மக்கள் விரல்களின் மதிப்புணர்த்தும் நாள்

**ayyasamy ram** · **ayyasamy ram** Mon Nov 23, 2015 8:52 am

-
மக்கள் விரல்களின் மதிப்புணர்த்தும் நாள்
காகிதத்தில் முத்திரை
என்ற முறை சென்று
மின்னணு பதிவு வந்தது…!
–
பல வண்ணக் கொடிகள்
பலவித வாக்குறுதிகள்
வாக்காளர் மனதிலே
வண்ண வண்ண கற்பனைகள்..!
–
சொன்னதை செய்வது
மனிதத்தன்மையாக அறியப்படுவது
சொல்லாததையும் நடத்திக் காட்டுவது
தெய்வீகமாக உணரப்படுவது
–
சொல்லியும் செய்யாததை..
எவ்வகையில் சேர்ப்பது ?
–
மக்கள் நம்பிக்கை நிஜமானால்..
அது தலை நிமிர வைக்கும்
மக்கள் ஏமாற்றம் அடைந்தால்
வெட்கித்தலை குனியவைக்கும்
–
நம்பிக்கையில் பெறுவது பாராட்டுக்குரியது
காசுக்குப் பெறுவது இகழ்ச்சிக் குரியது
–
சீர்மிகு பாரதம் செழித்தோங்கிட
சீரிய சிந்தனைசெய்து ஓட்டளிப்போம்
நம் ஜனநாயக உரிமையை நிலைநாட்டுவோம் – ஏனெனில்
தேர்தல் நாளும் நம் வாழ்வின் திருநாளாகும்
–
வாழ்க ஜனநாயகம் ! வளர்க நம் தாயகம் !
–
————————————

– இரா சத்தியமூர்த்தி
நன்று- கவிதைமணி