நன்கொடையை ஏன் மறுத்தார்?

**ayyasamy ram** · **ayyasamy ram** Thu Nov 26, 2015 5:21 am

-
பாண்டித்துரை தேவருடைய தாயார் திடீரெனக் காலமானதைக் கேட்டு, பாண்டித்துரை தேவருக்கு ஆறுதல் கூற ராமநாதபுரம் சென்ற உ.வே. சாமிநாதையர் அங்கு பல நாள்கள் தங்கியிருந்தார்.

ஒருநாள் வெளியே சென்றுவிட்டுத் திரும்பிய பாண்டித்துரை தேவர், “”உங்களுக்கு ஒரு மகிழ்ச்சியான செய்தியைச் சொல்லப்போகிறேன்” என்றார்.

“”ஏதாவது நூல் பதிப்பிக்க வேண்டும் என்று சொல்லப் போகிறீர்களா?” என்றார் உ.வே.சா.

“”ஒரு நூல் அல்ல… பல நூல்களைப் பதிப்பிக்கலாம். அந்த அளவுக்குச் செல்வம் அளிக்குமாறு ஒரு கிராமத்தையே உங்கள் பெயரில் எழுதிவைக்க மகாராஜா (பாஸ்கர சேதுபதி) நினைக்கிறார். மேலும், இதுவரை உங்களுக்கு ஏதும் செய்யாமல் இருந்ததையே பெரிய தவறாக மகாராஜா கருதுகிறார்” என்றார் பாண்டித்துரை தேவர்.

உடனே உ.வே.சா., தாமே அரண்மனைக்குச் சென்று அரசரைச் சந்தித்தார். அவர் மனமுவந்து கிராமத்தை அளிக்க முன்வந்ததற்கு மனமார்ந்த நன்றியை முதலில் தெரிவித்துக் கொண்டார். பிறகு, “”எனக்கு இப்பொழுது ஒன்றும் குறையில்லை. ஆண்டவன் திருவருளால் கல்லூரியில் சம்பளம் வருகிறது. நான் செட்டாக வாழத்தெரிந்தவன்” என்று கூறி நன்கொடையை மறுத்துவிட்டார்.

இப்படி பல நன்கொடைகளையும் பதவிகளையும் நல்ல வாய்ப்புகளையும் தான் நிராகரித்ததற்குக் காரணம் கூறும்பொழுது, “”எனக்குப் பணம் முக்கியமல்ல, என்னுடைய நேரம் கல்லூரியில் பாடம் சொல்வதிலும் மற்ற சமயங்களில் தமிழ் நூல்களை ஆராய்வதிலுமே கழிந்து கொண்டிருக்கிறது. பணம் வரத் தொடங்கினால் கவலை வேறு வழிகளில் ஏற்பட்டுவிடும். பிறகு எனக்கு ஆராய்ச்சி செய்வதற்கு நேரம் இருக்காது, பழைய நூல்களைப் பதிப்பிக்கவும் தோன்றாது” என்று கூறியுள்ளார்.

=

தமிழ்மணி – தினமணி

**பழ.முத்துராமலிங்கம்** · 27/09/2015

ayyasamy ram wrote:உ.வே. சாமிநாதையர்
இப்படி பல நன்கொடைகளையும் பதவிகளையும் நல்ல வாய்ப்புகளையும் தான் நிராகரித்ததற்குக் காரணம் கூறும்பொழுது, “”எனக்குப் பணம் முக்கியமல்ல, என்னுடைய நேரம் கல்லூரியில் பாடம் சொல்வதிலும் மற்ற சமயங்களில் தமிழ் நூல்களை ஆராய்வதிலுமே கழிந்து கொண்டிருக்கிறது. பணம் வரத் தொடங்கினால் கவலை வேறு வழிகளில் ஏற்பட்டுவிடும். பிறகு எனக்கு ஆராய்ச்சி செய்வதற்கு நேரம் இருக்காது, பழைய நூல்களைப் பதிப்பிக்கவும் தோன்றாது” என்று கூறியுள்ளார்.
தமிழ்மணி – தினமணி

மேற்கோள் செய்த பதிவு: 1176875