கே.ஜே.யேசுதாஸின் 50 ஆண்டு சாதனை!

---

கர்நாடக சங்கீத இசை மேதையும்,
பிரபல பின்னணிப் பாடகருமான, கே.ஜே. யேசுதாஸ் திரைத்துறையில் பாடகராக
அறிமுகமாகி 50 ஆண்டுகாலத்தை நிறைவு செய்துள்ளார். திரைப்படத்துறையில் இது
மிகப்பெரிய சாதனையாக போற்றப்படுகிறது. எப்போதெல்லாம் நல்ல இசை கேட்கிறோமோ,
அந்த நிமிடங்களில் மனம் நனைந்து கரைந்து உருகும் அதிசய அனுபவத்தைப்
பெறுகிறோம். மொழிகளுக்கும், எல்லைகளுக்கும் அப்பாற்பட்டது இசை மட்டுமே.
அந்த வகையில் தெய்வீக குரலுடைய கே.ஜே. யேசுதாஸ் பாடிய அனைத்து பாடல்களுமே
கேட்கக் கேட்க திகட்டாதவை.

கே.ஜே.யேசுதாஸ் ஒரு பாடகராக அறிமுகமாகி
நேற்றுடன்(14.11.11) 50 ஆண்டுகள் நிறைவடைகின்றன. 1961ம் ஆண்டு நவ.14ம் தேதி
கல்பாடுகள் என்ற மலையாள படத்திற்காக தனது முதல் பாடலை பாடினார். அப்போது
தொடங்கிய தனது இசை பயணத்தை இப்போதும் தனது 71 வயதிலும் தொடர்கிறார். தனது
50 ஆண்டுகால கலை வாழ்க்கையில் மலையாளம், தமிழ், தெலுங்கு, கன்னடம், இந்தி.
பெங்காலி, ஒரியா, குஜராத்தி, துலு, மராத்தி, ஆங்கிலம், ரஷ்யன் உள்ளிட்ட 14
மொழிகளில் 50 ஆயிரத்துக்கும் மேற்பட்ட பாடல்களைப் பாடி சாதனை
புரிந்துள்ளார்.

தெய்வீகப் பாடகர் எனப் போற்றப்படும் யேசுதாசுக்கு
கலை மற்றும் கலாசாரத்தில் தன்னிகரற்ற பங்களிப்பிற்காக மத்திய அரசின்
பத்மஸ்ரீ, பத்மபூஷண் விருதுகளை பெற்றுள்ளார். திரைத்துறையில் சிறந்த
பாடல்களை பாடியதற்காக 7 முறை தேசிய விருதும், 17 முறை மாநில விருதும்
பெற்றுள்ளார். இவரது புகழினை பரப்பும் வகையில் இவரது இளையமகன் விஜய்
யேசுதாஸ் புகழ்பெற்ற பின்னணி பாடகராக உருவெடுத்துள்ளார்.

50 ஆண்டுகளை கடந்துள்ள கே.ஜே.யேசுதாஸை நாமும் வாழ்த்துவோம்!

தினமலர்

எனக்கு ரொம்ப பிடித்த பாடகர்
அவருக்கு என் மனமார்ந்த வாழ்த்துகள்

yesuthaas saar en manamaarntha vaazththukal

இவரின் மயக்கும் இசையில் நான் உலகை மறந்த நாள் பல!

உங்களின் பகிர்வுகளுக்கு நன்றி.

வாழ்த்துக்கள் யேசுதாஸ் ஐயா ....

வாழ்த்துக்கள் ஐயா

வாழ்த்துகள் யேசுதாஸ் ஐயா ....

எனக்கு ரொம்ப பிடித்த பாடகர்
அவருக்கு ஈகரை ஹிஷாலீயின் மனமார்ந்த வாழ்த்துகள்.

தமிழில் எஸ். பாலசந்தரின் பொம்மை படத்தில்
‘நீயும் பொம்மை, நானும் பொம்மை’ பாடலின் மூலம்
அறிமுகமானார். 1970-களில் இந்தித் திரைப்படங்களில்
பாடத் தொடங்கினார்.
-
--------------