பெண் எனும் பகடை காய் _சசி

சசி · சசி Sat Nov 21, 2015 3:40 pm

பொது வெளியில்
பெண்கள் இன்னும்
காட்சி பொருளாகத்தான்
காட்சிப்படுத்தப்படுகிறாள்!!

இல்லை இல்லை
பார்ப்பவர்களின்
கண்களில் தான்
இருக்கிறது என்று
கருத்துக்களை
கூடை கூடையாய்
கூறுபவர்களே!

பார்க்கும் விதத்திலும்
பாலியல் இச்சையை
தூண்டும் விதத்தில் தான்
காட்சிப்படுத்தப்படுகிறாள்!!

பாவம் அவள் என்ன
செய்வாள்??
அவளுக்கான
பிரச்சினையாக
கருதவில்லை
போலும்!!

இவள் விற்பனைக்கு
என்று கழுத்தில்
கட்டி தொங்கவிடாத
நிலைத்தான்
இன்று பெண்களுக்கு!!

கவிஞர்களோ
ஒரு படி மேலே போய்
காட்சிப்படுத்தப்படுவதற்கு
தகுந்தாற் போல்
விரசமான
வார்த்தைகளால்
விளையாடி
இளைஞர்களின்
வாழ்க்கையை
சீரழிக்க
எழுதுகோலை
பணத்திற்கு
அடமானம்
வைத்து விட்டனர்!!

இன்னும் ஒரு படி
மேலே போய்
சமூகம் பெண்களை
சந்தை பொருளாகத்தான்
பார்கிறது!!
திருமண சந்தையில்
விலை போகாதவளுக்கு
விடியாதவள் என்ற
பட்டத்தோடு
அலைய வேண்டியதுதான்!!

பெண்களை பகடை காயாக
உருட்டி உருட்டி காலம்
தான் உருண்டோடுகிறது!!!

பெண்களே
என்ன செய்ய
போகின்றோம்???

காட்சி எனும்
மாய திரையை
கிழித்தெறிய
நான் எழுதுகோலை
ஆயுதமாக
எடுத்து விட்டேன்!!!

நீங்கள் என்ன செய்ய
போகிறீர்கள்!!!!?????

**T.N.Balasubramanian** · **T.N.Balasubramanian** Sat Nov 21, 2015 4:19 pm

சில வரிகளில் உடன்பாடு உண்டு .
சிலதில் இல்லை

பொது வெளியில்
பெண்கள் இன்னும்
காட்சி பொருளாகத்தான்
காட்சிப்படுத்தப்படுகிறாள்!!

பொது வெளியில்
பெண்கள் இன்னும்
காட்சிப் பொருளாகத்தான் ,
தன்னை காட்டிக் கொள்கிறாள் ,
என்பதே சரியாகும் .

ஒரு சராசரி ஆணின் உடை அலங்காரத்தையும் ,
ஒரு சராசரி பெண்ணின்
உடை அலங்காரத்தையும் ,ஒப்பனையும் , அணியும் நகைகளையும்
பார்த்தாலே தெரியும் .

இது எந்தன் கருத்து .

ரமணியன்

சசி · சசி Sat Nov 21, 2015 6:42 pm

ஊடகத்துறை மற்றும் திரைத்துறையை
கருத்தில் கொண்டு தான் எழுதினேன் ஐயா. நீங்கள் கூறுவதையும் முற்றிலும் மறுப்பதற்கு இல்லை.நன்றி ஐயா.

**M.Jagadeesan** · **M.Jagadeesan** Sun Nov 22, 2015 11:33 am

நகைக்கடை விளம்பரத்திற்கு நடிகை ஏனோ ?
...நல்லெண்ணெய் விளம்பரத்திற்கும் நடிகை தானா ?
வகைவகையாய் புடைவைகளை விற்போர் கூட
...வனப்புமிக்க நடிகைபடம் போட்டே விற்பார் !

காசுபணம் வாங்காமல் பெண்கள் எல்லாம்
...காட்சிப் பொருள் ஆவதற்கு ஒப்புவாரோ ?
கூசாமல் கவிஞர்களைத் திட்ட வேண்டாம் !
...குணக்கேடாம் பெண்களுக்கு அவனா பொறுப்பு ?

K.Senthil kumar · K.Senthil kumar Sun Nov 22, 2015 11:46 am

M.Jagadeesan wrote:நகைக்கடை விளம்பரத்திற்கு நடிகை ஏனோ ?
...நல்லெண்ணெய் விளம்பரத்திற்கும் நடிகை தானா ?
வகைவகையாய் புடைவைகளை விற்போர் கூட
...வனப்புமிக்க நடிகைபடம் போட்டே விற்பார் !

காசுபணம் வாங்காமல் பெண்கள் எல்லாம்
...காட்சிப் பொருள் ஆவதற்கு ஒப்புவாரோ ?
கூசாமல் கவிஞர்களைத் திட்ட வேண்டாம் !
...குணக்கேடாம் பெண்களுக்கு அவனா பொறுப்பு ?

மேற்கோள் செய்த பதிவு: 1176147

அருமை அருமை