ஊறு செய்யும் ஆமை

by குழலோன் Mon Nov 23, 2015 5:17 pm

அறியாமை என்னும் மடமை
அறிவை வளர்க்க உதவாது – அது
அழிவைத் தராமல் விடாது

முயலாமை என்னும் கொடுமை
சகதியில் உறங்கும் எருமை – அது
மீண்டு வருதல் முடியாது

பணியாமை என்னும் கடுமை
பண்புக்குப் பெருமை தாராது – அது
பேர்சொல்ல என்றும் வாராது

உதவாமை என்னும் வறுமை
உற்றவரைத் தம்முன் சேர்க்காது – அது
மற்றவரோடு கரம் கோக்காது

by **M.Jagadeesan** Tue Nov 24, 2015 12:01 pm

ஆமையில் ஏகப்பட்ட ஆமைகள் உண்டு . குழலோன் சொன்னது தீமை செய்யும் ஆமைகள் . வள்ளுவர் சொல்லும் சில நன்மை செய்யும் ஆமைகளைப் பார்ப்போமா !

பிறனில் விழையாமை ,
அழுக்காறாமை ,
வெஃகாமை ,
புறங்கூறாமை ,
பயனில சொல்லாமை ,
கள்ளாமை,
வெகுளாமை ,
இன்னா செய்யாமை ,
கொல்லாமை ,
சிற்றினம் சேராமை ,
பொச்சாவாமை ,
வெருவந்த செய்யாமை ,
இடுக்கண் அழியாமை ,
அவை அஞ்சாமை ,
பெரியாரைப் பிழையாமை ,
கள்ளுண்ணாமை

ஆமை புகுந்த வீடு உருப்படாது என்று சொல்வார்கள் . ஆனால்
இந்த ஆமைகள் எல்லாம் நம் மனமென்னும் வீட்டிலே புகுந்தால் நாம் நிச்சயமாக மேன்மைக்கு வரலாம் .