காட்டுமரம்

**ayyasamy ram** · **ayyasamy ram** Wed 25 Nov 2015 - 15:28

-
ஒரு காட்டுமரம்
தன்னைத்தானே விதைக்கும்
தனக்குத்த்தானே நீருற்றி
தன்னைத்தானே வளர்க்கும்
–
வேனலில் தனக்குத்தானே
காற்றை வீசிக்
கொண்டு உறங்கும்
–
கடும்புயலின் நாளில்
தீராத மன உளைச்சலில்
தன் கரங்களை,
சிரசை சில சமயங்களில்
தன் மொத்த உடலையே
வெட்டிக்கொண்டு சரியும்
–
எப்போதாவது தனக்குத்தானே
தீ வைத்துக்கொண்டு கருகும்
தனக்குத்தானே நாற்காலி
செய்து போட்டுக்கொண்டு
அதில் உட்கார்ந்திருக்கும்
–
இல்லையேல் மேசையாகி
கை,கால் ஊன்றி குனிந்து கிடக்கும்
–
மரங்கள் நாற்காலிகள்
விளைவிக்கின்றன
மர நாற்காலிகளில் அமர்ந்தபடி
மரங்களை விலை பேசும்
மரக்கைட்க்காரரை
என்ன சொல்ல…
–
மரக்கடைக்காரா…
அங்கே கொஞ்சம் பசுமையான
என்
நினைவுகளின் மீதும் உட்கார்
அதன் அடியிலும் உட்கார்
–
————————–
–
நரன்