி கொண்டு ராகுபகவான் மங்கள ராகுவாக அருள்பாலிக்கிறார்.

இங்கு ராகுகாலத்தில் ராகுபகவானுக்கு பாலாபிஷேகம்செய்து வழிபடுவது சிறப்பு.வரும் 8ம் தேதி மதியம் 12.37 மணிக்கு ராகுபெயர்ச்சி விழாஇக்கோயிலில் நடைபெறுகிறது. அப்போது ராகு பகவான் கன்னிராசியில் இருந்து சிம்மராசிக்கு பெயர்ச்சியடைகிறார். ராகு பெயர்ச்சியையொட்டி மேஷம், ரிஷபம், கடகம், சிம்மம், கன்னி, விருச்சிகம், மகரம், கும்பம் ஆகிய ராசிகார்கள் பரிகாரம் செய்துகொள்ளலாம்.இதற்காக இக்கோயிலில் இன்று (திங்கள்)முதல் 6ம் தேதி வரை முதல்கட்டமாகவும்,11 முதல் 14ம் தேதி வரை 2ம் கட்டமாகவும் லட்சார்ச்சனை விழா நடக்கிறது.வரும் 6ம் தேதி மாலை 6 மணிக்கு ராகு பகவானுக்கு முதல்கால யாகபூஜை தொடங்கி 7ம் தேதி காலை இரண்டாம் கால யாக பூஜை, மாலை மூன்றாம் கால யாக பூஜை நடக்கிறது.

ராகு பெயர்ச்சி தினமான 8ம் தேதி காலை 10மணிக்கு நான்காம் காலயாகபூஜை நடந்து பின்னர் கடம்புறப்பாடு நடைபெற்று ராகுபகவானுக்கு பல்வேறு நறுமணபொருட்களை கொண்டு அபிஷேகம் நடைபெற்று மதியம் 12.37 மணிக்கு மகாஅபிஷேகம்செய்யப்படும். பின்னர் மகாதீபாராதனை, பஞ்சதீபாராதனை நடைபெறுகிறது.

கேது பெயர்ச்சி விழா நாகை மாவட்டம் பூம்புகார் அருகே கேது தலமான கீழப்பெரும்பள்ளம் நாகநாத சுவாமி கோயில் உள்ளது. இங்கு கேது பகவான் தனி சன்னதியில் வீற்றிருந்து அருள் பாலிக்கிறார். கேதுவை வழிபட்டால் திருமண தடை நீங்கி, புத்திர தோஷம் நீங்கி செல்வ செழிப்பு, நீதிமன்ற வழக்குகளில் வெற்றி கிடைக்கும் என்பது ஐதீகம். வரும் 8ம் தேதி மதியம் 12.37 மணிக்கு கேது பகவான் மீன ராசியில் இருந்து கும்ப ராசிக்கு பெயர்ச்சியடைகிறார்.

இதையொட்டி அன்று காலை விநாயகர் பூஜையுடன் யாகசாலை பூஜைகள் துவங்குகிறது. தொடர்ந்து கேது பரிகார வேள்வி நடைபெறுகிறது. பகல் 12.37 மணிக்கு கேது பெயர்ச்சியையொட்டி அபிஷேகம் தீபாராதனை நடைபெறுகிறது. ரிஷபம், விருச்சிகம், மிதுனம், கடகம், சிம்மம், மகரம், கும்பம், மீனம், போன்ற ராசிக்காரர்கள் பரிகாரம் செய்து கொள்வது நல்லது.

தினகரன்

shobana sahas · shobana sahas Sat Jan 09, 2016 7:23 am

நன்றி க்ரிஷ்ணாம்மா .

இந்த பதிவைத் துவங்கியவர் நன்றி கூறியுள்ளார் shobana sahas

8ம் தேதி ராகு, கேது பெயர்ச்சி !

8ம் தேதி ராகு, கேது பெயர்ச்சி !

Re: 8ம் தேதி ராகு, கேது பெயர்ச்சி !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக