இட்லி கடை

வீட்டுக்கு அருகில் ஒரு கையேந்திபவன் வைத்துள்ள தம்பதியினர்.ஒரு வாடகை தள்ளுவண்டி,யாரிடமோ கடன் வாங்கியிருப்பார்கள் போல மாலை நேரத்தில் வட்டி வாங்க வருவார்.மாதக்கடைசியில் காவல்துறைக்கு மாமூல்.பெரிதாக முதலீடு இல்லை.பெரிய லாபமும் இல்லை,கடின உழைப்பு அன்றாடம் பிழைப்பு.ஆனாலும் அவர்களுக்குள் இருக்கும் புரிதல் அவ்வளவு அழகு.
இவர் தோசை ஊற்றும்போது அவர் சப்பாத்தி தேய்த்துக் கொண்டு இருப்பார்,இவர் பூரி போடும்போது அவர் இட்லி எடுத்துக்கொண்டு இருப்பார்.கணவனுக்கு அத்தனை ஒத்துழைப்பு.இதுபோக கொஞ்சம் ஓய்வு கிடைத்தாலும் "நீங்க சாப்பிடுங்க" என்று சொல்லி அவருக்கு இலைபோட்டு சாப்பிட வைப்பார்,அதே போல அவரும் அந்த பெண்ணை சாப்பிட வைப்பார்.
இது தவிர தினமும் 100 குடிகாரர்களின் தவறான பார்வைகளை கடந்த அந்த பெண்ணின் கண்ணியம்,அவர்களுக்குள் பரஸ்பர நம்பிக்கை.மனைவியை சந்தேகிக்கும் கணவன்,கணவனை சந்தேகிக்கும் மனைவி,பன்னாட்டு நிறுவனத்தில் லட்சக்கணக்கில் சம்பாரித்தும் வாழ்கையில் நிம்மதி இல்லை என்று சொல்லி டைவர்ஸ் பெரும் தம்பதிகள் மத்தியில் உண்மையில் ஒரு சூப்பர் ஜோடி தான்.

by **T.N.Balasubramanian** Mon Nov 23, 2015 11:37 pm

அருமையான புரிதல் .
ரமணியன்

நன்றி ஐயா உங்கள் விருப்பத்திற்கேற்ப மேலும் பல நவரச பதிவுகள் பதித்துள்ளேன் ...நன்றி

by **T.N.Balasubramanian** Tue Nov 24, 2015 12:01 am

நன்றி .
நவரச பதிவு பல பதிவிட்டு
நவரச பதிவர் பட்டம் பெறுவீராக அன்பு மலர்

ரமணியன்

நன்றி ஐயா .. கடிதம் கன்டேன் ..விவரம் அறிந்தேன்..திருத்தம் செய்யபடும்.

நன்றி ஐயா,

ஈகரை என்னை உண்மையிலேயே ஒரு தேடன் ஆக மாறிவிட்டேன்...முன்பெல்லாம் தமிழ் சார்ந்த பதிவுகள் மட்டும்தான் பதிவிட்டேன் ஆனால் இங்கு நவரசங்களும் தேவை என்பதை புரிந்து கொன்டேன்..என்னுடைய அனைத்து பதிவுகளையும் படித்து ரசியுங்கள்.கன்டிப்பாக உங்களது பின்னூட்டங்களை எதிர்பார்க்கிறேன்..ஈகரையை பொருத்தவரை நானும் ஒரு உறுப்பினர் என்பதில் பெருமை அடைகிறேன்.நன்றி.

by **T.N.Balasubramanian** Tue Nov 24, 2015 8:18 am

உங்கள் பெருமை
எங்கள் மகிழ்ச்சி அன்பு மலர்

ரமணியன்

by K.Senthil kumar Tue Nov 24, 2015 8:24 am

by **M.Jagadeesan** Tue Nov 24, 2015 12:44 pm

இட்டலிக் கடை தம்பதியர் வாழ்க !

மெய்வருத்தம் பாராது கண் துஞ்சாது
...மெதுவடை பொங்கல் இட்டலி செய்து
கையேந்தி பவனை நடத்தும் தம்பதியர்
...கைகூப்பியே வணங்கும் பெருமை பெற்றார் !
வையத்தில் வாழ்கின்ற மனிதர்க் கெல்லாம்
...உண்டி கொடுத்தோர் உயிர்கொடுத் தோரென்று
ஐம்பெரும் காப்பியத்துள் ஒன்றாய் நிற்கும்
...அறிவுடையோர் போற்றும் மணிமேகலை சொல்லும் .